Popular Post სოსო Posted November 3, 2010 Popular Post Share Posted November 3, 2010 ინტელის ახალი არქიტექტურა Nehalem და მცირედი Overclocking-ზე განვიხლიოთ ინტელის ახალი არქიტექტურა Core i7 (Bloomfield, 45 nm). ეს პროცესორები შედგება 4 ბირთვისაგან თუმცა ასევე 4 ბირთვიანი Kentsfield/Yorkfield-ისგან განსხვავებით რომლებიც შედგება თითო 2 ბირთვიანი ორი კრისტალისგან Bloomfield-ის 4-ივე ბირთვი ერთ კრისტალშია მოთავსებული და მუშაობა შეუძლია 8 ნაკადად (ფაქტიურად 8 ბირთვი). ყოველი ბირთვისთვის გამოყოფილია 256 kb L2 cache მეხსიერება და ასევე გაჩნდა 8 mb მოცულობის L3 cache მეხისერება. მეხსიერების კონტროლერი გადაადგილდა პროცესორის ბირთვში და ასევე მეხსიერებას აქვს სამ არხიან რეჟიმში მუშაობის საშუალება. გაჩნდა ახალი სისტემური ინტერფეისი Quick Path Interconnect QPI (სერვერულ Nehalem EP პროცესორებში იქნება მეორე QPI პორტი ორი და მეტი პროცესორის ერთმანეთთან დასაკავშირებლად ერთ დედა დაფაზე). თვითონ პროცესორის არქიტექტურა ასე გამოიყურება <div align='center'> </div> გამოიყენება ერთი საერთო მამრავლი BCLK (base clock ზოგიერთ ბიოსში host clock ან reference clock) და ოთხი სხვა მამრავლი xk1 - მეხსიერების მამრავლი xk2 – Uncore ე.წ. Uncore clock ან UCLK (პროცესორში ჩაშენებული ჩრდილოეთ ხიდი რომელიც შედგება მეხსიერების კონტროლერის, L3 ქეშის და Quick Path Interconnect-ისგან) მამრავლი. xk3 – CPU მამრავლი xk4 – QPI მამრავლი თითოულის გამრავლებით BCLK-ზე (სწორედ მისი ზრდა ხდება Overclocking-ის დროს) მიიღება შესაბამისი სიხშირეები, პროცესორის ოპერატიულის და ა. შ. ყოველი ბირთვის (Core) არქიტექტურა ასე გამოიყურება პროცესორი გამოდის ახალ სოკეტზე LGA 1366 და აქვს მხოლოდ DDR3 მეხსიერების მხარდაჭერა. ძირითადი უპირატესობები და ტექნოლოგიური სიახლეები ასეთია: Intel Hyper-Threading Technology (HT) ეს ტექნოლოგია ინტელის მიერ ადრე იყო შემუშავებული და გამოიყენებოდა Pentium 4 (Northwood ბირთვზე) პროცესორებში. Nehalem-ში ინტელი დაუბრუნდა ძველ ტექნოლოგიას მისი მუშაობა დაახლოებით ასე გამოიხატება მარჯვენა სურათი HT-ს გარეშე და მარცხენა HT-თი Integrated Memory Controller და Quick Path Interconnect ეს ტექნოლოგიები უკვე გამოიყენებოდა AMD K8/K8L/K10 და ეხლა გამოიყენება Bloomfield ბირთვშიც. QPI-ს FSB-სგან განსხვავებით შეუძლია მონაცმემების ორი მიმართულებით გატარება ამ ტექნოლოგიების საშუალებით მინიმუმ ორჯერ იზრდება გამტარობა FSB-სთან შედარებით და მცირდება დაყოვნებები როგორც პროცესორის ასევე მეხსიერების მოდულის და გამტარობა Extreme Edition პროცესორებში აღწევს 25,6 გბ/წ. ასევე DDR3 ახალ პროცესორზე ბევრად მაღალი წარმადობით გამოირჩევა ვიდრე ძველ პროცესორებზე. მეხსიერების