Magdalena

SEC წარადგენს Project Crypto-ს - ეს იქნება “მარეგულირებელი გადატვირთვა“ კრიპტო რბოლაში აშშ-ის ლიდერობისთვის SEC-ის Project Crypto-მ უოლ სტრიტის ციფრული მომავალი გამოწვევად აქცია, როდესაც ციფრული აქტივების აღმავლოლბის მიზნით აშშ-ის ფასიანი ქაღალდების რეგულაციების ყველაზე ტრანსფორმაციული რეფორმა წარმოადგინა. თავმჯდომარე ატკინსის ხელმძღვანელობით მისია ნათელია: უარი თქვას კრიპტოვალუტების შემაფერხებელ ძველ წესებზე და ტოკენიზაცია ამერიკული ინოვაციების მამოძრავებელ ძალად იქცეს. „ჩვენი მარეგულირებელი სტრუქტურა არ უნდა იყოს მიბმული ანალოგურ წარსულზე, რომელიც ახალი საზღვრების მიმართ არამეგობრული იყო. მომავალი სრული სისწრაფით მოდის და მსოფლიო არ იცდის. ეს არის მომენტი, რომელიც ამერიკულ ამბიციას მოითხოვს და აშშ-მ უბრალოდ ტემპის შენარჩუნების ნაცვლად უნდა უხელმძღვანელოს მას პროექტით, რომელიც მის პოტენციალს გამოავლენს: ეს იქნება Project Crypto, - განაცხადა ატკინსმა Bernstein-ის კვლევითი ჩანაწერის თანახმად, რომელიც აანალიზებს პროექტის ყველაზე მნიშვნელოვან ასპექტებს. კრიპტო ინოვაციების სამშობლოში დაბრუნება: რეპატრიაცია და წესების გადაწერა კრიპტო ემიგრაციის ეპოქის დასასრული - გენსლერის მიერ წლების განმავლობაში ზედმეტი რეგულირების მემკვიდრეობა იწყება ამერიკაში ინოვაციების დაბრუნებით. SEC აპირებს გამოიყენოს თავისი ინტერპრეტაციული და გამათავისუფლებელი უფლებამოსილებები იმის უზრუნველსაყოფად, რომ მოძველებული კანონები არ ჩაახშობს შიდა მეწარმეობას. ატკინსის თქმით 1933 წლის ფასიანი ქაღალდების შესახებ კანონს, რომელიც ადრე ციფრული აქტივების უმეტესობის წინააღმდეგ კანონის უხეში ინსტრუმენტის სახით გამოიყენებოდა, აღარ ექნება ამ ტიპის კონტროლი. SEC-ს მტკიცედ აქვს გადაწყვეტილი, რომ თავიდან აიცილოს „არქაული ფასიანი ქაღალდების წესებით“ შიდა ინოვაციების ჩახშობა. „იმისგან განსხვავებით, რაც SEC-მა წარსულში განაცხადა, კრიპტოაქტივების უმეტესობა ფასიანი ქაღალდები არ არის“, - აღნიშნა ატკინსმა. ახალი სტრუქტურა მიზნად ისახავს მკაფიო კატეგორიების შექმნას - ციფრული საქონელი, Stablecoin-ები და ციფრული კოლექციონირება - რათა პროექტები განვითარდეს. კომისია შეიმუშავებს გამჭვირვალე სახელმძღვანელო პრინციპებს იმის შესახებ, თუ რა წარმოადგენს ფასიან ქაღალდს ციფრულ აქტივებში, რაც აშშ-ს კომპანიებს მისცემს ნათელ წარმოდგენას, თუ როგორ მოახდინონ აქციებისა და ობლიგაციების ტოკენიზაცია. ატკინსი იმედოვნებს, რომ ეს ინიციატივები, ბიუროკრატიის შემცირებასთან ერთად, დაეხმარება აშშ-ს ბლოკჩეინზე მსოფლიოში უდიდესი ფასიანი ქაღალდების ბაზრის შექმნაში. მოდელი Super App: ერთი ლიცენზია ყველას სამართავად მარეგულირებელი ორგანოების მასშტაბური რეფორმის ფარგლებში SEC გეგმავს მრავალშტატიანი ლიცენზიების ძველი, ჩახლართული სისტემის გაუქმებას. „Reg-Super App“-ის ფარგლებში ბროკერ-დილერებს შეეძლებათ მომხმარებლებს შესთავაზონ პროდუქტებისა და მომსახურების ფართო სპექტრი, მათ შორის კრიპტოაქტივები, ტრადიციული ფასიანი ქაღალდები, Stablecoin-ები, სტეიკინგი, სესხების გაცემა და სხვა ერთ ჭერქვეშ, ერთი ფედერალური ლიცენზიით. ზოგიერთი ამ იდეას სიჩქარისა და მასშტაბურობისთვის შექმნილ უოლ სტრიტის ციფრულ სუპერმარკეტს ადარებს. ბლოკჩეინ-პროგრამების უზრუნველყოფის პოტენციალის გამოვლენა და კონკურენცია Project Crypto ასევე ითვალისწინებს ბლოკჩეინის პროგრამული უზრუნველყოფის დანერგვას - დეცენტრალიზებული ბირჟების, სესხების პროტოკოლების და სხვა. SEC-ის მიზანია ბლოკჩეინზე ტოკენიზებული ფასიანი ქაღალდებით ვაჭრობის გამარტივება, რაც უზრუნველყოფს 24/7 რეჟიმში მყისიერ ანგარიშსწორებას, ხარჯების შემცირებას და მოქმედ და ფინტექ კონკურენტებს შორის უფრო თავისუფალ კონკურენციას. ეს საშუალებას მისცემს სავაჭრო პლატფორმებს, როგორიცაა Coinbase Global Inc (NASDAQ:COIN) და Robinhood (NASDAQ:HOOD), დაამატონ ტრადიციული და ტოკენიზებული ფასიანი ქაღალდები, ან გამოიყენონ Circle-ის (NYSE:CRCL) Stablecoinები, რათა უზრუნველყონ ჯვარედინად უზრუნველყოფილი პროდუქტები როგორც საცალო, ასევე ინსტიტუციური მომხმარებლებისთვის. „დროა, ფინანსური სისტემა ონლაინიდან ბლოკჩეინზე გადავიყვანოთ“, - ამბობს ატკინსი, რაც ამერიკული კაპიტალის ბაზრების ფუნდამენტურ გადატვირთვას ნიშნავს. Bernstein-ის ანალიტიკოსების აზრით ეს ახალი ხედვა, შესაძლოა ყველაზე ტრანსფორმაციული კრიპტო ხედვაა, რაც კი ოდესმე SEC-ის მოქმედ თავმჯდომარეს კაპიტალის ბაზრების ისტორიაში წაარმოუდგენია. იმისათვის, რომ მომავალს ფეხდაფეხ მივყვეთ, ინოვატორებისთვის წითელი ხალიჩა უნდა გაიშალოს, მარეგულირებელი ბარიერები უნდა მოიხსნას და ბლოკჩეინ ტექნოლოგიამ ბაზრის ინფრასტრუქტურა უნდა გარდაქმნას. კრიპტო სტარტაპებისა და უოლ სტრიტის გიგანტებისთვის გზავნილი ნათელია: არქაული რეგულაციების გზით კრიპტოვალუტების კაპიტალის ბაზრების ჩრდილში გადაყვანის ერა დასრულდა. ფინანსური დომინირებისთვის შემდეგი ბრძოლა ამერიკულ ციფრულ ნიადაგზე გაიმართება. https://tinyurl.com/5zrd6ucs

Asus-მა წარადგინა პროფესიონალური ლეპტოპები ExpertBook P3 Asus-მა დააანონსა ExpertBook P3 სერიის ლეპტოპები, რომლებიც ხელმისაწვდომია 14- და 16-დუიმიანი ეკრანებიით. ეს არის ბიზნესზე ორიენტირებული Copilot+ კლასის კომპიუტერები თანამედროვე პროცესორებით AMD Ryzen AI 7 Pro-მდე. ფოტოს წყარო: asus.com Asus ExpertBook P3 ლეპტოპებს აქვთ მკაფიო, არეკვლის საწინააღმდეგო დისპლეი 2.5K (2560 × 1600 პიქსელი) გაფართოებით და 144 ჰერცამდე კადრის განახლების სიხშირით. SSD-ს დაკავშირებითსვის მოცემულია ორი სლოტი: M.2 2280 და M.2 2230. კომპიუტერები აღჭურვილია BIOS-ით, რომელიც შეესაბამება NIST SP 800-155 სტანდარტს და აკმაყოფილებს კომერციული დონის უსაფრთხოების სტანდარტებს; წარმოდგენილია თითის ანაბეჭდის სკანერი სწრაფი ავტორიზაციისთვის და TPM 2.0 ჩიპი აპარატურული დაშიფვრის ფუნქციებისთვის. Asus ExpertBook P3 მოდელებში მოცემულია AMD Ryzen AI 5 330-დან AMD Ryzen AI 7 Pro-მდე პროცესორები, რომლებსაც აქვთ 45 ვატამდე TDP, ინტეგრირებული NPU 50 TOPS სიმძლავრით და ინტეგრირებული Radeon გრაფიკა. მოცემულია ორი SO-DIMM DDR5 ოპერატიული მეხსიერების სლოტი, მაქსიმალურ კონფიგურაციაში ორი 16 გბ (5600 MHz) არხით. ოთხუჯრედიანი ლითიუმ-პოლიმერული ბატარეის მოცულობა 70 ვატია. ხელმისაწვდომია ორი სრულად ფუნქციონალური USB Type-C 3.2 Gen 2 პორტი, ორი USB Type-A 3.2 Gen 1 პორტი, რომელთაგან ერთს შეუძლია გარე მოწყობილობებისთვის დასამუხტად 7.5 ვატამდე სიმძლავრის მიწოდება, 1 x HDMI v2.1 (TMDS), კომბინირებული 3.5 მმ აუდიო ჯეკი და RJ45 ქსელის პორტი. ასევე მოცემულია Full HD ვებ-კამერა მექანიკური ჩამკეტით; ზოგიერთი კონფიგურაცია ასევე მოიცავს ინფრაწითელ სენსორს. ვარიანტის მიხედვით ხელმისაწვდომია ორარხიანი Wi-Fi 6 (802.11ax) ან საამარხიანი Wi-Fi 7 (802.11be) - და ყველა შემთხვევაში Bluetooth 5.4. Asus-მა ახალი ExpertBook P3 საკუთარი ტექნოლოგიებით წარმოადგინა. Asus AI ExpertMeet ლოკალურადა გაშვებული ხელოვნური ინტელექტის ალგორითმების გამოყენებით ვიდეოკონფერენციებისთვის დამატებით ფუნქციებს გთავაზობთ, მათ შორის რეალურ დროში თარგმნით სუბტიტრების გენერირებას და შეხვედრების შედეგების შეჯამებას. ხოლო Asus ExpertGuardian უსაფრთხოებისა და მონაცემთა დაცვის სფეროში გადაწყვეტილებების ერთობლიობაა. ლეპტოპებს აქვთ MIL-STD-810H სტანდარტით დაცული კორპუსები, რაც ნიშნავს იმას, რომ შეუძლიათ რთულ პირობებში მუშაობა. საჩუქრად შედის McAfee+ Premium-ის ერთწლიანი გამოწერა. https://tinyurl.com/2jew5fxm

