Google Pixel სიახლეები

[Power_VANO]

Google Pixel სიახლეები

[V4KH0]

კომპანია Google-მა ოფიციალურად წარადგინა ახალი პროდუქტული ხაზის ყველაზე ხელმისაწვდომი სმარტფონი — Pixel 9a. ახალ მოწყობილობას აქვს უახლესი Google Tensor G4 ჩიპსეტი, გაიზარდა  ბატარეის ტევადობა და გაუმჯობესდა ფოტოგრაფიული შესაძლებლობები. სმარტფონი შეესაბამება IP68 სტანდარტს მტვრისა და წყლისგან დაცვისთვის.

დიზაინი და ეკრანი

Pixel 9a-ის დიზაინი ჰგავს Pixel 9 სერიის სხვა წარმომადგენლებს. სმარტფონის ეკრანი დაფარულია Corning Gorilla Glass 3-ით და აქვს ბრტყელი კიდეები, რომლებიც ერთიანდება ალუმინის ჩარჩოსთან. უკანა პანელი პოლიკარბონატისგანაა დამზადებული, რაც ხაზს უსვამს წინამორბედ Pixel 8a-ის მომრგვალებული კიდეებისგან განსხვავებულ სტილს. Pixel 9a აღჭურვილია Google Tensor G4 ჩიპით Titan M2 უსაფრთხოების თანა-პროცესორით. მოწყობილობას გააჩნია 8 გბ ოპერატიული მეხსიერება და 128 ან 256 გბ შიდა საცავი.

 

Pixel 9a-ს აქვს 6.3-დუიმიანი pOLED-ეკრანი 2424 × 1080 პიქსელის გარჩევადობით და 120 ჰც განახლების სიხშირით. ეკრანის მაქსიმალური სიკაშკაშე HDR-კონტენტის ჩვენებისას 1800 კდ/მ²-ს აღწევს (100%-იანი ეკრანის ფართობზე გაზომვისას), ხოლო პიკური სიკაშკაშე (5%-იან ფართობზე) 2700 კდ/მ²-ია. ეკრანი HDR-ს უჭერს მხარს, თუმცა 8-ბიტიანი ფერის სიღრმით. თითის ანაბეჭდის ოპტიკური სკანერი განთავსებულია ეკრანის ქვეშ.

 

კამერები და ფოტოგრაფიული შესაძლებლობები

Pixel 9a-ს აქვს გაუმჯობესებული კამერის სისტემა. ძირითადი 48-მეგაპიქსელიანი კამერა აღჭურვილია ავტოფოკუსით, ƒ/1.7 დიაფრაგმით და ოპტიკური სტაბილიზაციით, რაც საშუალებას იძლევა ჩაწეროს 4K ვიდეო 60 კადრი/წამში სიჩქარით. მას ემატება 13-მეგაპიქსელიანი ულტრაფართო კამერა ƒ/2.2 დიაფრაგმით. წინა 13-მეგაპიქსელიანი კამერა 4K ვიდეოს 30 კადრი/წამში სიჩქარით იღებს. ახალი ფოტოგრაფიული ფუნქციები მოიცავს მაკროსურათებს და ასტროფოტოგრაფიას.

 

ელემენტი და პროგრამული უზრუნველყოფა

Pixel 9a მუშაობს Android 15-ზე  და აქვს მხარდაჭერა Google-ის ახალ ხელოვნური ინტელექტის ფუნქციების. როგორც სხვა Pixel მოწყობილობებს, მასაც ექნება 7-წლიანი განახლებების მხარდაჭერა ოპერაციული სისტემისა და უსაფრთხოების განახლებებისთვის.

Google-ის მონაცემებით, Pixel 9a-ს აქვს 5100 mAh-იანი ლითიუმ-იონური ელემენტი, რომელიც 30 საათზე მეტ ხანს ძლებს. ის Pixel სერიის ყველაზე დიდი ელემენტით აღჭურვილი სმარტფონია. მოწყობილობას აქვს 23 ვტ-მდე სწრაფი სადენიანი დამუხტვა და Qi სტანდარტის უსადენო დატენვა.