კონტროლერის პროცესორში გადატანის გამო შემცირდა პროცესორის დამოკიდებულება ქეშ მეხსიერების მუდმივ ზრდაზე და შესაძლებელი გახდა მისი მნიშვნელოვნად შემცირება (L2 256 კილობაიტამდე). Intel Turbo Boost ამ ტექნოლოგიის საშუალებით წარმადობა იზრდება დინამიურად, რესურსებისადმი მომთხოვნი პროგრამების გაშვების დროს - წარმადობა იზრდება დატვირთვის შესაბამისად (პრაქტიკულად ხდება პროცესორის მამრავლის ზრდა ქარხნული სიხშირისგან განსხვავებით). Intel Smart Cache უზრუნველყოფს ქეშ მეხსიერების მაღალ წარმადობას და ოპტიმიზირებულია თანამედროვე მრავალნაკადიანი თამაშებისთვის. Intel HD Boost საშუალებას იძლევა გაიზარდოს წარმადობა მულტიმედიური და რესურსებისადმი მომთხოვნი პროგრამების გაშვებისას. 128 თანრიგიანი ბრძანებები SSE გაეშვება სათითაოდ ერთ ტაქტურ ციკლში, რის საშუალებითაც მიიღწევა ეფექტურობის ახალი დონე პროგრამებში რომლებიც გათვლილია SSE4 ბრძანებების კრებულზე. პროცესორი მუშაობს მხოლოდ ახალ მაზერებზე რომლებიც აღჭურვილია ახალი სოკეტით LGA1366 და ჯერჯერობით ერთადერთ ჩიპსეტზე X58 ორი ხიდით ჩრდილოეთ X58 IOH და სამხრეთ ICH10/ICH10 ხიდები. ჩიპსეტს აქვს როგორც SLI ასევე Crossfire მხარდაჭერა. ჯერჯერობით გამოდის პროცესორის სამი მოდელი და BCLK-ს ქარხნული სიხშირე სამივესთვის 133 Mhz-ია განსხვავდება მხოლოდ სიხშირეები მამრავლის მიხედვით მოცემული სიხშირეები ქარხნულია. CPU და QPI მამრავლები შედარებით მკაცრად არის განსაზღვრული (გამონაკლისია Core i7-965xe ე.წ. Unlocked მამრავლით) სხვა მამრავლების ცვლილებაში მეტი თავისუფლებაა. დასაშვები დიაპაზონები ასე გამოიყურება „ბოლდით“ მოცემული მამრავლები ქარხნულია. ასევე საინტერეოა ვიცოდეთ რომ დასაშვები ძაბვა სამივე პროცესორზე მერყეობს 0,85-1,3625 ვოლტის ფარგლებში ინტელის რეკომენდაციით და ასევე TDP სამივე პროცესორისთვის 130 W-ია ცოტა რამ Overclocking-ზე თვითონ პროცესი ახალია და განსხვავდება ძელი სისტემისგან თუმცა არც ისე ძნელია. ძველ პროცესორებზე ოვექლოქინგისთვის საჭირო იყო FSB-ს გაზრდა. Core i7-ს შემთხვევაში ხდება BCLK-ს ზრდა (გამონაკლისი აქაც Extreme Edition-ია თავისუფალი მამრავლით, ისევე როგორც ძველ პროცესორებში), როგორც ავღნიშნეთ სწორედ ამ და დანარჩენი მამრავლებით: პროცესორის, მეხსიერების, QPI და Uncore ხდება სიხშირეების წარმოება. რაც შეეხება ძაბვას LGA775 სისტემაზე ოვერქლოქინგის დროს სტაბილურობის მისაღწევად საჭირო ხდება პროცესორის, მეხსიერების, ჩიპსეტის და ა. შ. ძაბვის ზრდა ახალ სისტემაზე ოვერქლოქინგის დროსაც გარკვეული ძაბვების მომატება სტაბილურობის მიღწევის საშუალებას იძლევა. თუმცა არქიტექტურის განსხვავების გამო LGA1366 სისტემაზე ჩიპსეტმა დაკარგა თავისი მნიშვნელობა რის გამოც მისი ძაბვის მატება საჭირო არ ხდება სიხშირის