თითქოსდა, რამდენიმე კვირის წინ სტუდია Sony-მ შეუდგა ფილმის გადაღებებს Assassin's Creed თამაშის მიხედვით და, პროექტს უკვე შეექმნა სერიოზული პრობლემები. ისინი ფრანგული კომპანია Ubisoft-ის — თამაშის შემქმნელთა მიერ ნაკარნახებ შეთანხმების პირობებს უკავშირდება.
გათვალისწინებით, რომ Assassin's Creed არის ერთ-ერთი ყველაზე წარმატებული თამაში, გამოცემული 30 მილიონზე მეტი ერთეული ეგზემლარით, Ubisoft ლოგიკურად თვლის უკარნახოს ჰოლივუდურ სტუიდიებს საკუთარი წესები. შეთანხმების ნაწილი გახდა ფრანგთა სურვილი სრულად აკონტროლონ გადაღებების პროცესი. Sony ვალდებული იქნება თანხობა მიიღოს ყველაფერზე Ubisoft-ისგან, დაწყებული ბიუჯეტით, სცენარით, მსახიობთა შერჩევითა და პრემიერის თარიღით დამთავრებული.
ჰოლივუდური გეგმა დაირღვა. ინსაიდერები გამოთქვამენ: სტივენ სპილბერგსაც კი არ აქვს უფლებები ასეთ სურვილებზე! ერთ-ეთი აგენტი, რომელიც წარმოადგენს ვიდეოთამაშების გამომცემ საშუალო კომპანიას, ამბობს: Sony-ს და Ubisoft-ის შეთანხმებები მელნის, ქაღალდისა და დროის ფუჭი ხარჯვაა. კონტროლის დონის გათვალისწინებით, რომელსაც იძენს Ubisoft და კარგავს Sony, ნიშნავს, რომ Assassin's Creed არასდროს იქნება ეკრანიზირებული.
ანონიმი ნაწილობრივ მართალია, რამეთუ მაღალი ბიუჯეტების სამყაროში სტუდიები სრულად ახორციელებენ ზედამხედველობას პროექტებზე, რეჟისორზე ბოლო სიტყვის უფლების გარეშე. აღსანიშნია, რომ მანამდე ფილმის გადაღებაზე პრეტენდენტები იყვნენ Universal და Warner, მაგრამ Ubisoft-ის მოთხოვნები მათთვის მიუღებელი აღმოჩნდა. როგორც ინსაიდერები ამბობენ, ფრანგებს შეუძლებელი უნდოდათ — უფლება გაეყინათ პროექტის წარმოება ნებისმიერ ეტაპზე, თუკი საჭიროდ ჩათვლიდნენ. იმის მხედველობაში მიღებით, რომ, ვიდრე რეჟისორი პირველად წამოიძახებს "action!", მანამდე სტუდიები ათობით მილიონ დოლარს ხარჯავენ ფილმზე სამუშაოდ, Universal-სა და Warner-ს შეიძლება გავუგოთ.
სტუდიათა მეთაურთაგან, აი ერთ-ერთის სიტყვები: მშვენივრად მესმის, რომ Ubisoft-ისთვის ეს მრავალმილიარდიანი ბრენდია, და მათ სურთ მისი დაცვა. მაგრამ Ubisoft არ წარმოადგენს კინემატოგრაფებს. და ისინი, ფაქტიურად, სტუდიების გამოცდილების უგულებელყოფით, ნაადრევად არიან დარწმუნებულნი, რომ ისინი მათი თამაშის მიხედვით ცუდ ფილმს გადაიღებენ.
Ubisoft-ში კი, თავის მხრივ, თვლიან, რომ მათი მოთხოვნები დაეხმარება Assassin's Creed-ს არ ეწიოს "სპარსეთის პრინცის" ბედი. გასულ წელს გამოსულმა ამ ფილმმა ვერ გაამართლა ვერც სტუდიის მოლოდინები, ვერც მაყურებლებისა და, მით უმეტეს, ვერც თამაშის შემქმნელების. Ubisoft-ში დარწმუნებულნი არიან: მათ რომ მეტი კონტროლის უფლება ჰქონოდათ "სპარსეთის პრინცი" მოლოდინს გაამართლებდა. Disney-ში პირიქით ფიქრობენ, თუმცა ეხლა უკვე გვიანია ბრალეულთა პოვნა.
ჰოლივუდი უკვე რამდენიმე წელია ითხოვს უფლებებს Call of Duty-სა და Grand theft Auto-ს მიხედვით ფილმების გადასაღებად, თუმცა გამომცემლები Activision და Rockstar Games უარს ეუბნებიან, და ფიქრობენ, რომ წარუმატებელი კინოვერსია მხოლოდ დააზიანებს ისედაც მომგებიან თამაშებს. შეიძლება Halo-ს ეკრანიზაციის ისტორიის გახსენება, როცა Microsoft-მა ფილმის წარმოება არასტუდიურ სისტემაში გამართა, დაიქირავა ალექს გარლენდი და სცენარის დაწერაში მილიონი დოლარი ისე გადაუხადა, რომ არცერთი კინოსტუდიის მეთაურისგან თანხმობა არ მიუღია. საბოლოოდ, მხოლოდ Universal დასთანხმდა Microsoft-ის პირობებს — 5 მილიონი დოლარი უფლებებზე და 10 პროცენტი კინოგაქირავებაში შემოსული საერთო მოგებიდან. თუმცა პროექტზე პიტერ ჯექსონის მიყვანამაც კი ვერ იხსნა Halo ჩავარდნისგან: ფილმი ისევე დარჩა წარმოების ეტაპზე ფინანსური პრობლემების გამო.
ამასობაში, Sony-ს უკვე აქვს ვიდეოთამაშის ეკრანიზაციის მსხვილი პროექტი — Uncharted: Drake's fortune. თამაში გამოსცა დობილმა კომპანია Sony Computer Entertainment, და წესით სტუდიებისთვის საქმე იოლად უნდა იყოს, მაგრამ არა! ფილმის წარმოებაში მიწვეულმა დევიდ ო. რასელმა დაწერა სცენარი, რომელშიც თამაშისგან იმდენად შორს წავიდა, რამდენადაც ეს შესაძლებელი იყო. Sony-მ რასელის მომსახურებაზე უარი განაცხადა, პროექტი დაობლდა და ჯერ-ჯერობით თაროზეა.
დღეისთვის ჰოლივუდური განაწესი ვიდეოთამაშებზე, დაახლოებით ასეთია: პოლ უ. ს. ანდერსონი იღებს "ბოროტების სავანე 5"-ს; სადღაც წინ მერყეობს "ლარა კროფტის" გადატვირთვა — რებუტის სცენარზე მაისის მერეა ირჯებიან "რკინის კაცის" ავტორები, მარკ ფერგუსი და ჰოუკ ოსტბი. დასრულებულია "საილენთ ჰილის" სიქველის გადაღებები; გაყინულია "კეინი და ლინჩი"; "ბიოშოკის" ბედი ბუნდოვანია: პროექტის შველას გორ ვერბინსკი ეცადა, თუმცა ვერ შეძლო; Mass Effect იმყოფება Legendary Pictures-ის გადახედვის ქვეშ უკვე გასული წლის მაისიდან, თუმცა პროექტზე ჯერ არაფერი თქმულა.