Pixel 9a ხელმისაწვდომი იქნება ოთხ ფერში: Obsidian (შავი), Porcelain (თეთრი), Peony (ვარდისფერი) და Iris (იისფერი).

ფასი და ხელმისაწვდომობა

Google Pixel 9a-ის საწყისი ფასი $499-ია. გაყიდვები დაიწყება აპრილში.

წყარო:

GSMArena
https://www.gsmarena.com/

 

[david_888]

რაარი ეს 2015 წლის ჩარჩოები

[V4KH0]

ხო რაღაც დიდი ჩარჩოები აქვს რაც ვნახე, არადა განხილვაში საერთოდ არაა ნახსენები, პლუს ეკრანი აქვს გორილა გლას3 რაც 2015 ის ტელეფონიდან მოდის )))) და ფასი ხომ საერთოდ 500$ ად უკეთესი სმარტი მოგივა ყველა ვარიანტში

 

[Magdalena]

Google-მა წარადგინა Pixel 9a - სმარტფონი „პიქსელებს“ შორის ყველაზე დიდი ბატარეით, iPhone-ის დიზაინით და 499 აშშ დოლარიდან ფასით  

Google-მა ოფიციალურად წარმოადგინა ახალი პროდუქციის ხაზიდან ყველაზე ხელმისაწვდომი სმარტფონი Pixel 9a. ახალი პროდუქტი აგებულია უახლეს Google Tensor G4 ჩიპსეტზე Titan M2 უსაფრთხოების თანაპროცესორით, წარმოდგენილია ბატარეის გაზრდილი მოცულობით და ახალი ფოტოგრაფიული შესაძლებლობებით. სმარტფონი აკმაყოფილებს მტვრისა და წყლისგან დაცვის IP68 სტანდარტს. 

 

ფოტოს წყარო: Google 

მოწყობილობის დიზაინი Pixel 9 სერიის სხვა წარმომადგენლების მსგავსია. სმარტფონის ეკრანი დაფარულია Corning Gorilla Glass 3-ის ბრტყელი კიდეებით, რომლებიც ბრტყელ ალუმინის ჩარჩოში გადადის. პოლიკარბონატის ბრტყელი უკანა პანელი განსხვავდება წინამორბედ Pixel 8a-ს მომრგვალებული კიდეებისგან. Pixel 9a-ს აქვს Google-ის ახალი Tensor G4 ჩიპი Titan M2 უსაფრთხოების თანაპროცესორით. სმარტფონს გააჩნია 8 გბ ოპერატიული და 128 ან 256 გბ შიდა მეხსიერება. 

 

Pixel 9a-ს აქვს 6.3 დიუმიანი pOLED დისპლეი, გაფართოებით 2424 x 1080 პიქსელი და განახლების სიხშირით 120 ჰერცამდე. დისპლეის მაქსიმალური სიკაშკაშეა 1800 კდ/მ² HDR კონტენტის ჩვენებისას (იზომება ეკრანის არეალის 100%-ზე), ხოლო მაქსიმალური სიკაშკაშეა 2700 კდ/მ² ეკრანის არეალის 5%-ზე გაზომვისას. დისპლეის აქვს HDR-მხარდაჭერა, მაგრამ შეზღუდული 8-ბიტიანი ფერის სიღრმით. თითის ანაბეჭდის ოპტიკური სკანერი განთავსებულია ეკრანის ქვეშ. 

 

ფოტოს წყარო: gsmarena.com 

სმარტფონს კამერების განახლებული სისტემა აქვს. მთავარ 48-მეგაპიქსელიან კამერას ავტოფოკუსით, ƒ/1.7 დიაფრაგმით და გამოსახულების ოპტიკური სტაბილიზაციით შეუძლია 4K ვიდეოს გადაღება 60 კადრი წამში სიჩქარით. მას თან ახლავს 13-მეგაპიქსელიანი ფართო კუთხის კამერა ƒ/2.2 დიაფრაგმით. წინა 13-მეგაპიქსელიანი კამერა შემოიფარგლება 4K ვიდეოს გადაღებით 30 კადრი წამში. Pixel 9a-ს გააჩნია ფოტოგრაფიის ახალ ფუნქციები - მაკრო და ასტროფოტოგრაფია. 

