ყველამ იცის არაჩვეულებრივი სარბოლო/სიმულატორების სერია – DiRT. წელს, მას კიდევ ერთი თამაში შეემატება – DiRT Showdown. მაგრამ სანამ რამე სხვას იფიქრებთ, გეტყვით, რომ ეს არაა მესამე ნაწილის პირდაპირი გაგრძელება. არამედ ცალკეული ნაწილი, დამოუკიდებელიც შეიძლება ითქვას. მისი განსხვავება სერიის სხვა თამაშებთან იმაში მდგომარეობს, რომ ეს პროექტი გამოირჩევა სრული არკადულობით. დიახ, Showdown-ში იქნება გაცილებით ადვილი გეიმფლეი. ექსტრიმი, შოუ-რბოლები და ექშენი გადმოიცემა გამარტივებული ფორმით. ჯერ-ჯერობით გამოცხადებულია, მხოლოდ 3 განსხვავებული რეჟიმი, რომლებიც თავსდება როგორც ერთმომხმარებლიან, ასევე მრავალმომხმარებლიან რეჟიმთან.
ახალ DiRT-ში ძირითადი ღირსება არის ილეთები. თამაშში ისინი წარმოდგენილია როგორც Hoonigan-მოვლენები, ბოლოც სამად იყოფა: Smash Hunters, Trick Rush и Head 2 Head. თავისთავად არის სტანდარტული რეჟიმებიც: Lap Attack, Eliminator და Domination. ყველაზე აგრესიული, აქედან სწორედ მესამეა. ისიც სხავადასხვა ტიპისაა: Rampage – მოწინააღმდეგე ავტომობილის განადგურება; Hard Target – მოშორდეთ სხვა ავტომობილებს; King of the Ring – ავტომობილები გზის სხვადასხვა წერტილებიდან იწყებენ სვლას, რომ ბოლოს ცენტრში დაეჯახონ ერთმანეთს.
ყველაფერს დამატებული, DiRT Showdown-ში იქნება ათეულობით გზა და ავტომობილი. სამწუხაროდ გამოსვლის ზუსტი თარიღი უცნობია, ჩვენ ვიცით, რომ ის 2012 წლის მაისში უნდა გამოჩნდეს, მაგრამ ამავე დროს, სასიხარულოა ის ფაქტი, რომ თამაში PC, X-BOX, PS3-ზე ერთდროულად გამოვა. იქამდე, შეგიძლიათ ნახოთ ანონსის თრეილერი.