მასკმა GPT-5-ის გამოშვებას Grok 4-ზე ყველასთვის უფასოდ წვდომის გახსნით უპასუხა ილონ მასკის xAI-მ Grok 4-ზე უფასო წვდომა გახსნა მომხმარებლებისთვის. ეს მოხდა ერთი თვის შემდეგ, რაც იგი SuperGrok-ისა და Premium+-ის აბონენტებისთვის ხელმისაწვდომი გახდა, აგრეთვე GPT-5-ის გამოსვლიდან რამდენიმე დღეში. უახლესი ნეიროქსელი ახლა ყველასთვის ხელმისაწვდომია grok.com ვებ-პლატფორმასა და მობილურ აპლიკაციაში. ფოტოს წყარო: x.ai Grok 4-ს წინა ვერსიებთან შედარებით გაზრდილი სიჩქარე და წარმადობა აქვს, ასევე შეუძლია უფრო ზუსტი პასუხების ფორმულირება გაძლიერებული სწავლებისა და ვებ ძიების ინსტრუმენტების ინტეგრაციის წყალობით. ახალ ვერსიაზე გადასასვლელად მომხმარებლებმა შესაბამისი მენიუდან ხელით უნდა აირჩიონ მოდელი. Grok 4 შემუშავდა Colossus-ის გამოთვლითი კლასტერის გამოყენებით, რომელიც 200 ათასზე მეტ გრაფიკულ პროცესორს მოიცავს. ამან შესაძლებელი გახადა მოწინავე სასწავლო ალგორითმების დანერგვა და ლოგიკური აზროვნებისა და ავტონომიური გადაწყვეტილების მიღების ტესტებში შემდეგი შედეგების მიღწევა: ARC-AGI V2 ტესტში, რომელიც აფასებს ლოგიკურ შესაძლებლობებს, მოდელმა დააგროვა 15.9%-იანი სიზუსტე - ორჯერ მეტი, ვიდრე Claude Opus-მა (8.5%). Vending-Bench სიმულატორში, სადაც ხელოვნური ინტელექტი მართავს ვირტუალურ ბიზნესს, Grok 4-მა „გამოიმუშავა“ 4.694 აშშ დოლარი და განახორციელა 4.569 გაყიდვა, რაც მნიშვნელოვნად უსწრებს Claude Opus 4-ს (2.077 აშშ დოლარი და 1.412 აშშ დოლარი, შესაბამისად) და ადამიანი მონაწილეების საშუალო შედეგებსაც კი (844 აშშ დოლარი და 344 აშშ დოლარი, შესაბამისად). Grok 4 Heavy-ის ცალკე ვერსია, რომელიც მხარს უჭერს მრავალაგენტიან ურთიერთქმედებას და ჯერ კიდევ ხელმისაწვდომია მხოლოდ გამოწერით, ლიდერობს USAMO’25-ში 61.9%-იანი ქულით და ის იყო პირველი მოდელი, რომელმაც გადალახა 50.7%-იანი ზღვარი Humanity’s Last Exam-ზე ტექსტურ რეჟიმში. კომპანიის თქმით, ეს მიღწევები აჩვენებს მოდელის უპრეცედენტო შესაძლებლობებს რთულ ლოგიკურ და ანალიტიკურ ამოცანებში, რაც მიღწეულია მასშტაბური გაძლიერებული სწავლებისა და xAI- საფირმო ინსტრუმენტების ინტეგრირებული მხარდაჭერის გზით. https://tinyurl.com/3htpfp2e

Binance-ზე Altcoin-ების შემოდინებამ 18-თვიან მაქსიმუმს მიაღწია Binance-მა ბოლო კვირის განმავლობაში დეპოზიტების მკვეთრი ზრდა დააფიქსირა, 7 დღის განმავლობაში ტრანზაქციების რაოდენობამ 45 ათასს გადააჭარბა. ეს 2024 წლის ბოლოდან ყველაზე მაღალი მაჩვენებელია, რაც ტრეიდერებს შორის Altcoin-ების მიმართ ინტერესის განახლებაზე მიუთითებს. CryptoQuant-ის ანალიტიკოსის აზრით როდესაც ინვესტორებს აქტივები ასეთ ბირჟებზე გადააქვთ, ეს იმაზე მიუთითებს, რომ ისინი ვაჭრობისთვის ემზადებიან. ეს შემოდინება თვეების განმავლობაში უცვლელი დარჩა, განსაკუთრებით იმის გათვალისწინებით, რომ Bitcoin სტაბილურად დომინირებდა თავის პარაბოლურ ზრდაში 123 ათას აშშ დოლარს ზემოთ. ისტორიულად, Altcoin-ებზე გადასვლა ხშირად Bitcoi-ის კურსის მკვეთრი ზრდის შემდეგ ხდებოდა. როგორც კი ფლაგმანური კრიპტოაქტივის ფასი შემცირდება, მოგება გადანაწილდება უფრო მცირე კაპიტალიზაციის მქონე კრიპტოვალუტების სასარგებლოდ. თუ ეს ტენდენცია კვლავ გამოვლინდება, მაშინ ბირჟებზე დეპოზიტების მკვეთრი ზრდა შეიძლება Altcoin-ების სეზონის პირველი რეალური ნიშანი გახდეს. ტენდენცია სხვა ბირჟებზე დიდად შესამჩნევი არ არის, თუმცა Binance ყურადღების ღირსია, რადგან ის ვაჭრობის მოცულობით ყველაზე დიდი პლატფორმაა. ამასობაში, Altcoin-ების ბაზრის მთლიანი კაპიტალიზაცია ბოლო თვეში 23%-ით გაიზარდა, რაც ზრდის განწყობას ამყარებს. ამავდროულად, CoinMarketCap-ის მონაცემებით, სტატიის დაწერის მომენტისთვის Altcoin-ების სეზონის ინდექსი 36 იყო, რაც გასულ თვეში პიკს - 55-ს შეადგენდა. როგორც წესი, ალტ-სეზონის დასადასტურებლად ინდექსმა 75-ს უნდა მიაღწიოს ან გადააჭარბოს. https://tinyurl.com/bdh45hn9

Google Pixel 10-ს ექნება ხელოვნური ინტელექტის მრჩეველი ფოტოგადაღებისთვის და ფოტორედაქტირების ხმოვანი ფუნქცია Google Pixel 10 სერიის სმარტფონების 20 აგვისტოსთვის დაანონსებამდე ინტერნეტში ახალი პროდუქტების შესახებ ახალი დეტალები გამოჩნდა. Android Headlines-ის ცნობით სმარტფონებს ექნება ფოტო რედაქტირების ფუნქცია Conversational Photo Editing ხმოვანი ბრძანებების გამოყენებით ფოტოების რედაქტირებისთვის, ასევე ხელოვნურ ინტელექტზე დაფუძნებული ფუნქცია Camera Coach - ფოტოგადაღების რეკომენდაციებისთვის. ფოტოს წყარო: Google Google-ის Gemini AI მოდელის საშუალებით მომხმარებლებს შეეძლებათ ფოტოების რედაქტირება, მაგალითად სურათის ფონის ან სიკაშკაშის შეცვლა ან ობიექტების წაშლა ხმოვანი ან ტექსტური მითითებების გამოყენებით. ეს გაამარტივებს ფოტოების რედაქტირების პროცესს, რაც მომხმარებლებს საშუალებას მისცემს მიიღონ მაღალი ხარისხის ფოტოები ამ სფეროში რაიმე უნარების გარეშეც. მოსალოდნელია, რომ ფუნქცია Camera Coach „აღიქვამს“ სცენას და მომხმარებელს Google Gemini AI-ის გამოყენებით უკეთესი ფოტოს გადასაღებად რეკომენდაციებს შესთავაზებს, როგორიცაა კუთხის რეგულირება უკეთესი კადრირებისთვის, განათების რეგულირება და სხვა. ხმოვანი მართვის ფუნქცია თავდაპირველად Google Pixel 10 სერიაში იქნება ხელმისაწვდომი, თუმცა საბოლოოდ, Pixel Feature Drop პროგრამის ფარგლებში, შესაძლოა, ის ძველ Pixel ტელეფონებზეც გავრცელდეს. Pixel 10-ის, Pixel 10 Pro-სა და Pixel 10 Pro XL-ის წინასწარი შეკვეთები 20 აგვისტოს, ანონსის დღეს დაიწყება, ხოლო მიწოდება - 28 აგვისტოს. ცოტა ხნის წინ გაირკვა, რომ Pixel 10 Pro Fold ხელმისაწვდომი მოგვიანებით, ოქტომბრის ბოლოს გახდება. https://tinyurl.com/ms8zmyxp

Microsoft-მა Copilot-ში GPT-5 დანერგა და ყველა მომხმარებლისთვის „ჭკვიანი რეჟიმი“ გამოუშვა OpenAI-მ ოფიციალურად წარადგინა GPT-5 და Microsoft-მა უკვე დაიწყო მისი Copilot-ში, Microsoft 365 Copilot-ში, Azure AI Foundry-ში, GitHub Copilot-სა და სხვა სერვისებში დანერგვა. GPT-5-ს შეუძლია ავტომატურად დაარეგულიროს პასუხების სირთულე მოთხოვნის კონტექსტის მიხედვით და იგი გამოყენებული იქნება Copilot-ში, როგორც ახალი ინტელექტუალური რეჟიმი, რომელსაც Smart Mode ეწოდება. ფოტოს წყარო: Microsoft ხსენებული რელიზი Microsoft-ის რამდენიმე პლატფორმაზე უფრო ფართომასშტაბიანი დანერგვის ნაწილია. ახალი ინტელექტუალური რეჟიმი ხელოვნური ინტელექტის ასისტენტს საშუალებას აძლევს დინამიურად გადაერთოს მოდელებს შორის, ლოგიკურად რთული ამოცანებისთვის გამოიყენოს GPT-5-ის უფრო მძლავრი ვერსია, ხოლო მცირე მოთხოვნებისთვის - უფრო მსუბუქი ვერსია. როგორც ChatGPT-ის შემთხვევაში, სადაც OpenAI-მ GPT-5 მომხმარებლებისთვის უფასოდ გახადა ხელმისაწვდომი, მსგავსი მიდგომა დაინერგა Microsoft-ის ეკოსისტემაში, წერს The Verge. Microsoft 365 Copilot-ის მომხმარებლები დღეიდან შეძლებენ GPT-5-თან მუშაობას. კომპანიის კორპორატიულ ბლოგში აღნიშნულია, რომ ახალი მოდელი გააუმჯობესებს ხელოვნური ინტელექტის უნარს - გააანალიზოს რთული კითხვები, მხარი დაუჭიროს ხანგრძლივ დიალოგებს და უფრო ზუსტად გაითვალისწინოს კონტექსტი. ხაზგასმულია, რომ ეს გაუმჯობესებები განსაკუთრებით მნიშვნელოვანია პროფესიონალური სცენარებისთვის, რომლებიც მოითხოვს მაღალ სიზუსტეს და ლოგიკურ თანმიმდევრულობას. განახლება ასევე შეეხო Copilot Studio-ს, რომელიც ასევე გადავიდა GPT-5-ზე. GitHub-მა, თავის მხრივ, გამოაცხადა GPT-5-ის დანერგვის შესახებ GitHub Copilot სერვისის ყველა ფასიან გეგმაში. OpenAI-ს ახალი მოდელი წარმოდგენილია ოთხ ვარიანტად, რომელთაგან თითოეული ოპტიმიზებულია გარკვეული ტიპის ამოცანების შესასრულებლად. კერძოდ, GPT-5-ის საბაზისო ვერსია შექმნილია ლოგიკური და მრავალსაფეხურიანი გამოთვლებისთვის, ხოლო GPT-5-ჩატი ადაპტირებულია კორპორატიულ აპლიკაციებთან და მხარს უჭერს მულტიმოდალურ დიალოგებს კონტექსტის გათვალისწინებით. Microsoft-მა GPT-5 ასევე ხელმისაწვდომი გახადა Azure AI Foundry-ის მეშვეობით, რომელიც ხელოვნური ინტელექტის აპლიკაციების შემუშავებისა და მართვის პლატფორმაა. დეველოპერებს ახლა შეუძლიათ გამოიყენონ ერთგვარი „მოდელის მარშრუტიზატორი“ - ინსტრუმენტი, რომელიც ავტომატურად ირჩევს მოცემული მოთხოვნისთვის ყველაზე შესაფერის მოდელს, რაც უზრუნველყოფს სიჩქარესა და სიზუსტეს შორის საუკეთესო ბალანსს. https://tinyurl.com/bdzeubcd