 

Pixel 9a მუშაობს Android 15-ზე და აქვს Google-ის ყველა ახალი AI ფუნქციის მხარდაჭერა. Pixel-ის სხვა მოწყობილობების მსგავსად გააჩნია ოპერაციული სისტემის განახლების შვიდწლიანი უზრუნველყოფა და უსაფრთხოების განახლებები. 

 

Google-ის თანახმად Pixel 9a-ს 5100 მა/სთ ლითიუმ-იონური ბატარეა უზრუნველყოფს ბატარეის მუშაობის 30 საათზე მეტ ხანგრძლივობას. ახალ პროდუქტს აქვს ყველაზე დიდი მოცულობის ბატარეა ყველა პიქსელს შორის, რაც ოდესმე გამოსულა. მხარდაჭერილია 23-ვატიანი სწრაფი სადენიანი დამუხტვა და Qi უსადენო დატენვა. სმარტფონი ხელმისაწვდომია ოთხ ფერში: Obsidian (შავი), Porcelain (თეთრი), Peony (ვარდისფერი) და Iris (იისფერი). 

Google Pixel 9a სმარტფონის ფასი 499 აშშ დოლარიდან იწყება. მოწყობილობა გაყიდვაში აპრილში გამოვა. 

https://tinyurl.com/yv6atan7 

[Power_VANO]

პიქსელების პლიუსი უფრო ხანგრძლივი საფორთი და აფდეითებია, თორემ ბრენდის ფასნამატი რომ არის, როგორც ეფლის შემთხვევაში, რა თქმა უნდა.

[Magdalena]

Google-მა საბოლოოდ გადაწყვიტა, როდის დაიწყებს Pixel 9a-ს გაყიდვას 

თავდაპირველად მოსალოდნელი იყო, რომ სმარტფონი Google Pixel 9a მიმდინარე კვირაში გამოვიდოდა. თუმცა, Google-მა გადაიდო მიწოდების დაწყება და მიზეზად დაასახელა „კომპონენტის ხარისხის საკითხის გადამოწმების აუცილებლობა, რომელიც გავლენას ახდენს Pixel 9a-ს ერთეულების მცირე რაოდენობაზე“. მოგვიანებით კომპანიამ გამოაცხადა Pixel 9a-ის გამოშვების საბოლოო თარიღები სხვადასხვა ქვეყანაში - ეს მოხდება ეტაპობრივად, 10-დან 16 აპრილამდე პერიოდში. 

 

ფოტოს წყარო: Google 

Google-ის მიერ გამოქვეყნებული Pixel 9a-ის გამოშვების განრიგი ასეთია:  

• 10 აპრილს აშშ-ში, კანადასა და დიდ ბრიტანეთში. 

• 14 აპრილს გერმანიაში, ესპანეთში, იტალიაში, ირლანდიაში, საფრანგეთში, ნორვეგიაში, დანიაში, შვედეთში, ნიდერლანდებში, ბელგიაში, ავსტრიაში, პორტუგალიაში, შვეიცარიაში, პოლონეთში, ჩეხეთში, რუმინეთში, უნგრეთში, სლოვენიაში, სლოვაკეთში, ლიტვაში, ესტონეთში, ლატვიასა და ფინეთში. 

• 16 აპრილს ავსტრალიაში, ინდოეთში, სინგაპურში, ტაივანსა და მალაიზიაში. 

• "მალე იაპონიაში." 

Pixel 9a აგებულია Google-ის ახალ Tensor G4 ჩიპზე უსაფრთხოების თანაპროცესორ Titan M2-თან ერთად. სმარტფონს აქვს 8 გბ ოპერატიული და 128 გბ ან 256 გბ შიდა მეხსიერება. 

