VR ჰედსეტები - სიახლეები

[Power_VANO]

VR ჰედსეტები - სიახლეები

[Magdalena]

Valve-მა Steam Frame VR ჰედსეტის მასობრივი წარმოება დაიწყო - ანონსი წლის ბოლომდეა მოსალოდნელი 

კომპანია Valve-მა დაიწყო Valve Index 2 ვირტუალური რეალობის ჰედსეტის მასობრივი წარმოება, რომელიც ანალიტიკოსების თქმით, წელს გამოვა. გაყიდვების დაწყება სადღესასწაულო სეზონზეა დაგეგმილი, წლიური წარმოების სავარაუდო მოცულობა კი 400 000-დან 600 000 ერთეულამდე იქნება. 

ფოტოს წყარო: valvesoftware.com 

ჩინურ კვლევით ჯგუფ XR Research Institute-ის ინფორმაციაზე დაყრდნობით რესურსი UploadVR წერს, რომ წარმოების ეს მასშტაბი დაახლოებით Apple Vision Pro ჰედსეტის მასშტაბის მსგავსია, რაც მიუთითებს, იმას რომ Valve-ის მოწყობილობა პრემიუმ ბაზრის ნიშას დაიკავებს. ექსპერტები ვარაუდობენ, რომ კვლევითი ჯგუფის მონაცემების სიზუსტის გათვალისწინებით ახალი ჰედსეტის ფასი შეიძლება საკმაოდ მაღალი იყოს და 1000 აშშ დოლარს ან მეტს მიაღწიოს. 

ხაზგასმულია, რომ Valve-ის მიერ ახალ მოწყობილობაზე მუშაობა ჭორი არ არის, რადგან კომპანიამ ბოლო ოთხი წლის განმავლობაში არაერთხელ დაადასტურა ეს გეგმები, რაც მიანიშნებს, რომ ჰედსეტი პერსონალური კომპიუტერიდან უსადენო სტრიმინგზე იქნება ორიენტირებული. ამ დროის განმავლობაში SteamVR-ის კოდში არაერთხელ იქნა ნაპოვნი Deckard-ის სახელით ცნობილი მოწყობილობის მინიშნებები, ხოლო გასული წლის ბოლოს აღმოაჩინეს Touch-ის დიზაინის მსგავსი Roy კონტროლერის მოდელები. 

მოახლოებული ანონსის კიდევ ერთი დასტური იყო Valve-ის მიერ გასულ თვეში სავაჭრო ნიშან „Steam Frame“-ის განაცხადის შეტანა, რომლის მითითება მონაცემთა მაძიებლებმა SteamVR კოდში აღმოაჩინეს, რაც იმაზე მიუთითებს, რომ ის შეიძლება გამოყენებულ იქნას Deckard-ის კომერციულ სახელად. 

https://tinyurl.com/2aus89m6