აშშ-ის მარეგულირებელი Stablecoin-ებს ფულის ეკვივალენტებს უწოდებს ასეთი Stablecoin-ები მკაცრ კრიტერიუმებს უნდა აკმაყოფილებდეს: ისინი მუდმივად უნდა იყოს მიბმული აშშ დოლართან 1:1 თანაფარდობით და ინვესტორებს უნდა ჰქონდეთ გამოსყიდვის გარანტირებული უფლება. Stablecoin-ების ემიტენტებმა ასევე უნდა უზრუნველყონ, რომ მათი ტოკენები სრულად იყოს უზრუნველყოფილი ნაღდი ფულით ან სახაზინო ობლიგაციებით. ოფიციალური პირები დარწმუნებულნი არიან, რომ პირობების დაცვა Stablecoin-ებს რისკის პროფილით ტრადიციული ფულადი ეკვივალენტების მსგავსად აქცევს. SEC-ის მოთხოვნები არ ვრცელდება ალგორითმულ Stablecoin-ებზე, შემოსავლიანობის გენერირების ტოკენებზე და ნებისმიერ კრიპტოაქტივზე, რომელიც არ არის დაკავშირებული აშშ დოლართან. SEC-ის აზრით თუ Stablecoin-ები ნაღდი ფულის ეკვივალენტებად ჩაითვლება, შედეგად გაიზრდება კორპორატიული ანგარიშგების გამჭვირვალობა და გაამარტივებს კრიპტოვალუტებით მომუშავე კომპანიების აღრიცხვას. SEC-ის რეკომენდაციები ავსებს შეერთებულ შტატებში Stablecoin-ების რეგულირების შესახებ ცოტა ხნის წინ მიღებულ GENIUS Act-ს. ეს კანონი ემიტენტებს ავალდებულებს რეგულარულად ჩაატარონ დამოუკიდებელი აუდიტები და თავიანთი Stablecoin-ები რეზერვებით უზრუნველყონ. SEC-მა დაადასტურა, რომ რეკომენდაციები დროებითია. ვადის გასვლის თარიღი არ გამოცხადებულა. აპრილში SEC-მა გამოაცხადა, რომ ფიატ-ვალუტებით დაფინანსებულ Stablecoin-ებს ფასიან ქაღალდებად არ მიიჩნევს. სააგენტომ მემეკოინები ასევე არ ჩათვალა ფასიან ქაღალდებად, მაგრამ გაფრთხილება გამოთქვა, რომ მომხმარებლები მათში ინვესტირებას საკუთარი რისკის ქვეშ ახორციელებენ. https://tinyurl.com/3btyx79e

Amazon ყველა მსურველს შესთავაზებს პროექტ Kuiper-ის თანამგზავრულ ინტერნეტთან დაკავშირებას 2026 წლის შუა პერიოდისთვის Amazon მზად იქნება ფართოზოლოვანი ინტერნეტ სერვისები თავისი Project Kuiper თანამგზავრული სისტემის მეშვეობით 2026 წლის შუა პერიოდისთვის უზრუნველყოს, წერს The Register ავსტრალიის ეროვნული ფართოზოლოვანი ქსელის ოპერატორ NBN Co.-ს მონაცემებზე დაყრდნობით. ფოტოს წყარო: Amazon ასეთი ვადების შესახებ მას შემდეგ გავრცელდა, რაც კომპანიამ Amazon-თან ავსტრალიის შორეული რეგიონების მოსახლეობისთვის ფართოზოლოვანი ინტერნეტის მიწოდების შესახებ გარიგება დადო. ეს ამბავი Amazon-ის აღმასრულებელ დირექტორ ენდი ჯასის მიერ გასულ კვირას გაკეთებული განცხადების შემდეგ გავრცელდა, სადაც ის იმედოვნებდა, რომ კომპანიის სატელიტური ინტერნეტ სისტემის კომერციული ბეტა ტესტირება მიმდინარე წლის ბოლოს ან მომავალი წლის დასაწყისში დაიწყება. ადვილი მისახვედრია, თუ რატომ იყენებს Amazon-ის ხელმძღვანელი ასეთ ფორმულირებასა უფრო დადებითი ფრაზების ნაცვლად. დღეისათვის კომპანიამ დაგეგმილი 3200 თანამგზავრიდან მხოლოდ 78 გაუშვა. Project Kuiper-ის გაფართოების ფარგლებში 24 თანამგზავრისგან შემდგარი შემდეგი პარტიის გაშვება ამ კვირაშია დაგეგმილი. კომპანია გეგმავს, რომ დაგეგმილი თანამგზავრების დაახლოებით ნახევარი ორბიტაზე 2026 წლის შუა პერიოდისთვის გაიყვანოს, რაც ნაკლებად სავარაუდოა პროგრამის გრაფიკში არსებული ყველა შეფერხების გათვალისწინებით. ნაკლებად სავარაუდოა, რომ NBN Co-ს მნიშვნელოვანი ზიანი მიადგეს, თუ Amazon-ი ვადას ვერ დაიცავს ან მზად იქნება შესთავაზოს მნიშვნელოვანი შეზღუდვებით მომსახურება. კომპანია მართავს რამდენიმე სატელეკომუნიკაციო თანამგზავრს, რომლებიც ავსტრალიის მასშტაბით 100 ათასზე მეტ ობიექტთან კავშირს უზრუნველყოფენ. ამ თანამგზავრების ექსპლუატაცია 2032 წელს დასრულდება, ამიტომ NBN Co-ს აქვს დრო, რომ მათ შეცვლაზე იფიქროს. Amazon-ს ჯერ არ გამოუცხადებია თავისი ინტერნეტ სერვისის ფასი დაა არ წარუდგენია ტერმინალის საბოლოო ვერსია, რომელსაც მომხმარებლები თანამგზავრებთან კომუნიკაციისთვის გამოიყენებენ. ამ სფეროში Amazon-ის მთავარმა კონკურენტმა SpaceX-მა ცოტა ხნის წინ განაცხადა, რომ ავსტრალიაში მისი Starlink-ის თანამგზავრულ სისტემას ამჟამად 350 ათასზე მეტი მომხმარებელი იყენებს. https://tinyurl.com/ecmuukt2

Google: ხელოვნური ინტელექტი ვებ-გვერდებს ტრაფიკს არ აკლებს, ის უბრალოდ მას უფრო მაღალი ხარისხის კონტენტზე ანაწილებს Google-მა უარყო გავრცელებული ინფორმაცია, რომ მისი ხელოვნური ინტელექტის ფუნქციები საინფორმაციო საიტებზე ტრაფიკს ამცირებს. ვიცე-პრეზიდენტისა და ძიების ხელმძღვანელ ლიზ რიდის ბლოგ-პოსტში ნათქვამია, რომ ისეთი ფუნქციებით ძიება, როგორიცაა ხელოვნური ინტელექტის მიმოხილვები და ხელოვნური ინტელექტის რეჟიმი, აგრძელებს ვებ-გვერდებზე ტრაფიკის მოზიდვას და რომ დაწკაპუნების, ე.წ. კლიკების საშუალო ხარისხი გაუმჯობესდა. ფოტოს წყარო: Solen Feyissa/unsplash.com რიდის თქმით, Google-ის საძიებო სისტემიდან ვებ-გვერდებზე ორგანული დაწკაპუნებების საერთო მოცულობა წინა წელთან შედარებით საკმაოდ სტაბილური დარჩა. თუმცა, მისი თქმით, დაწკაპუნებების საშუალო ხარისხი გაუმჯობესდა. „სინამდვილეში, ვებ-გვერდებზე ოდნავ მეტად ხარისხიან დაწკაპუნებას ვაგზავნით, ვიდრე ერთი წლის წინ (ხარისხიან დაწკაპუნებებში ვგულისხმობთ ისეთ ვიზიტებს, რომლებიც მაშინვე არ იწვევს ადამიანების დაბრუნებას, რაც, როგორც წესი, იმის სიგნალია, რომ მომხმარებელი დაინტერესებულია ვებ-გვერდით)“, - განაცხადა რიდმა. მან ასევე აღნიშნა, რომ გარე მხარეები, რომლებიც აცხადებენ საერთო ტრაფიკის მკვეთრი შემცირების შესახებ, ეყრდნობიან არასრულყოფილ მეთოდოლოგიებს, ერთეულ შემთხვევებს ან მონაცემებს იმ ცვლილებებიდან, რომლებიც მოხდა ხელოვნური ინტელექტის ძიებაში დანერგვამდე. ზოგიერთ შემთხვევაში დაფიქსირებული ტრაფიკის შემცირება შეიძლება აიხსნას იმით, რომ „მომხმარებელთა ტენდენციები ტრაფიკს სხვა საიტებზე გადაამისამართებს, რაც ზოგიერთ საიტზე ტრაფიკის შემცირებას, ხოლო ზოგზე ტრაფიკის ზრდას იწვევს“. „ხელოვნური ინტელექტის მიმოხილვების“ წყალობით მომხმარებლები ახლა გვერდზე მეტ ბმულს ხედავენ. რიდის თქმით, მეტი მოთხოვნა და ბმული ვებ-გვერდებისთვის ვიზიტორების მოსაზიდად მეტ შესაძლებლობას ნიშნავს. ხელოვნური ინტელექტი გეხმარებათ სიტუაციის მაღალი დონის ხედვის შექმნაში, თუმცა მომხმარებლები დაწკაპუნებით უფრო უკეთ ჩაუღრმავდებიან ინფორმაციას და მეტს გაიგებენ, და როდესაც ამას აკეთებენ, ეს დაწკაპუნებები უფრო ღირებული ხდება. „ადამიანები ასევე უფრო მეტად გადადიან ვებ-კონტენტზე, რომელიც მათ მეტის გაგებაში ეხმარება, როგორიცაა სიღრმისეული მიმოხილვა, ორიგინალური პოსტი, უნიკალური პერსპექტივა ან გააზრებული პირველი პირის ანალიზი“, - განაცხადა ლიზ რიდმა და აღნიშნა, რომ საიტები, რომლებიც რეაგირებენ მომხმარებლის ცვალებად საჭიროებებზე, როგორც წესი, ტრაფიკის ზრდას აფიქსირებენ. Google-ის ვიცე-პრეზიდენტმა ხაზგასმით აღნიშნა, რომ, როგორც საძიებო კომპანია, Google ზრუნავს ვებ-ეკოსისტემის ჯანმრთელობაზე: „ჩვენ ყოველდღიურად ვაგრძელებთ ვებსაიტებზე მილიარდობით ვიზიტების გაგზავნას და გვჯერა, რომ ძიებასა და ვებ-გვერდს შორის ღირებულების გაცვლა მძლავ დონეზე რჩება“. https://tinyurl.com/2n3vjen3