 

ფოტოს წყარო: 9to5google.com 

Pixel 9a-ს აქვს 6.3-დუიმიანი pOLED დისპლეი, გაფართოებით 2424 x 1080 პიქსელი და განახლების სიხშირით 120 ჰერცამდე. ეკრანის მაქსიმალური სიკაშკაშეა 1800 კდ/მ² HDR კონტენტის ჩვენებისას და მაქსიმალური სიკაშკაშე 2700 კდ/მ² - ფართობის 5%-ზე გაზომვისას. 

 

მთავარ 48-მეგაპიქსელიან კამერას აქვს ავტოფოკუსი,  ƒ/1.7 დიაფრაგმა და გამოსახულების ოპტიკური სტაბილიზაცია და შეუძლია 4K ვიდეოს გადაღება 60 კადრი წამში სიჩქარით. მასთან ერთად მოცემულია 13-მეგაპიქსელიანი ფართო კუთხის კამერა ƒ/2.2 დიაფრაგმით. ფრონტალური 13-მეგაპიქსელიანი კამერა შემოიფარგლება 4K ვიდეოს გადაღებით 30 კადრი წამში სიჩქარით. 

 

სმარტფონის დიზაინი Pixel 9 სერიის სხვა წარმომადგენლების მსგავსია. ეკრანი დაფარულია ბრტყელი კიდეების მქონე Corning Gorilla Glass 3-ით, რომლებიც ბრტყელ ალუმინის ჩარჩოში გადადის. სმარტფონი აკმაყოფილებს მტვრისა და წყლისგან დაცვის IP68 სტანდარტს. მოწყობილობა ხელმისაწვდომია ოთხ ფერში: Obsidian (შავი), Porcelain (თეთრი), Peony (ვარდისფერი) და Iris (იისფერი). 

 

Google Pixel 9a-ს საწყის ფასი 499 აშშ დოლარია. 

https://tinyurl.com/35cduwvb 

[Magdalena]

ცნობილი გახდა Google Pixel 10-ის ანონსის თარიღი, ასევე გამოჩნდა Pixel 10 Pro-ს პროტოტიპის ფოტოები 

ონლაინ წყაროების ცნობით Google ღონისძიებას მიუძღვნის 20 აგვისტოს Pixel 10 სმარტფონების გამოშვებას. გასულ წელს მსგავსი პრეზენტაცია 13 აგვისტოს გაიმართა. ასევე ვრცელდება ინფორმაცია, რომ კომპანია ახალი Pixel 10-ის შესაძენად წინასწარი შეკვეთების მიღებას პრეზენტაციის დღეს დაიწყებს, ხოლო მიწოდებები 28 აგვისტოს დაიწყება. 

 

ფოტოს წყარო: androidheadlines.com 

ამავდროულად, ჩინურ სოციალურ მედია პლატფორმა Coolapk-ზე Pixel 10 Pro სმარტფონის პროტოტიპის სურათები გამოჩნდა. შედეგად გამჟღავნდა მოწყობილობის კოდური სახელწოდება „Blazer“, ასევე ის ფაქტი, რომ ეს არის DVT1.0 (Design Verification Test) საინჟინრო პროტოტიპი. 

 

ფოტოს წყარო: Mystic Leaks / Telegram 

ასევე ცნობილი გახდა, რომ ახალი Google Tensor G5 მიკროპროცესორი აღჭურვილია ერთი მძლავრი Cortex-X4 ბირთვით, ხუთი მაღალი წარმადობის Cortex-A725 ბირთვით, რომლებიც დაყოფილია ორ კლასტერად (2 + 3), ასევე ორი ენერგოეფექტური Cortex-A520 ბირთვით. მიუხედავად იმისა, რომ ერთ-ერთ სურათზე მითითებულია 5-ნანომეტრიანი ტექნოპროცესის გამოყენების შესახებ, ადრე გავრცელდა ინფორმაცია, რომ Tensor G5 იწარმოება 3-ნმ ტექნოლოგიის გამოყენებით ტაივანურ კომპანია TSMC-ის ობიექტებში. 