მნიშვნელოვანი მატების დროსაც კი! შესაბამისად ჩრდილოეთ ხიდის გადახურების საშიშროება და ამდენად მისი დამატებითი გაგრილების საჭიროება ახალ სისტემაზე ქრება. სამაგიეროდ პროცესორში გადაადგილებულ მეხსიერების კონტროლერს და L3 დონის ქეშ მეხსიერებას აქვთ თავიანთი დამოუკიდებელი კვების წყარო რის გამოც ამ ელემენტებზე ძაბვის მომატებას შეუძლია გარკვეული ხეირის მოტანა. ასე რომ შეიძლება ითქვას გარკვეული შედეგის მიღება შეიძლება ოთხ ელემენტზე ძაბვის ზრდისას: პროცესორის ძაბვა (CPU Voltage) რომელიც გამოიყენება უშუალოდ პროცესორის ბირთვების მიერ და ნომინალური მნიშვნელობა 1.2 ვოლტია (კონკრეტულ ეგზემპლარებში შეიძლება განსხვავებულიც იყოს). მაქსიმალურ დასაშვებ ძაბვად ითვლება 1.55 ვოლტი თუმცა ამ შემთხვევაში მინიმუმ წყლის გაგრილებაა საჭირო. როგორც westsider-მა გამიზიარა თავისი გამოცდილება ნეჰალემს 1.7 ვოლტზე მეტი არ უყვარს და ამ ძაბვაზე ზევით ყველაზე მეტი 3-4 %-ით იზრდება წარმადობა და სარაზგონოდ მწვანე ძაბვა 1.6-1.65-ია რომელზეც QPI/DRAM Voltage მოითოვს 1.55+ ვოლტს. Uncore ძაბვა (QPI/DRAM Voltage) პროცესორში ჩაშენებული QPI და L3 კონტროლერების ძაბვა რომლის ნომინალური ძაბვაა 1.2 ვოლტი, რეკომენდაციების მიხედვით პროცესორისთვის ზიანის მიუყენებლად შეიძლება მისი გაზრდა 1.35 ვოლტამდე. აქვე აუცილებელია გავითვალისწინოთ რომ ეს ძაბვა DRAM Voltage-ისგან 0.5 ზე მეტით არ უდნა განსხვავდებოდეს და მათ შორის სხვაობა 0.34-ზე ნაკლებიც არ უნდა იყოს, ამ ფარგლებს გარეთ მცირე დროით რაზგონის დროსაც კი დიდი შანსია მემორი კონტროლერი დაიწვას. მეხსიერების კვების ძაბვა (DRAM Voltage) რომელიც გავლენას ახდენს როგორც DDR3 SDRAM-ზე ასევე პროცესორში ჩაშენებულ მეხსიერების კონტროლერზეც რის გამოც ამ ძაბვის მომატება დაუშვებელია 1.65 ვოლტის ზევით, მოწოდებულია 1.66 ვოლტი წინააღმდეგ შემთხვევაში შესაძლებელია სიხშირის ვარდნა და პროცესორის დაზიანებაც კი. აქვე ისევ westsider-ის გამოცდილებიდან ვიტყვი როგორც ზემოთ ავღნიშნე CPU Voltage 1.6-1.65-ზე QPI/DRAM Voltage მოითოვს 1.55+ ვოლტს ხოლო რადგან ამ უკანასკნელის სხვაობა DRAM Voltage-თან მინიმუმ 0.34 უნდა იყოს პრაქტიკულად იძულებული ხდები DRAM Voltage „დაუშვებელ“ სულ მცირე 2 ვოლტამდე აწიო (პრაქტიკული გამოცდილება სულ სხვაა რამდენიც არ უდნა იკითხო ). CPU PLL ძაბვა ეს ძაბვა გამოიყენებოდა LGA775 სისტემაზეც და აქაც არ დაუკარგავს მნიშვნელობა. ნომინალური ძაბვაა 1.8, ინტელის რეკომენდაციით მაქსიმალური დასაშვები ძაბვაა 1.88 ვოლტი პროცესორისთვის ზიანის გარეშე. თუმცა პრაქტიკულად ჯობია 1.96 ვოლტი, სტაბილურობისთვის. მოკლედ ჩამოვწერ რეკომენდებულ ძაბვებს ჰაერის გაგრილებაზე: CPU Voltage – 1.35-1.4 QPI/DRAM Voltage – 1.35 DRAM Voltage – 1,66 CPU PLL – 