აშშ-ის ხელისუფლებას სურს კრიპტო ვაჭრობის დაშვება ყველა ბირჟაზე აშშ-ის ხელისუფლებას სურს კრიპტოვალუტებით ვაჭრობის დაშვება ყველა რეგისტრირებულ ბირჟაზე, რომლებზეც ფიუჩერსებია წარმოდგენილი. პრეზიდენტ დონალდ ტრამპის მიერ შექმნილი ციფრული აქტივების სამუშაო ჯგუფის რეკომენდაციების შემდეგ სასაქონლო ფიუჩერსებით ვაჭრობის კომისიამ (CFTC) წამოაყენა ინიციატივა, რათა დაამტკიცოს ვირტუალური ვალუტების შესყიდვის კონტრაქტების ლისტინგი სპოტ ბაზარზე დაფიქსირებულ ფასად. ანუ, ეს დერივატივები საშუალებას მისცემს ტრეიდერებს ეფექტურად ივაჭრონ ტოკენებითა და მონეტებით. CFTC სწრაფად მუშაობს ციფრული აქტივებით ვაჭრობის ფედერალურ დონეზე სამოქმედოდ და კოორდინაციისთვის ფასიანი ქაღალდებისა და ბირჟების კომისიის კრიპტო პროექტთან. არსებობს მკაფიო და მარტივი გადაწყვეტა, რომლის განხორციელებაც CFTC-ს ახლავე შეუძლია, განაცხადა CFTC-ის კომისარმა კეროლაინ ფამმა. CFTC-მ კრიპტო შესყიდვის კონტრაქტების გამოყენების ჭკვიანური სქემა აირჩია იმით, რომ სააგენტოს უფლება აქვს არეგულიროს დერივატივები, ხოლო ციფრული აქტივები კლასიფიცირდება როგორც საქონელი ან ფასიანი ქაღალდები. შესაბამისად, ოფიციალური პირების მიერ შემოთავაზებული კონტრაქტები, ჩვეულებრივი ფიუჩერსების მსგავსად, კომისიას საშუალებას მისცემს ბირჟებზე მათი ვაჭრობა აკონტროლოს. შესაბამისმა სამუშაო ჯგუფმა CFTC-ს 18 რეკომენდაცია წარუდგინა, მათ შორის იყო მოთხოვნები, უფრო ნათლად აღეწერათ საქონლად მიჩნეული კრიპტოვალუტების თვისებები, შეექმნათ წესების ნაკრები ციფრული აქტივების კომპანიებისთვის და შეეცვალათ ფინანსური ინსტრუმენტების რეგულაციები ბლოკჩეინზე გამოშვებულ დერივატივებზეც. https://tinyurl.com/as7892hv

Intel-ის Panther Lake ანგსტრემ პროცესორებს დეფექტების მასიური დონის გამო წარმოების ჩავარდნის საფრთხე ემუქრება Intel-მა მილიარდობით დოლარი დახარჯა 18A ტექნოპროცესის განვითარებაზე, მათ შორის რამდენიმე ქარხნის აშენებასა და განახლებაზე, რათა კონკურენცია გაეწია ტაივანურ ნახევარგამტარ გიგანტ TSMC-სთვის. თუმცა, ახალ ტექნოპროცესს, რომელიც ჩიპების წარმოების კონტრაქტებისკენ გახსნიდა გზას და Intel-ს, როგორც მოწინავე გადაწყვეტილებების მომწოდებლის, პოზიციას აღადგენდა, ხარისხის სერიოზული პრობლემები შეექმნა. თვეების განმავლობაში Intel ინვესტორებს ჰპირდებოდა, რომ გაზრდიდა ჩიპების წარმოებას 18A ტექნოპროცესის გამოყენებით. გასული წლის ტესტებმა მომხმარებლები იმედგაცრუებული დატოვა, თუმცა Intel-მა პირობა დადო, რომ 2025 წელს დაიწყებდა მობილური Panther Lake პროცესორების მასობრივ წარმოებას 18A ტექნოპროცესის გამოყენებით. ამ პროცესორების არქიტექტურა მოიცავს ახალი თაობის ტრანზისტორებს და ჩიპისთვის ენერგიის მიწოდების უფრო ეფექტურ გზას. როგორც ცნობილი გახდა, Intel-ის Panther Lake ჩიპების მხოლოდ დაახლოებით 5% აკმაყოფილებდა საჭირო მახასიათებლებს. ერთ-ერთი წყაროს თქმით, ამ ზაფხულისთვის ეს მაჩვენებელი დაახლოებით 10 პროცენტამდე გაიზარდა და აღინიშნა, რომ ეს მაჩვენებელი შეიძლება უფრო მაღალი იყოს, თუ Intel-ი გაითვალისწინებს იმ ჩიპებს, რომლებიც ვერ აკმაყოფილებენ ყველა დასახულ მაჩვენებელს. აპრილში Intel-მა განაცხადა, რომ მან მნიშვნელოვანი ნაბიჯი გადადგა 18A ტექნოლოგიაზე დაფუძნებული Panther Lake ჩიპების მასობრივი წარმოებისკენ, რომელიც ცნობილი იყო, როგორც „რისკიანი წარმოება“. კომპანიამ ასევე მაისში Computex 2025-ზე Panther Lake ჩიპებით აღჭურვილი რამდენიმე ლეპტოპი წარმოადგინა. ფოტოს წყარო: Intel ასეა თუ ისე, 18A ტექნოპროცესით დამზადებულ Panther Lake ჩიპებს წუნდებულის მაღალი მაჩვენებელი აღმოაჩნდა. „როგორც წესი, მუშა ჩიპების გამოსვლა დაბალი მაჩვენებლით იწყება და დროთა განმავლობაში უმჯობესდება“, განუცხადა Intel-ის ფინანსურმა დირექტორმა დევიდ ზინსნერმა (David Zinsner) Reuters-ს ინტერვიუში. „Panther Lake-ისთვის ეს მხოლოდ დასაწყისია“. ჩიპების მწარმოებლებისთვის პროგრესის გაზომვის ერთ-ერთი გზაა ჩიპის ერთეულ ფართობზე დეფექტების რაოდენობის გაზომვა, რომელიც შეიძლება განსხვავდებოდეს ნახევარგამტარი სტრუქტურის მიხედვით. ინფორმირებული პირების თქმით Panther Lake-ის ჩიპებში დეფექტების მაჩვენებელი დაახლოებით სამჯერ აღემატებოდა მასობრივი მოცულობის წარმოებისთვის დასაშვებ მაჩვენებელს. Intel-მა განაცხადა: „მუშა ჩიპების წარმოების დინამიკა რწმენასა გვინერგავს, რომ ეს იქნება წარმატებული გაშვება, რაც კიდევ უფრო გააძლიერებს Intel-ის პოზიციას ლეპტოპების ბაზარზე“. წარსულში Intel ცდილობდა წარმოების დაწყებამდე დეფექტების მაჩვენებლის 50 პროცენტზე ნაკლებ დონზე მიღწევას, რადგან დროზე ადრე დაწყება მომგებიანობის შემცირების რისკს შექმნიდა. კომპანია მოგების ლომის წილს მხოლოდ მაშინ იღებს, როდესაც მუშა ჩიპების მოცულობა დაახლოებით 70-80 პროცენტს აღწევს. არსებული ინფორმაციით Panther Lake-ის წარმოების მნიშვნელოვნად გაზრდა მეოთხე კვარტალში კომპანიისთვის გამოწვევა იქნება. Intel-მა 30 ივლისს ოფიციალურად განაცხადა, რომ Panther Lake „სწორ გზაზეა“, თუმცა არ დაუკონკრეტებია წარმოების ის ზღვარი, რომლის პირობებში ჩიპები მომგებიანი გახდება. Intel-ი ამჟამად საკუთარი ჩიპების წარმოებისთვის ნაწილობრივ კვლავ TSMC-ზეა დამოკიდებული. ივნისში Intel-ის ერთ-ერთმაა ხელმძღვანელმა განაცხადა, რომ Nova Lake ჩიპი, რომლის გამოშვებასაც კომპანია Panther Lake-ის შემდეგ გეგმავს, ნაწილობრივ TSMC-ის მიერ დამზადდება. Intel-მა განაცხადა, რომ შესაძლოა, საერთოდ უარი თქვას მოწინავე წარმოებაზე, თუ გარე მომხმარებელს არ მოიზიდავს 14A ტექნოპროცესით, რომელიც 18A-ს მემკვიდრე უნდა იყოს. https://tinyurl.com/bdd8y6et

Microsoft-მა წარადგინა AI-აგენტის პროტოტიპი ვირუსების და სხვა მავნე პროგრამების ავტონომიური ძიებისთვის Microsoft-მა წარმოადგინა Project Ire-ის პროტოტიპი, ავტონომიური ხელოვნური ინტელექტის აგენტი, რომელსაც შეუძლია პროგრამული უზრუნველყოფის ფაილების ანალიზი და ფარული მავნე პროგრამების აღმოჩენა. Microsoft Research-ის, Microsoft Defender Research-ის და Microsoft Discovery & Quantum-ის გუნდების მიერ ერთობლივად შექმნილი აგენტი რევერს-ინჟინერიის გამოყენებით ახდენს წინასწარი მონაცემების გარეშე პროგრამული უზრუნველყოფის კლასიფიკაციას, რითაც ახდენს რთული პროცესის ავტომატიზაციას, რაც, როგორც წესი, ადამიანის ჩარევას მოითხოვს. ფოტოს წყარო: AI სისტემა იყენებს დეკომპილატორებს და სხვა ინსტრუმენტებს, მათ შორის Project Freta-ზე დაფუძნებულ API-ს, ასევე გარე მხარის და შიდა უტილიტებს. ეს საშუალებას აძლევს Project Ire-ს შეაგროვოს მონაცემები, დაადგინოს, უსაფრთხოა თუ არა ფაილი და შექმნას მტკიცებულებათა დამოწმებადი ჯაჭვი. არქიტექტურა მხარს უჭერს ანალიზს სხვადასხვა დონეზე - ბინარული კოდის დაბალი დონის დამუშავებიდან დაწყებული - კონტროლის ნაკადების აღდგენით და პროგრამის ქცევის ინტერპრეტაციით დამთავრებული. Project Ire-ის მიზანია უსაფრთხოების მკვლევარების სამუშაო დატვირთვისა და შეცდომების შემცირება, საფრთხეებზე რეაგირების დაჩქარება და ახალი შეტევებისგან დაცვის გაძლიერება. Windows-ის დრაივერის მონაცემების ერთობლიობაზე ჩატარებული ტესტების დროს სისტემამ სწორად კლასიფიცირება გაუკეთა ფაილების 90%-ს, მაშინ როდესაც ლეგიტიმური ფაილების მხოლოდ 2% იყო არასწორად მონიშნული, როგორც მავნე. მექანიკური ანალიზისთვის შერჩეული 4000 ფაილის გამოყენებით ჩატარებული კიდევ ერთი ტესტის დროს Project Ire-მა სწორად ამოიცნო 10-დან 9 მავნე ფაილი, ცრუ დადებითი მაჩვენებლით 4%. თუმცა, მან რეალური მავნე პროგრამების მხოლოდ დაახლოებით მეოთხედი აღმოაჩინა. Microsoft-მა აღიარა, რომ ხელოვნური ინტელექტის აგენტის საერთო ეფექტურობა კვლავ საშუალოა, თუმცა აღნიშნა, რომ ტესტირების პირობები რთული იყო და შედეგები შემდგომი დანერგვის რეალურ პოტენციალს აჩვენებს. მიღწეული შედეგების საფუძველზე პროტოტიპი Microsoft Defender-ის განყოფილებაში იქნება გამოყენებული, როგორც ბინარული ფაილების ანალიზატორი საფრთხეების იდენტიფიცირებისა და პროგრამების კლასიფიცირებისთვის. კომპანიამ ასევე განაცხადა, რომ მომავალში გეგმავს სისტემის სიჩქარისა და სიზუსტის გაზრდას, რათა მან შეძლოს ფაილების სწორად შეფასება პირველი ურთიერთქმედებიდან და მომავალში მავნე პროგრამების ახალი ტიპების უშუალოდ მეხსიერებაში ამოცნობა. https://tinyurl.com/77vn7d9u