სმარტფონს აქვს 16 გბ ოპერატიული და 256 გბ შიდა მეხსიერება. მყიდველებს, სავარაუდოდ, ასევე შეეძლებათ 512 გბ მეხსიერების მქონე ვერსიის შეძენაც. Pixel 10 სმარტფონები Android 16-ით იქნება წარმოდგენილი. 

 

წარმოდგენილი ფოტოები ასახავს უკანა პანელის სტანდარტულ დიზაინს სამი მთავარი კამერით. ადრე გავრცელდა ინფორმაცია, რომ სმარტფონი წარმოდგენილ იქნება 50-მეგაპიქსელიანი, 1/1.31-დუიმიანი Samsung GNV სენსორით, 48-მეგაპიქსელიანი ფართოკუთხოვანი მოდულით 1/2.55-დუიმიანი Sony IMX858 სენსორის ბაზაზე, ასევე ტელეფოტო გადაღების მოდულით. 

https://tinyurl.com/3pp6xu23 

 

[Magdalena]

Google Pixel 6a-ს ბატარეის სიმძლავრეს შეამცირებს გადახურებისა და აალების შესახებ ინფორმაციის გამო 

Google Pixel 6a სმარტფონებისთვის განახლების გამოშვებას გეგმავს, რომელიც ბატარეის სიმძლავრეს და დამუხტვის სიჩქარეს შეამცირებს. ეს გამოწვეულია გადახურების პოტენციური პრობლემით, რამაც შეიძლება მოწყობილობის აალება გამოიწვიოს. მომხმარებლებს ბატარეის შეცვლა 400 დატენვის ციკლის შემდეგ დასჭირდებათ. 

 

მომავალი განახლება გამოვლინდა Android 16 QPR1 Beta 2 კოდში, სადაც შესაბამისი სტრიქონები იქნა ნაპოვნი. როგორც 9to5Google აღნიშნავს, კრიტიკულ ნიშნულამდე, ანუ 375 ციკლის ნიშნულზე 25 ციკლის შემდეგ მოწყობილობა აჩვენებს გამაფრთხილებელ შეტყობინებას ბატარეის შეცვლის რეკომენდაციით. 

წელს კომპანიამ Pixel 4a-სთვის მსგავსი ზომები მიიღო. განახლების შემდეგ მოწყობილობის ბატარეის მუშაობის ხანგრძლივობა სულ რამდენიმე საათამდე შემცირდა. Google-მა მომხმარებლებს ბატარეის შეცვლა შესთავაზა, თუმცა პრობლემის მიზეზი ოფიციალურად არასოდეს დასახელებულა. როგორც ჩანს, ეს შემთხვევაც გადახურების რისკთან იყო დაკავშირებული. 

Pixel 6a-ს გადახურებისა და აალების შესახებ ცნობები ჯერ იშვიათია, თუმცა - არა ერთჯერადი. მაისის დასაწყისში ერთმა მომხმარებელმა განაცხადა, რომ მის მოწყობილობას ღამით ცეცხლი გაუჩნდა გარე მხარის ადაპტერით დამუხტვისას. Pixel 6a-ს კიდევ ერთმა მფლობელმა მსგავსი ინციდენტის შესახებ ივნისის დასაწყისში განაცხადა. Reddit-ზე ასევე არის რამდენიმე მსგავსი ინფორმაცია, მათ შორის ერთი მომხმარებლისგან, რომელმაც Android Authority-ს გაუგზავნა თავისი დამწვარი სმარტფონის ფოტოები. საბოლოოდ, Google-მა მისი მოწყობილობა ჩაანაცვლა. 