1,96 ამის ზევით უკვე ჰაერის გაგრილება საკმარისი აღარ იქნება ასე რომ თუ მეტი გინდათ უკეთეს გაგრილებაზე იფიქრეთ . ცნობილია რომ პროცესორის ძაბვის ზრდა ოთხმაგად ზრდის სითბოს გამოყოფას ამიტომ აუცილებელია ტემპერატურის კონტროლი რომელმაც Core i7-ის შემთხვევაში არ უნდა გადააჭარბოს 100 გრადუსს ცელსიუსით, წინააღმდეგ შემთხვევაში პროცესორი თავისით დააგდებს სიხშირეს პროცესორის მამრავლის 12x-მდე შემცირებით. მაგრამ რეალურად თუ გვინდა რომ პროცესორმა 5 წელზე მეტ ხანს გაძლოს ჯობია ტემპერატურა 70 გრადუსის ფარგლებში იყოს . საყურადღებოა რომ პროცესორი აკონტროლებს მხოლოდ ბირთვების ტემპერატურას, ხოლო მეხსიერების კონტროლერის, L3 ქეშ და Uncore ტემპერატურები არ კონტროლდება რის გამოც საჭიროა სიფრთხილე ამ ელემენებზე ძაბვის მომატებისას. ცალკე ყურადღება უნდა დაეთმოს Turbo Boost (Turbo Mode) რეჟიმს მისი საშუალებით თუ პროცესორის ენერგომოხმარება არ აჭარბებს 130 W-ს ხდება პროცესორის მამრავლის მომატება x2-ით თუ დატვირთულია მხოლოდ ერთი ბირთვი და x1-ით თუ ერთზე მეტი ბირთვი დაიტვირთა. დედადაფები ახალ სოკეტზე საშუალებას იძლევა ეს რეჟიმი გამოირთოს, ასევე გასათვალისწინებელია რომ Turbo Boost რეჟიმი დაკავშირებულია EIST ფუნქციასთან რის გამოც ამ უკანასკნელის გამორთვა ავტომატურად იწვევს ტურბო რეჟიმის დეაქტივაციას. თუმცა ბევრი დედა დაფა იძლევა პროცესორის ენერგომოხმარების კონტროლის გამორთვის საშუალებას ტურბო რეჟიმის დეაქტვიაციის გარეშე. ამგვარად ოვერქლოქინგის დროს BCLK-ს მომატებასთან ერთად ტურბო რეჟიმით შეიძლება უფრო მეტი სიხშირეების მიღწევა პრქატიკულად მამრავლი გვექნება 920-ზე x21 და 940-ზე x23. მაგრამ აქვე უნდა გავითვალისწინოთ რომ ოვერქლოქინგთან ერთად დატვირთვაზე ტურბო რეჟიმის ჩართვისას შეიძლება მოხდეს პროცესორის სიხშირის ისე მომატება რომ ოვერქლოქინგი გახდება არასტაბილური მიუხედავად იმისა რომ დატვირთვის გარეშე სისტემა სრულად სტაბილური იყო. აღსანიშნავია რომ ამ რეჟიმით საშუალო ოვერქლოქინგი იძლევა ბენჩმარკებში უკეთეს შედეგს ვიდრე უფრო მაღალ სიხშირეზე გამორთული Turbo Boost რეჯიმით, მაგალითად ტურბო რეჟიმში 3.66 Ghz სიხშირეზე ბენჩმარკში მიიღება იგივე შედეგი რაც 2.8 Ghz სიხშირეზე ტურბო რეჯიმის გარეშე, ამასთან პროცესორი დაბალ სიხშირეზე ნაკლებ ძაბვას საჭიროებს და ნაკლებად ცხელდება. Extreme Edition 965 არ იყენებს ტურბო რეჟიმს, უბრალოდ ამ შემთხვევაში შესაძლებელია პროცესორის მამრავლის მომატება ერთდოულად ყველა ბირთვზე და არა მხოლოდ 1 ან 2 ბირთვზე. რადგან BCLK დაკავშირებულია სხვა მამრავლებთან პროცესორის ოვერქლოქინგის დროს აუცილებელია Uncore, DDR3 SDRAM და QPI მამრავლების მინიმალური მნიშვნელობების დაფიქსირება რათა არ შეიზღუდოს პროცესორის შესაძლებლობები. პრაქტიკულად პროცესორი