CFTC აამოქმედებს კრიპტოვალუტებით სპოტ ვაჭრობის ინიციატივას რეგისტრირებულ ბირჟებზე სასაქონლო ფიუჩერსული ვაჭრობის კომისია (CFTC) იწყებს ინიციატივის ამოქმედებას, რომელიც CFTC-ის მიერ რეგისტრირებულ ფიუჩერსულ ბირჟებზე კრიპტოვალუტებით სპოტ ვაჭრობის დაშვებას ითვალისწინებს, განაცხადა აღმასრულებელი მოვალეობების თავმჯდომარე კეროლაინ დ. ფამმა. ეს ინიციატივა CFTC-ის „კრიპტო სპრინტის“ პირველ ნაბიჯს წარმოადგენს ციფრული აქტივების ბაზრების პრეზიდენტის სამუშაო ჯგუფის ანგარიშიდან მიღებული რეკომენდაციების განსახორციელებლად. ფამმა კრიპტო სპრინტი გასულ კვირას დააანონსა. „პრეზიდენტ ტრამპის ძლიერი ლიდერობისა და ხედვის პირობებში CFTC სრული სისწრაფით მიიწევს წინ, რათა უზრუნველყოს ციფრული აქტივებით ფედერალური ვაჭრობის დაუყოვნებლივი განხორციელება SEC-ის კრიპტოპროექტთან კოორდინაციით“, - განაცხადა ფამმა. მან აღნიშნა, რომ CFTC-ის ამჟამინდელი უფლებამოსილების ფარგლებში არსებობს მკაფიო გადაწყვეტილება. სასაქონლო ბირჟების შესახებ კანონი უკვე მოითხოვს, რომ სასაქონლო ბირჟის საცალო ვაჭრობა ბერკეტის, მარჟის ან დაფინანსების გამოყენებით განხორციელდეს დანიშნულ საკონტრაქტო ბაზარზე (DCM). CFTC ამჟამად იწვევს დაინტერესებულ მხარეებს, წარმოადგინონ თავიანთი მოსაზრებები სპოტ კრიპტო კონტრაქტების DCM-ზე განთავსების შესახებ. სააგენტო კონკრეტულად ითხოვს მოსაზრებებს სასაქონლო ბირჟების შესახებ კანონის მე-2(c)(2)(D) მუხლის, CFTC-ის წესების მე-40 ნაწილის და ფასიანი ქაღალდების შესახებ კანონმდებლობის პოტენციური შედეგების შესახებ SEC-ის მარეგულირებელ ჩარჩოსთან დაკავშირებით, რომელიც ეხება არაფასიანი ქაღალდებით ვაჭრობას, რომლებიც საინვესტიციო კონტრაქტის ნაწილია. ფემმა, რომელმაც ეს მიდგომა ჯერ კიდევ 2022 წელს წარმოადგინა, განაცხადა: „ერთად ჩვენ ამერიკას მსოფლიოს კრიპტო დედაქალაქად ვაქცევთ“. საზოგადოებას CFTC-ის ვებ-გვერდის მეშვეობით წერილობითი კომენტარების წარდგენა 18 აგვისტომდე შეუძლია. ყველა წარდგენილი მასალა გამოქვეყნდება CFTC.gov-ზე. https://tinyurl.com/8z53te25

AnTuTu-მ ივლისის ყველაზე მძლავრი სმარტფონები დაასახელა: საშუალო სეგმენტი MediaTek-ის მოდელებმა დაიკავეს, ფლაგმანური - Qualcomm-მა პოპულარულმა ბენჩმარკ AnTuTu-მ გამოაქვეყნა ივლისის თვის ყველაზე მაღალი წარმადობის Android სმარტფონების რეიტინგი. ზედიზედ მესამე თვეა ფლაგმანური სმარტფონების კატეგორიაში ლიდერად რჩება Red Magic 10S Pro+, რომელმაც ტესტებში საშუალოდ 2.943.537 ქულა დააგროვა. ფოტოს წყარო: RedMagic Red Magic 10S Pro+-ის აპარატული ბაზა რვაბირთვიანი Qualcomm Snapdragon Extreme Edition პროცესორია, რომელიც Snapdragon 8 Elite-ის აჩქარებული ვერსიაა. ჩიპის თითო ბირთვი 4.47 გჰც-ზე მუშაობს, ხოლო გრაფიკული პროცესორი 1.2 გჰც-ზე. ამ ოპტიმიზაციამ დეველოპერებს პლატფორმის პოტენციალის სრულად გამოვლენის საშუალება მისცა. მეორე ადგილზეა Vivo X200 Ultra საშუალო ქულით 2.893.125. მიუხედავად იმისა, რომ ამ მოწყობილობის შემქმნელებმა ყურადღება მაღალი წარმადობის ფოტო და ვიდეო გადაღებაზე გაამახვილეს, მისი გეიმინგ შესაძლებლობებიც ძალიან მაღალ დონეზეა. სამეულს 2.889.141 ქულით iQOO Neo 10 Pro+ ასრულებს. ორივე სმარტფონი Snapdragon 8 Extreme Edition პროცესორით არის წარმოდგენილი. ფოტოს წყარო: AnTuTu MediaTek-ის პროცესორის მქონე მცირერიცხოვანი სმარტფონებიდან ერთ-ერთი, რომელიც AnTuTu-ს რეიტინგში მოხვდა, არის Vivo X200s - Dimensity 9400+ ჩიპით და მან 16 გბ ოპერატიული და 1 ტბ მუდმივი მეხსიერების კომბინაციით 2.860.875 ქულიანი შედეგი აჩვენა. Dimensity 9400+-ზე მომუშავე კიდევ ერთმა მოწყობილობამ, Redmi K80 Ultra-მ, 2.667.786 ქულით მეცხრე ადგილი დაიკავა. ტოპ-რეიტინგში შემავალი ყველა სხვა სმარტფონი წარმოდგენილია Qualcomm-ის ჩიპებით. საერთო ჯამში, ივლისში მნიშვნელოვანი ცვლილებები არ დაფიქსირებულა, რადგან ბევრი ბრენდი არ ჩქარობს ახალი ფლაგმანური მოწყობილობების გამოშვებას და სექტემბერში Qualcomm-ისა და MediaTek-ის ახალი ჩიპების გამოჩენას ელოდება. ფოტოს წყარო: AnTuTu განსხვავებული სიტუაციაა ქვეფლაგმანურ კატეგორიაში: 10-დან 8 მოდელში MediaTek-ის პროცესორებია გამოყენებული. აქ ლიდერია iQOO Z10 Turbo საშუალო ქულით 1.737.524. მასში მოცემულია Dimensity 8400 ჩიპი - იგი გაერთიანებულია საფირმო გეიმინგ ჩიპ iQOO Q1-თან, რომელიც უზრუნველყოფს კადრების უფრო სტაბილურ სიხშირეს და აუმჯობესებს ენერგოეფექტურობას. პირველ სამეულში ასევე შედიან Realme Neo 7 SE Dimensity 8400 Max ჩიპით (1.708.892 ქულა) და Redmi Turbo 4 Dimensity 8400 Ultra ჩიპით (1.699.698 ქულა). რეიტინგში Qualcomm-ის პროცესორებით აღჭურვილი სმარტფონების მცირე რაოდენობაა: Snapdragon 7+ Gen 3-ზე დაფუძნებული OnePlus Ace 3V Snapdragon (მე-6 ადგილი, 1.397.322 ქულა) და Redmi Note 12 Turbo Snapdragon 7+ Gen 2 ჩიპით (მე-10 ადგილი, 1.134.754 ქულა). https://tinyurl.com/39s8f9ry

ტიმ კუკმა განაცხადა, რომ Apple-ს აქვს „გასაოცარი“ გეგმა, მათ შორის Apple Glasses-ის გამოშვება Apple-ის გენერალურმა დირექტორმა, ტიმ კუკმა თანამშრომლებთან შიდა შეხვედრის დროს კომპანიის მომავალი პროდუქტების მიმართ უჩვეულო ოპტიმიზმი გამოხატა და თქვა, რომ მას „არასდროს უგრძვნია ასეთი მაღალი ენერგია და მოლოდინი იმის მიმართ, რაც დაანონსდება“. მისი კომენტარები ფართო სპექტრის თემების განხილვის ფონზე გაკეთდა, მათ შორის იყო ხელოვნური ინტელექტის (AI) და Siri-ს განახლების შეფერხებების შესახებ განცხადებები. ფოტოს წყარო: Apple კონკრეტული დეტალების გამხელის გარეშე Apple-ის გენერალურმა დირექტორმა ხაზი გაუსვა, რომ კომპანიის მოწყობილობების ამჟამინდელი ხაზი მის ისტორიაში ერთ-ერთი ყველაზე შთამბეჭდავია. როგორც 9to5Mac იტყობინება მარკ გურმანის ცნობებზე დაყრდნობით, კუკმა მომავალი წლების გეგმებს „გასაოცარი“ უწოდა და აღნიშნა, რომ ზოგიერთი ახალი პროდუქტი მალე გამოჩნდება, ზოგი კი მოგვიანებით, მაგრამ ნებისმიერ შემთხვევაში, მოსალოდნელია ანონსების მნიშვნელოვანი რაოდენობა. ამავდროულად, მან განმარტა, რომ კონფიდენციალურობის პოლიტიკის გამო არ შეუძლია ღიად ისაუბროს სიახლეებზე. კუკის ასეთი აღფრთოვანება მის ტიპურ ოპტიმისტურ გამოსვლებშიც გამოიკვეთა. 1998 წელს Apple-თან მისი დაკავშირებიდან თითქმის 30 წლის განმავლობაში კომპანიამ გამოუშვა ყველაზე ცნობილი პროდუქტები, მათ შორის iPhone. ამ კონტექსტში 9to5Mac-ის თანახმად, ამჟამინდელი ეტაპის ყველაზე პერსპექტიულად შეფასება განსაკუთრებულ წონას იძენს. Apple ამჟამად მუშაობს არა მხოლოდ ისეთი ძირითადი მოწყობილობების განახლებებზე, როგორიცაა iPhone, iPad, Mac და AirPods, არამედ დიდი ხნის ნანატრ პროექტებზეც, როგორიცაა Apple-ის სათვალე და სმარტ სახლის ახალი მოწყობილობები. ექსპერტების თქმით სამომავლო პროდუქტებზე ფოკუსირება შესაძლოა სტრატეგიული ნაბიჯი იყოს იმ კრიტიკის ფონზე, რომ Apple ხელოვნური ინტელექტის სფეროში ჩამორჩება, რადგან კომპანია თავის ტრადიციულ ძლიერ მხარეზე: ინოვაციურ მოწყობილობებზე დებს ფსონს. https://tinyurl.com/2zcxx759

