NVIDIA CEO ხედავს MacBook Air-ს როგორც მომავლის ლეპტოპს:
Nvidia CEO-ს თანადამაარსებელი Jen-Hsun Huang, რომელიც 1993 წლის შემდეგ არის Nvidia კორპორაციის პრეზიდენტი, უფროსი აღმასრულებელი ოფიცერი და დირექტორთა საბჭოს წევრი, აცხადებს, რომ იგი მომავალს ხედავს, როგორც Apple Inc - ის აწმყოდ. მას სჯერა, რომ რამდენიმე წელიწადში მომხმარებელს გაუჭირდება იპოვოს კომპიუტერი, რომელიც არ იქნება დღევანდელი MacBook Air-ის მსგავსი.
იმ მომხმარებლების შემაშფოთებელი შეურაცხყოფის პარალელურად, რომლებიც აცხადებენ, რომ ვერ წარმოუდგენიათ გამოიყენონ ისეთი “სუსტი” ტექნიკა, როგორიც არის MacBook Air, თქვენის ნებართვით მოვიშველიებ Huang-ის მიერ გამოთქმულ საპირისპირო არგუმენტს: “ მე დარწმუნებით ველი, რომ Apple დანარჩენი MacBook-ების სპექტრს განავითარებს Air-ის მიმართულებით, რადგან ეს უკანასკნელი არის უფრო მსუბუქი, თხელი, SSD მყარი დისკით და ა.შ... განა მეტი რა უნდა გააკეთოს ამაზე უკეთესი? უფრო სქელი, მძიმე და იგივე მყარი დისკით რაც 2008 წელს გვქონდა? რასაკვირველია Apple განაგრძობს არჩეული მიზნისაკენ წინსვლას.
CNET-ს სტატიაში საუბარია იმაზე, რომ Huang-ის ხედვა დამყარებულია ARM
ჩიპებზე, რომელთაც მომხმარებელს Nvidia აწვდის, და სჯერა, რომ ისინი იხილავენ ARM-ზე გაშვებულ Windows-ს 2014 წლისათვის, თუმცაღა, იმის გათვალისწინებით, რომ Apple ავითარებდა Mac OS X-ს ინტელი პროცესორებისათვის წლებით ადრე ვიდრე საზოგადოება გადაერთვებოდა ინტელის მოხმარებაზე, არ იქნება გასაკვირი თუკი 2014-ში შევიტყობთ, რომ Apple ასევე ავითარებდა Mac OS X-ს ARM-ისათვის.
მომავლის პოგნზირება ადვილი და იაფია, ამის გაკეთების შესაძლებლობა ყველას აქვს, და მიუხედავად იმისა, შეცდები თუ არა, ნაკლებ სავარაუდოა, ვინმემ მოახდინოს აპელირება ამის თაობაზე. იმის თქმა, რომ ლეპტოპები გახდება უფრო მსუბუქი, თხელი და პატარა ისეთივე სარისკოა, როგორც თქმა იმისა, რომ გრავიტაცია განაგრძობს დედამიწის ზედაპირზე მდებარე ობიექტებზე ზემოქმედებას. ერთადერთი კომპანია, რომელიც ავითარებს მომავლის ტექნოლოგიებს არის Apple.
რასაკვირველია ჩნდება ისეთი კითხვები, როგორიცაა: “იქნება თუ არა მომავალში MacBook Pro-ს ხაზში SuperDrive - გარე ოპტიკური წამკითხველი”, “ ახალი სერია იქნება სტანდარტული HDD (Hard Disk Drive) , თუ SSD (Solid State Drive) მეხსიერებით” და ა.შ. თუმცა Windows-ისგან განსხვავებით ARM-თან მიმართებაში, Apple-ს წინსვლას და განვითარებას სჭირდება თვეები და არა წლები.
თუკი ის გაინტერესებთ, რამდენად თვლის თავად Apple Inc. რომ MacBook Air არის მომავალი, შეგიძლიათ მათ ვებ გვერდზე განთავსებულ წარწერას დააკვირდეთ: “Next Generation of MacBooks” (MacBook-ების შემდეგი თაობა), ან უბრალოდ კითხოთ ნებისმიერს, ვისაც გამოუყენებია იგი. ვინმე Peter Cohen-მა Air-ით სარგებლობიდან რამდენიმე დღის შემდეგ განაცხადა, რომ სხვა MacBook-ები თავიანთი ხისტი მყარი დისკებით მასთან შედარებით რეტროდ ეჩვენებოდა.
არ გამიკვირდება, თუკი Apple გამოაცხადებს, რომ SuperDrive (გარე ოპტიკური წამკითხველი) რომელიც აქამდე ლიმიტირებული იყო მხოლოდ Mac mini-სა და MacBook Air-ის მომხმარებელთათვის, ახლა ხელმისაწვდომი იქნება ყველა Mac-ისათვის, რადგან MacBook Pro-ები აღარ გამოვა ინტეგრირებული ოპტიკური წამკითხველით. ეს მახსენებს იმ დროს, როდესაც Apple-მ “მოკლა” Floppy დისკი, ჯერ კიდევ მაშინ, როცა იგი აქტიური გამოყენების საგანს წარმოადგენდა და ზოგიერთი იმასაც კი ირწმუნებოდა, რომ მის გარეშე უბრალოდ ცხოვრებას ვერ შეძლებდა.
რისი თქმაც მინდოდა ის არის, რომ ლეპტოპების დიზაინი კი არ იცვლება, უკვე შეცვლილია. Mac-ის მომხმარებლები ცხოვრობენ PC მომხმარებლების მომავალში, და როდესაც ეს უკანასკნელნი მათ დაეწევიან, Apple კვლავ იპოვის სხვა გზას, რომ გადაადგილდეს წინ...!
PS: ანტი მაკისტები ძალიან ნუ გამაკრიტიკებთ :D