შედგება ორი ნაწილისგან Core და Uncore და მათი მამრავლის ცვლილება თეორიულად ერთმანეთისგან დამოუკიდებლად ხდება და შესაბამისად ოვერქლოქინგიც, თუმცა პრაქტიკულად 920 და 940 პროცესორებში Uncore მამრავლის კონტროლი საკმაოდ შეზღუდულია ამიტომ BCLK-ს ზრდა ავტომატურად ზრდის Uncore სიხშირეს. გასათვალისწინებელია რომ ოპერატიულის მამრავლი მინიმუმ ორჯერ ნაკლები უნდა იყოს Uncore მამრავლზე, თანაფარდობა 1:2. მაგალითად თუ ოპერატიული სიხშირე 2000 Mhz-ია Uncore სიხშირე 4000 გახდება, პრაქტიკულად 4600-ზე ზევით ასვლა იშვიათად ხერხდება ამდენად ოპერატიულის რაზგონი 2300 Mhz-ზე მთავრდება. დასაწყისისთვის უმჯობესია EIST და Turbo Boost რეჟიმების გამორთვა, თუმცა ტურბო რეჟიმში რა მოგების ნახვა შეიძლება ზევით უკვე ვთქვით. ასევე ბიოსიდან ჯობია გამოვრთოთ Hyper-Threading რამაც შეიძლება ხელი შეუშალოს ოვერქლოქინგს თუმცა როგორც ვიცი ზოგიერთი პროცესორი ერთნაირად რაზგონდება Hyper-Threading Enable და მის გარეშეც. ძაბვა უნდა მიეთითოს ხელით და არა AUTO რადგან ოვერქლოქინგის დროს დედადაფა ავტომატურად გაზრდის ძაბვას. ყოველივე ამის შემდეგ უკვე შესაძლებელია ნელნელა BCLK-ს გაზრდა თავიდან 160 MHz და შემდეგ 5 ერთეულიანი ნაბიჯებით სანამ სისტემა არ გახდება არასტაბილური. სტაბილურობაზე შემოწმებისთვის ალბათ უკეთესია prime95-ის გამოყენება In place large FFTs რეჟიმში. ამის შემდეგ უკვე ვზრდით ძაბვას ჯერ პროცესორზე და შემდეგ უკვე სხვა ელემენტებზე იმის მიხედვით თუ რა სიხშირეა ჩვენი მიზანი. ნომინალურ ძაბვაზე 1.2 ვოლტი i7 920 საშუალოდ 3.5 Ghz-ზე დგება (BCLK-175). ჰაერის გაგრილებაზე ძაბვის შემდგომი მატება რეკომენდებულია 1.35 – 1.4 ვოლტამდე. დალშე წყალი, ყინული აზოტი და მეტალურგია მოკლედ ვისაც რა შეუძლია . სტატიის ოვერქლოქინგ ნაწილი ძირითადად Westsider-ის რჩევებით მაქვს დაწერილი რაზედაც ვუხდი დიდ მადლობას 12 Quote Link to comment Share on other sites More sharing options...
T.J. Posted December 7, 2011 Share Posted December 7, 2011 Quote Link to comment Share on other sites More sharing options...
alekoako2 Posted March 14, 2013 Share Posted March 14, 2013 :mameda: :thumbsup: Quote Link to comment Share on other sites More sharing options...
MILANISTA Posted March 15, 2013 Share Posted March 15, 2013 :thumbsup: Quote Link to comment Share on other sites More sharing options...
მიშო Posted March 15, 2013 Share Posted March 15, 2013 რაღადროს ნაჰალემია სად იპოვეთ ეს თემა :| Quote Link to comment Share on other sites More sharing options...
Recommended Posts
Join the conversation
You can post now and register later. If you have an account, sign in now to post with your account.