კრიპტო ვაჭრობის მოცულობამ ბირჟებზე ექვსთვიან მაქსიმუმს მიაღწია ივნისთან შედარებით (1.1 ტრლნ აშშ დოლარი), კრიპტოვალუტებით ვაჭრობის მოცულობა უმსხვილეს პლატფორმებზე 55%-ით გაიზარდა. მსოფლიოს უდიდესმა კრიპტო ბირჟა Binance-მა შეინარჩუნა წამყვანი პოზიცია. ბირჟაზე ვაჭრობის მოცულობა ივნისში 436.24 მილიარდიდან ივლისში 683.41 მლრდ აშშ დოლარამდე გაიზარდა, რაც პლატფორმისთვის წლის დასაწყისიდან საუკეთესო შედეგი იყო. Binance-ს მოსდევს, შესაბამისად, Bitget (126.05 მლრდ აშშ დოლარი), Bybit (122.3 მლრდ აშშ დოლარი) და Upbit (110.21 მლრდ აშშ დოლარი). დეცენტრალიზებულ პლატფორმებზე ციფრული აქტივების ტრანზაქციების ყოველთვიურმა მოცულობამ იანვრის შემდეგ მაქსიმუმს მიაღწია და 435.3 მლრდ აშშ დოლარი შეადგინა. პირველი ადგილი ბირჟა PancakeSwap-მა დაიკავა 188.6 მლრდ აშშ დოლარის მოცულობით. ივლისის განმავლობაში პლატფორმამ ორჯერ უფრო წარმატებით იმუშავა, ვიდრე მისმა უახლოესმა კონკურენტმა, Uniswap-მა (94 მლრდ აშშ დოლარი). PancakeSwap-მა ლიდერობა დაიკავა საკომისიოების მხრივაც - მან ავტომატიზებული მარკეტ-მეიკერისა და შემოსავლიანობის მეურნეობის მექანიზმების წყალობით 430 მლნ აშშ დოლარზე მეტი მიიღო, წერს The Block. ადრე The Block-ის ექსპერტებმა განაცხადეს, რომ საკუთარი კრიპტო რეზერვების მქონე საჯარო კომპანიების მთლიანი საბაზრო კაპიტალიზაცია ივლისის ბოლოს 160 მლრდ აშშ დოლარამდე გაიზარდა. ექსპერტებმა აღნიშნეს, რომ 2024 წლის დასაწყისში კაპიტალიზაცია მხოლოდ 90 მლრდ აშშ დოლარს შეადგენდა. https://tinyurl.com/bddcx5br

Google-მა გამოუშვა Gemini 2.5 Deep Think - მსჯელობის უნარის მქონე ხელოვნური ინტელექტის მოდელი, რომელიც პარალელურად განიხილავს რამდენიმე იდეას Google-ის განყოფილება DeepMind-მა გამოაცხადა Gemini 2.5 Deep Think-ის გამოშვების შესახებ, რომელიც კომპანიის დეველოპერების თქმით მათი ყველაზე მოწინავე ხელოვნური ინტელექტის მოდელია. მას შეუძლია უპასუხოს მომხმარებლის მოთხოვნებს ერთდროულად რამდენიმე ვარიანტის შესწავლითა და განხილვით, შემდეგ შედეგების შედარებით და საუკეთესოს არჩევით. Google-ის 250 აშშ დოლარიანი ყოველთვიური Ultra-გამოწერის მფლობელები ხელოვნური ინტელექტის მოდელზე წვდომას ამ კვირაში მიიღებენ. ფოტოს წყარო: Google Google-მა Gemini 2.5 Deep Think-ის შესახებ მიმდინარე წლის მაისში ყოველწლიურ კონფერენცია Google I/O-ზე დააანონსა და განაცხადა, რომ ეს არის კომპანიის პირველი საჯაროდ ხელმისაწვდომი მოდელი, რომელიც რამდენიმე ხელოვნური ინტელექტის აგენტს აერთიანებს. ასეთი მიდგომა ნეიროქსელს საშუალებას აძლევს პარალელურად გამოიყენოს მრავალი ხელოვნური ინტელექტის აგენტი და სხვადასხვა შესაძლო პასუხი მიიღოს. ის ასევე მნიშვნელოვნად მეტ გამოთვლით რესურსს მოითხოვს, მაგრამ საბოლოო შედეგი, როგორც წესი, მნიშვნელოვნად უკეთესია, ვიდრე ერთი ხელოვნური ინტელექტის აგენტის მქონე სისტემის გამოყენება. გასულ თვეში გავრცელდა ინფორმაცია, რომ Gemini 2.5 Deep Think ალგორითმმა საერთაშორისო მათემატიკის ოლიმპიადაზე (IMO) ოქროს მედლის დონის შედეგები მოიპოვა. Gemini 2.5 Deep Think-თან ერთად დეველოპერები IMO-ში მონაწილე ხელოვნური ინტელექტის მოდელის ვერსიაზეც გახსნიან წვდომას, თუმცა მხოლოდ მათემატიკოსებისა და მეცნიერების შერჩეული ჯგუფისთვის. Google იმედოვნებს, რომ ეს ალგორითმი გააუმჯობესებს კვლევის ეფექტურობას, ამიტომ კომპანია ეძებს გამოხმაურებას იმის შესახებ, თუ როგორ გააუმჯობესოს მრავალაგენტიანი სისტემა აკადემიური გამოყენებისთვის. Google-მა აღნიშნა, რომ Gemini 2.5 Deep Think AI მოდელი მნიშვნელოვნად გაუმჯობესდა მაისში I/O კონფერენციაზე გამოცხადებულ ვერსიასთან შედარებით „გამაძლიერებელი სწავლების ახალი მეთოდების“ შემუშავების წყალობით, რომლებიც ალგორითმს თავისი ლოგიკური შესაძლებლობების უფრო ეფექტურად გამოყენებისკენ უბიძგებს. Google-ის მონაცემებით, ახალმა ხელოვნურმა ინტელექტმა კარგად ჩააბარა Humanity’s Final Exam - ტესტი, რომელიც ათასობით მარტივ, გადამოწმებად აკადემიურ კითხვას სვამს მათემატიკაში, ჰუმანიტარულ და საბუნებისმეტყველო მეცნიერებებში. Google-ის მონაცემებით კომპანიის ნეირონულმა ქსელმა ტესტში 34.8% ქულა დააგროვა, მაშინ როცა xAI-ის Grok 4-მა - მხოლოდ 25.4%, ხოლო OpenAI-ის o3-მა 20.3% მიიღო. Google ასევე აცხადებს, რომ Gemini 2.5 Deep Think აღემატება OpenAI-ს, xAI-ს და Anthropic-ს LiveCodeBench6-შიც, რომელიც რთული პროგრამირების პრობლემების ტესტირების საორიენტაციო ტესტს წარმოადგენს. ტესტების სერიაში Google-ის ხელოვნური ინტელექტის მოდელმა 87.6%, Grok 4-მა 79%, ხოლო o3-მ 72% ქულა დააგროვა. Gemini 2.5 Deep Think ავტომატურად ათავსებს შესაბამის ხელოვნური ინტელექტის აგენტებს, მაგალითად, კოდის დასაწერად ან ვებ-ძიებისთვის. დეველოპერების თქმით, ნეიროქსელს შეუძლია „გაცილებით უფრო გრძელი პასუხების“ გენერირება ტრადიციულ ხელოვნური ინტელექტის მოდელებთან შედარებით. Google გეგმავს უახლოეს მომავალში Gemini 2.5 Deep Think-ზე წვდომის გახსნას დეველოპერების შერჩეული ჯგუფისთვის შესაბამისი API-ის საშუალებით. https://tinyurl.com/5byknva6

Samsung-ის პირველი 2-ნმ ჩიპი მობილური პროცესორი Exynos 2600 იქნება ამერიკული საჯარო კომპანიებისგან განსხვავებით სამხრეთკორეული Samsung Electronics ფართოდ არ ავრცელებს თავისი კვარტალური კონფერენციების შინაარსს, თუმცა IDC-ის წარმომადგენელმა მოახერხა Samsung-ის ხელმძღვანელების მიერ გაკეთებული განცხადებების გამოაშკარავება მობილურ პროცესორ Exynos 2600-თან დაკავშირებით, რომელიც 2-ნანომეტრიანი ჩიპების პირველ ტალღას მიეკუთვნება. ფოტოს წყარო: Samsung Electronics როგორც ანალიტიკოსი Bryan Ma X სოციალურ ქსელში აღნიშნავს, კითხვა-პასუხის სესიის დროს Samsung-მა მნიშვნელოვანი რამ განაცხადა: „Exynos 2600 იქნება პირველი ფლაგმანური ჩიპსეტი, რომელიც 2-ნმ GAA-ს (gate-around-array ტრანზისტორები - ავტორის შენიშვნა) გამოყენებით დამზადდება და წინამორბედთან შედარებით NPU-ის მნიშვნელოვან გაუმჯობესებას უზრუნველყოფს, რაც საბოლოო მოწყობილობას ხელოვნური ინტელექტის ფუნქციონირების უფრო მოწინავე მხარდაჭერას შესთავაზებს“. იმის გათვალისწინებით, რომ Tesla-სთან 2033 წლამდე გაფორმებული გრძელვადიანი კონტრაქტი ასევე მოიცავს 2-ნმ AI6 ჩიპების წარმოებას ავტოპილოტირების სისტემებისთვის, შეგვიძლია ვისაუბროთ სულ მცირე ორ პროდუქტზე, რომლებისთვისაც Samsung ამ მოწინავე ტექნოლოგიის გამოყენებით აწარმოებს. თუმცა, თუ Tesla-სთვის ჩიპების წარმოება 2026 წლიდან ტეხასში მშენებარე ახალ ობიექტში იგეგმება, კომპანიას მოუწევს 2-ნმ Exynos 2600 პროცესორის წარმოების დაუფლება ამ თარიღამდე უფრო ადრე სამხრეთკორეულ ქარხნებში. Galaxy S26 სმარტფონების სერიის დებიუტში, თუ ის 2026 წლის დასაწყისში შედგება, საჭირო იქნებაა იმავე 2-ნმ ჩიპების მოსინჯვა. ამ ეტაპზე Exynos 2600 პროცესორის შესახებ ბევრი არაფერია ცნობილი. მას „1 + 3 + 6“ სქემის მიხედვით 10-ბირთვიან რთულ სტრუქტურას მიაწერენ. პირველი, ყველაზე დიდი ბირთვი ყველაზე რესურს-ინტენსიური გამოთვლებისთვის იქნება პასუხისმგებელი, მას სამი პატარა ბირთვი დაეხმარება, ხოლო დანარჩენი ექვსი საჭიროების შემთხვევაში ენერგოეფექტური მუშაობის უზრუნველსაყოფად იქნება გამოყენებული. Xclipse 960 გრაფიკული ქვესისტემა Qualcomm-ის Adreno 830-ს 15%-ით უნდა აღემატებოდეს. გარდა ამისა, Samsung ღიად გვპირდება Exynos 2600-ის ეფექტურობის ზრდას ხელოვნური ინტელექტის ამოცანებში წინამორბედთან შედარებით. ამ 2-ნანომეტრიანი პროცესორის გამოშვება, როგორც ჩანს, ფლაგმანურ Galaxy S ხაზში Samsung-ის საკუთარი წარმოების ჩიპების დაბრუნებას განასახიერებს სმარტფონებში. https://tinyurl.com/744fxtpp

Visa-მ სამი Stablecoin-ისა და ორი ბლოკჩეინის მხარდაჭერა დაამატა საგადახდო ქსელმა Visa-მ (NYSE:V) კრიპტო ბიზნესის გაფართოების პარალელურად სამი Stablecoin-ისა და ორი ბლოკჩეინის მხარდაჭერა დაამატა. Visa-ს ქსელში მოხდა შემდეგი შემდეგი ინტეგრაციები: • Stablecoin-ები - Global Dollar (USDG), PayPal (NASDAQ:PYPL) USD (PYUSD) და Euro Coin (EURC). • Stellar (XLM) და Avalanche (AVAX) ბლოკჩეინები. აქამდე Visa-ს სისტემა მხოლოდ USD Coin (USDC) Stablecoin-ებსა და Ethereum-ისა და Solana-ს (SOL) ქსელებთან მუშაობდა. შესაბამისად, ახალი ციფრული აქტივებისა და ბლოკჩეინების დანერგვა მნიშვნელოვნად გააფართოვებს კომპანიის მომხმარებლების შესაძლებლობებს, რომლებსაც ოთხ ქსელში ოთხი განსხვავებული Stablecoin-ის ყიდვა და გამოშვება შეეძლებათ. „Visa ქმნის მრავალმონეტიან, მრავალქსელიან პლატფორმას, რათა დააკმაყოფილოს ჩვენი პარტნიორების საჭიროებები მთელ მსოფლიოში. ჩვენ გვჯერა, რომ Stablecoin-ები ფუნდამენტურად შეცვლის ფულის გაგზავნის წესს, როდესაც ისინი გახდებიან საიმედო, მასშტაბირებადი და თავსებადი“, - განაცხადა „Visa“-ს პროდუქტების განვითარების ხელმძღვანელმა რუბაილ ბირვადკერმა. Avalanche-ის ბლოკჩეინი კონკურენტებისგან ტრანზაქციების დამუშავების დაბალი საკომისიოთი გამოირჩევა. ამჟამად ამ ქსელში ერთი ტრანზაქციის საშუალო ღირებულება მხოლოდ 0.0487 აშშ დოლარია. Bitcoin-ისა და Ethereum-ის ბლოკჩეინებში ეს მაჩვენებელი, შესაბამისად, 0.96-ს და 1.22 აშშ დოლარს აღწევს. Stellar-ის ქსელის გამოყენება კიდევ უფრო მომგებიანია, რადგან მონეტების გაგზავნა შესაძლებელია ვირტუალურად უფასოდ, მიმდინარე XLM კურსით 0.000007886 აშშ დოლარი საკომისიოს გადახდით. ამავდროულად, გადარიცხვები საკმაოდ სწრაფად, საშუალოდ ხუთ წამში, მუშავდება. Stellar ბლოკჩეინის ამ თვისებებმა ტრეიდერ პიტერ ბრანდტზე იმდენად დიდი შთაბეჭდილება მოახდინა, რომ მან ამ კრიპტოვალუტას ციფრული აქტივების სფეროში როკ-ვარსკვლავი უწოდა. https://tinyurl.com/9vk86s4y

Steam-ის ივლისის სტატისტიკა: იზრდება GeForce RTX 5000-ის, AMD-ს პროცესორებისა და Linux OS-ის პოპულარობა ახალი Nvidia GeForce RTX 5000 სერიის ვიდეო ბარათების მიწოდებისა და ფასების საკითხები, როგორც ჩანს, ნაკლებად აქტუალურია: ამ ვიდეო ბარათის მფლობელების წილი Steam-ის ივლისის სტატისტიკაში გაიზარდა. AMD Radeon RX 7600 XT მთავარ რეიტინგში გამოჩნდა, თუმცა Radeon 9000 სერიის ვიდეო ბარათები ჯერ არ ჩანს. ყველაზე პოპულარული ვიდეო ბარათი შეიცვალა, ხოლო AMD-ს პროცესორებმა მნიშვნელოვანი ეტაპი გადალახეს. ფოტოს წყარო: steampowered.com დესკტოპ Nvidia GeForce RTX 3060-სა და მობილურ RTX 4060-ს შორის პირველი ადგილისთვის გაჭიანურებულ ბრძოლაში პირველმა კვლავ გაიმარჯვა. თვის განმავლობაში ყველაზე დიდი ზრდა RTX 5070-მა აჩვენა (+0.33%), შემდეგ მოდიოდა RTX 5060 (+0.25%). პოპულარობის ზრდის მხრივ პირველ ათეულში ასევე მოხვდნენ RTX 5060 Ti, RTX 5080 და RTX 5070 Ti; დადებითი დინამიკა აჩვენა ზედმეტად ძვირადღირებულმა ფლაგმანურმა RTX 5090-მაც კი. AMD Radeon 9070 და 9070 XT მოდელებმა ჯერ ვერ შეაღწიეს მთავარ რეიტინგში, მაგრამ შეძლო RX 7600 XT-მ. AMD-მ პროცესორების რეიტინგში მნიშვნელოვან ეტაპს მიაღწია - მისმა წილმა 40%-ს გადააჭარბა. ამ პროცესორების მხარდამჭერი გეიმერების რიცხვი უკვე რამდენიმე თვეა იზრდება. Intel-ის ჩიპების წილი უკვე 60%-ზე ნაკლებია და სულ უფრო ხშირად ისმის კითხვა, თუ როდის აღმოჩნდება იგი უმცირესობაში, რაც ადრე წარმოუდგენელი ჩანდა. Windows 11-ის წილი იზრდება და ამჟამად 60%-ს უახლოვდება, ხოლო მისი წინამორბედი Windows 10, რომლის მხარდაჭერა შემოდგომაზე შეწყდება, Steam-ის მოთამაშეებს შორის პოპულარობას კარგავს. და ბოლოს, Linux-მა პოპულარობის ზრდა განიცადა - ამ ოპერაციული სისტემების თაობებმა რეკორდული 2.89% დააფიქსირა. https://tinyurl.com/47v863ak

Tesla თავის სუპერკომპიუტერებსა და რობოტ Optimus-ებში Samsung-ის 2-ნანომეტრიან ჩიპებს გამოიყენებს ცნობილი გახდა მრავალმილიარდიანი გარიგების შესახებ, რომლის თანახმად Samsung-ი Tesla-სთვის 2-ნმ AI6 ჩიპებს 2026-2033 წლებში აშშ-ში მდებარე ქარხანაში დაამზადებს. ზოგიერთი წყაროს ცნობით Tesla ამ პროცესორებს ძირითადად თავის სუპერკომპიუტერებსა და რობოტებში გამოიყენებს და არა ელექტრომობილების ელექტრონიკაში. ფოტოს წყარო: Samsung Electronics ამგვარად მიიჩნევს სამხრეთკორეული გამოცემა The Elec. წყაროს ცნობით, Samsung-მა ამ მნიშვნელოვანი დამკვეთისთვის 2-ნანომეტრიანი ჩიპების მასობრივი წარმოებისთვის საჭირო მზადება დაიწყო. როგორც აღინიშნა, კვარტალური ანგარიშგების კონფერენციაზე ილონ მასკმა განმარტა, რომ Tesla აპირებს AI6 ჩიპების გაერთიანებას გამოყენების თვალსაზრისით - მათი გამოყენება იგეგმება როგორც სატრანსპორტო საშუალებებში, ასევე სუპერკომპიუტერებსა და ჰუმანოიდ რობოტებ Optimus-ებში. გამოცემა Notebookcheck დარწმუნებულია, რომ Tesla თავდაპირველად AI6 ჩიპებს სუპერკომპიუტერებსა და რობოტებში გამოიყენებს, ხოლო ამ ბრენდის სატრანსპორტო საშუალებები დიდი ხნის განმავლობაში AI4 და AI5 ჩიპებით დაკმაყოფილდება. ეს ორი ხსენებული ჩიპი, როგორც ადრე ითქვა, მისთვის TSMC-ის მიერ იქნება წარმოებული. ტაივანური სიანფორმაციო მედიის ცნობით, Samsung-მა მოახერხა მუშა 2ნმ ჩიპების წარმოების 40%-მდე გაზრდა, რაც სასიცოცხლო ციკლის ამ ეტაპისთვის მისაღებია, ხოლო ტეხასის შტატის ქალაქ ტეილორში მდებარე ქარხანა გეგმავს ამ მაჩვენებლის 60%-მდე გაზრდას 2026 წლისთვის. ითვლება, რომ Tesla-სთან თანამშრომლობის მიზნით სამხრეთკორეელი კონტრაქტორი მზადაა ჩიპები ზარალითაც კი აწარმოოს, თუ მათი ხარისხის დონე სასიცოცხლო ციკლის მომწიფებულ ეტაპებზე ანაზღაურებას არ უზრუნველყოფს. Samsung-ის წარმომადგენლები არ მალავენ იმ ფაქტს, რომ Tesla-სთან კონტრაქტმა სხვა მომხმარებლებიც უნდა მიიზიდოს მის მოწინავე ამერიკულ საწარმოში. TrendForce-ის პროგნოზით Tesla და Samsung თანამშრომლობის პიკს 2028 წლამდე ვერ მიაღწევენ. TSMC ამჟამად ჩიპების საკონტრაქტო წარმოების მომსახურების ბაზრის 67.6%-ს იკავებს, ხოლო Samsung 7.7%-ით კმაყოფილდება. ამავდროულად, ჩინურმა SMIC-მა 6%-იანი მაჩვენებლით ბაზარზე მესამე ადგილი დაიკავა, ამიტომ Samsung-ისთვის კონკურენტული საფრთხე ჩინური მიმართულებითაც წარმოიშობა. იმისათვის, რომ Samsung-ის ობიექტებში კონტრაქტული ჩიპების წარმოების სიტუაცია უკეთესობისკენ შეცვალოს, კომპანია შეეცდება შეკვეთების მიღებას არა მხოლოდ საკუთარი მობილური ჩიპების შემუშავების განყოფილებიდან, არამედ კონკურენტი Qualcomm-ისგანაც, როგორც ეს ადრე იყო. ასევე, დიდი ფსონი დევს HBM4 მეხსიერების წარმატებაზე Samsung-ის მომხმარებლებში, რადგან ამ თაობის ჩიპები კომპანიას საშუალებას მისცემს დაეწიოს HBM3E ბაზარს. https://tinyurl.com/2bkyu6md

SEC უხელმძღვანელებს „კრიპტოპროექტს“, რათა აშშ კრიპტო დედაქალაქად აქციოს აშშ-ის ფასიანი ქაღალდებისა და ბირჟების კომისია (SEC) იწყებს „კრიპტოპროექტს“, გეგმას, რომლის მიზანია აშშ-ის მსოფლიოს კრიპტო დედაქალაქად გადაქცევა, განაცხადა კომისიის თავმჯდომარე პოლ ატკინსმა. ოფიციალურმა პირმა აღნიშნა, რომ პროექტი „გზამკვლევი შუქურა“ იქნება პრეზიდენტ ტრამპის მხარდასაჭერად მის ისტორიულ მცდელობებში - ამერიკა „მსოფლიოს კრიპტო დედაქალაქად“ აქციოს. პოლ ატკინსმა თავის კოლეგას, SEC-ის კომისარ ჰესტერ პირსს და მის სამუშაო ჯგუფს დაავალა პრეზიდენტის კრიპტოვალუტის სამუშაო ჯგუფის რეკომენდაციების საფუძველზე წინადადებები შეიმუშაონ. სააგენტოს თანამშრომლები იმუშავებენ კრიპტოვალუტების განაწილების, შენახვისა და ვაჭრობის წესების შემუშავებაზე, რომლებიც საჯაროდ იქნება განხილული. ატკინსის თქმით, პრეზიდენტ ტრამპის ხედვის რეალიზებისთვის, რომელიც ამერიკას მსოფლიოს კრიპტოვალუტის დედაქალაქად აქცევს, SEC-მა სრულად უნდა შეაფასოს ბაზრების off-chain გარემოდან on-chain გარემოში გადატანის პოტენციური სარგებელი და რისკები. დეცენტრალიზებული ფინანსები და ქსელური პროგრამული სისტემების სხვა ფორმები ფასიანი ქაღალდების ბაზრების ნაწილი გახდება და არ იქნება შეზღუდული დუბლირებული ან არასაჭირო რეგულაციებით. SEC-მა უკვე მიიღო რამდენიმე მნიშვნელოვანი გადაწყვეტილება კრიპტო ინდუსტრიასთან დაკავშირებით და მომავალში გეგმავს წინა შეზღუდვების შემსუბუქებას. https://tinyurl.com/34w35cwf

Intel-მა გამოუშვა მე-5 თაობის სამი ახალი Arrow Lake Core Ultra პროცესორი Intel-მა Core Ultra 5 პროცესორების ხაზი გააფართოვა Arrow Lake სერიის სამი ახალი საბაზისო დონის მოდელით, ესენია დესკტოპ ვერსიის Core Ultra 5 235A და Core Ultra 5 235TA, ასევე მობილური Core Ultra 5 235UA. პირველი ორი ძალიან ჰგავს ერთმანეთს: ორივეს აქვს 14 ბირთვი (6P + 8E) 14 ვირტუალური ნაკადის მხარდაჭერით. ფოტოს წყარო: Intel Core Ultra 5 235A და Core Ultra 5 235TA პროცესორების მაღალი წარმადობის ბირთვების მაქსიმალური Turbo სიხშირე 5 გჰც-ია. ენერგოეფექტური ბირთვები მუშაობენ 4.4 გჰც-მდე სიხშირეზე. ამ პროცესორებს შორის მთავარი განსხვავებაა ენერგომოხმარების დონე და საბაზისო სიხშირეები. Core Ultra 5 235A მოდელს აქვს 65 ვატი TDP და 3.4 გჰც საბაზისო სიხშირე. Core Ultra 5 235TA-ს ენერგომოხმარება მხოლოდ 35 ვატია, ხოლო საბაზო სიხშირე - 2.2 გჰც. ორივე ჩიპი დამზადებულია TSMC N3B ტექნოპროცესით და აქვთ 24 მბ Smart ქეში. Core Ultra 5 235UA მოდელს აქვს 10 ბირთვი: ორი მაღალი წარმადობის P-ბირთვი და რვა ენერგოეფექტური E-ბირთვი. P-ბირთვების საბაზისო სიხშირეა 2.0 გჰც, მაქსიმალური - 4.9 გჰც. E-ბირთვების სიხშირეებია 1.6 და 4.1 გჰც ნორმალურ რეჟიმში, ხოლო 700 მჰც და 2.4 გჰც - ენერგოეფექტურ რეჟიმში. ნომინალური TDP 15 ვატია, მაქსიმალური - 57 ვატი. დანარჩენი ორი პროცესორისგან განსხვავებით Core Ultra 5 235UA დამზადებულია Intel-ის საფირმო 3-ნანომეტრიანი ტექნოპროცესის გამოყენებით და არა TSMC-ის. მისი Smart Cache მეხსიერების მოცულობა 12 მბ-ია. სამივე ჩიპზე მხარდაჭერილია DDR5 ოპერატიული მეხსიერება და აქვთ ინტეგრირებული გრაფიკა, რომლის წარმადობა მოდელის მიხედვით განსხვავდება. პროცესორების გაყიდვაში გამოსვლა, სავარაუდოდ, მიმდინარე წლის მესამე კვარტალში დაიწყება. დესკტოპ მოდელები Core Ultra 5 235A და Core Ultra 5 235TA უკვე გამოჩნდა Intel-ის ვებ-გვერდზე რეკომენდებულ 269 აშშ დოლარად. https://tinyurl.com/2sjzj4rj

Nvidia-მ გამოაცხადა, როდის შეწყვეტს Windows 10-ისთვის, ასევე Maxwell და Pascal თაობის ვიდეო ბარათების დრაივერების გამოშვებას Nvidia-მ დაადასტურა, რომ მალე შეწყვეტს Maxwell, Pascal და Volta არქიტექტურებზე დაფუძნებული GeForce ვიდეო ბარათებისთვის ახალი Game Ready გრაფიკული დრაივერების გამოშვებას. თუმცა, მწარმოებელი ამ პროდუქტებისთვის უსაფრთხოების განახლებების გამოშვებას 2028 წლამდე გააგრძელებს. Nvidia-მ ასევე განაცხადა, თუ როდის შეწყვეტს Windows 10-ისთვის ახალი გრაფიკული დრაივერების გამოშვებას. ფოტოს წყარო: Nvidia პრესრელიზში Nvidia აცხადებს, რომ „2025 წლის ოქტომბერში საბოლოო Game Ready დრაივერის გამოშვების შემდეგ GeForce Maxwell-ის, Pascal-ის და Volta-ს სერიების გრაფიკული პროცესორები მომდევნო სამი წლის განმავლობაში (2028 წლის ოქტომბრამდე) უსაფრთხოების კვარტალურ განახლებებზე გადავლენ“. GeForce GTX 900 (Maxwell)-ის ვიდეო ბარათები გეიმინგ პლატფორმაა Steam-ის ყოველთვიურ ანგარიშებში სულ უფრო ნაკლებად გვხვდება, თუმცა GeForce GTX 10 (Pascal) სერიის ბარათები, მათ შორის GeForce GTX 1070, GTX 1080 და GTX 1080 Ti, კვლავ მნიშვნელოვან წილს შეადგენს გეიმერების მიერ გამოყენებულ მოწყობილობების შორის. დესკტოპ კომპიუტერებისთვის განკუთვნილი Volta სერიის ერთადერთი გრაფიკული ბარათი იყო ნახევრად პროფესიონალური Titan V. რა თქმა უნდა, Maxwell-ისა და Pascal-ის თაობის ვიდეო ბარათები ოქტომბერში ფუნქციონირებას არ შეწყვეტენ. მაშინაც კი, თუ Nvidia ამ ვიდეო ბარათებისთვის დრაივერებს აღარ გაუწევს ოპტიმიზაციას, მათზე მაინც გაეშვება ისეთი თამაშები, რომლებიც არ საჭიროებენ Turing-ისა და შემდგომი GPU არქიტექტურისთვის დამახასიათებელ ფუნქციებს, თუმცა წარმადობის ან სტაბილურობის ნაკლები გარანტია ექნებათ. Turing იყო Nvidia-ს პირველი გრაფიკული ბარათების არქიტექტურა, რომელიც წარმოდგენილი იყო აპარატურულად აჩქარებული რეითრეისინგით. დღესაც კი, RT კვლავ რჩება კომპიუტერული თამაშების გამოცდილების დიდწილად არჩევით ნაწილად. ისეთი თამაშები, როგორიცაა Doom: The Dark Ages და Indiana Jones: The Great Circle, იშვიათი გამონაკლისებია, რომელთა მუშაობისთვის საჭიროა რეითრეისინგით აღჭურვილი ვიდეო ბარათი. რადგან თითქმის ყველა ახალი კონსოლი და გრაფიკული ბარათი მხარს უჭერს ამ ტექნოლოგიას, RT აჩქარება შეიძლება მომავალში გახდეს აუცილებლობა მრავალი, თუ არა უმეტესი, AAA თამაშისთვის. მიუხედავად იმისა, რომ რეითრეისინგი ჯერ კიდევ არ არის თანამედროვე თამაშების უმეტესობისთვის აუცილებელი მოთხოვნა, ძნელი წარმოსადგენია კომფორტული გეიმინგ გამოცდილება DLSS მასშტაბირების გარეშე, რაც აუმჯობესებს წარმადობას და გამოსახულების ხარისხს. Turing არქიტექტურამ დანერგა Tensor Cores, რომელიც კვებავს DLSS-ს და Nvidia-ს სხვა უამრავ ხელოვნური ინტელექტის მოდელს, მათ შორის სხივურ რეკონსტრუქციას და Blackwell-ის მრავალკადრიან გენერაციას. სპეციალიზებული აპარატურის გარეშე Pascal-ს და უფრო ადრეულ გრაფიკულ ბარათებს არ შეუძლია DLSS-ის ეფექტურად მხარდაჭერა, მაშინ როდესაც შვიდი წლის Turing-ზე დაფუძნებული გრაფიკული ბარათებიც კი უზრუნველყოფენ გამოსახულების მაღალ ხარისხს ამ ტექნოლოგიის წყალობით. Pascal-ის მფლობელებს შეუძლიათ გამოიყენონ პროგრამული მასშტაბირება Intel-ის XeSS DP4 მოდელის მეშვეობით, მაგრამ ასეთი თამაშები ჯერ კიდევ იშვიათია. Nvidia-მ ასევე განაცხადა, რომ Windows 10-ზე მომუშავე მხარდაჭერილი გრაფიკული ბარათებისთვის Game Ready დრაივერებს 2026 წლის ოქტომბრამდე გამოუშვებს - ერთი წლის შემდეგ იმ დროიდან, როცა Microsoft ოფიციალურად შეწყვეტს ამ ოპერაციული სისტემის მხარდაჭერას. შეგახსენებთ, რომ Windows 10-ის მხარდაჭერა 2025 წლის 14 ოქტომბერს დასრულდება. ვინაიდან ოპერაციული სისტემა დესკტოპ კომპიუტერების ოპერაციული სისტემების ბაზრის დაახლოებით 50%-ს შეადგენს კვლავ, მომავალი ცვლილება მომხმარებელთა დიდ რაოდენობაზე მოახდენს გავლენას. https://tinyurl.com/3ym9xnwu

Binance-მა კრიპტოვალუტების ფასდაკლებით შესაძენად უჩვეულო სერვისი აამოქმედა ვაჭრობის მოცულობით წამყვანმა კრიპტო ბირჟა Binance-მა ციფრული აქტივების ფასდაკლებით შეძენის უჩვეულო სერვისი გამოუშვა. „ფასდაკლებით ყიდვის“ განყოფილება მდებარეობს Advanced Earn ჩანართში და საშუალებას გაძლევთ შეიძინოთ Bitcoin და Ethereum საბაზრო კურსზე დაბალ ფასად. ამისათვის საჭიროა აირჩიოთ შესაბამისი მონეტის ღირებულება სიაში წარმოდგენილი ვარიანტებიდან და აირჩიოთ „გამოწერის“ ოფცია. სერვისი ფუნქციონირებს შემდეგნაირად: • თუ მითითებულ თარიღში კრიპტოვალუტის საშუალო საბაზრო კურსი ნაკლებია ან ტოლია სამიზნე შესყიდვის ფასზე, მაშინ ინვესტირებული თანხა მთლიანად დაიხარჯება მონეტების შეძენაზე სამიზნე ფასად; • თუ სამიზნე შესყიდვის ფასი ნაკლებია საბაზრო კურსსა და ლიკვიდაციის ფასზე, მაშინ თანხების 50% დაბრუნდება, ხოლო დარჩენილი ნახევარი გამოყენებული იქნება მონეტების შესაძენად სამიზნე ფასად; • თუ აქტივის საბაზრო ღირებულება ლიკვიდაციის ფასზე მეტია ან ტოლია, მაშინ ყველა ინვესტირებული Stablecoin დაბრუნდება და ჯილდო გადაიხდება მითითებული ARP-ის ოდენობით (ამჟამად 30%). ამრიგად, მესამე შემთხვევაში, როდესაც BTC-ის ან ETH-ის კურსი მნიშვნელოვნად გაიზრდება, თქვენ მიიღებთ 30%-იან მოგებას. პირველი სცენარის განხორციელება გამოიწვევს ზარალს ან მოგების შესაძლებლობას მოგცემთ, ხოლო მეორე ვარიანტი გარანტირებულად მოგებად გადაიქცევა, მაგრამ მისი მოცულობა შემცირდება საბაზრო კურსსა და სამიზნე ფასს შორის სხვაობის ნახევარით. მაგალითად, თუ 1 აგვისტოს Bitcoin-ის საბაზრო კურსი 120 ათასი აშშ დოლარი იქნება და თქვენ გინდოდათ მისი ყიდვა 117.085 აშშ დოლარის სამიზნე ფასად 1000 აშშ დოლარად, მაშინ მოგების ოდენობა იქნება 6.21 აშშ დოლარი 12.42 აშშ დოლარის (2.42%) ნაცვლად, რადგან BTC შეიძენენ მხოლოდ 500 აშშ დოლარად, ხოლო დარჩენილი 500 აშშ დოლარი უკან დაბრუნდება. https://tinyurl.com/293f2bbd