 

ფოტოს წყარო:  Android Authority 

Google-ს ჯერ არ დაუდასტურებია როდის გამოვა განახლება ( სტატიის დაწერის მომენტისთვის) ან რა მხარდაჭერის ვარიანტები იქნება ხელმისაწვდომი Pixel 6a-ს მფლობელებისთვის. ასევე გაურკვეველია, გამოვა თუ არა განახლება QPR1-ის გამოშვებასთან ერთად, რომელიც მომდევნო თვეებშია მოსალოდნელი, თუ ცვლილებები უფრო ადრე განხორციელდება. 

https://tinyurl.com/5n6akpb 

[Magdalena]

Google Pixel 10 Pro-ს და Pixel 10 Pro XL-ის მახასიათებლები სრულად გახდა ცნობილი ანონსამდე დიდი ხნით ადრე  

Google Pixel 10-ის საბაზისო მახასიათებლების გამჟღავნებიდან რამდენიმე დღეში პორტალ Android Headlines-მა გააზიარა მაღალი კლასის Google Pixel 10 Pro-სა და Pixel 10 Pro XL-ის მახასიათებლები. ძირითადად, ორივე Pro მოდელი ძალიან მცირედით შეიცვალა გასული წლის Google Pixel 9 Pro ხაზთან შედარებით. 

 

ფოტოს წყარო: Android Headlines 

Google Pixel 10 Pro და Pixel 10 Pro XL წარმოდგენილი იქნება შესაბამისად 6.3- და 6.8-დუიმიანი დიაგონალის მქონე დისპლეებით. ეკრანები დაფუძნებულია LTPO OLED მატრიცებზე, აქვთ 120 ჰერცამდე კადრის განახლების სიხშირე და 3000 კდ/მ²-მდე მაქსიმალური სიკაშკაშე. დისპლეის გაფართოება შესაბამისად 2856 × 1280 და 2992 × 1344 პიქსელია. ორივე მოდელში გამოყენებულია დამცავი საფარი Gorilla Glass Victus 2. 

სმარტფონები აღჭურვილია Google-ის საფირმო Tensor G5 პროცესორებით და 16 გბ ოპერატიული მეხსიერებით. ინტეგრირებული მეხსიერების რაოდენობა მოდელის მიხედვით განსხვავდება. Pixel 10 Pro-ს ექნება 128, 256, 512 გბ და 1 ტბ მუდმივი მეხსიერების მქონე ვერსიები. თუმცა, როგორც Pixel 9 Pro-ს შემთხვევაში, 1 ტბ მოდიფიკაცია, სავარაუდოდ, მხოლოდ გარკვეულ ფერებში იქნება ხელმისაწვდომი. თავის მხრივ, Pixel 10 Pro XL-ს არ ექნება 128 გბ მეხსიერების მქონე ვერსია. 

კამერის ნაკრებიც პრაქტიკულად უცვლელი დარჩა. სმარტფონები წარმოდგენილი იქნება 50-მეგაპიქსელიანი მთავარი მოდულით, ფართოკუთხის გადაღებისთვის განკუთვნილი 48-მეგაპიქსელიანი სენსორით და ხუთმაგი ოპტიკური ზუმის მქონე 48-მეგაპიქსელიანი ტელეობიექტივით. წინა პანელზე კვლავ 42-მეგაპიქსელიანი კამერა იქნება განთავსებული. ფართოკუთხოვან და ტელეფოტობიექტივებს აქვთ მაკრო ფოტოგრაფიის მხარდაჭერა. ტელეობიექტივი უფრო დიდი დიაფრაგმის გამო უკეთეს ხარისხს უზრუნველყოფს, მაგრამ ფართოკუთხოვანი კამერის მსგავსად ახლოს ფოკუსირებას ვერ ახერხებს. მაკრო ფოტოგრაფიისთვის მინიმალური მანძილი ტელეობიექტივისთვის დაახლოებით 10 სმ-ია, ხოლო ფართოკუთხოვანი ლინზისთვის - დაახლოებით 2 სმ. 

Pixel 10 Pro-ს ექნება 4870 მა/სთ მოცულობის ბატარეა, რაც გასაკვირია, რადგან სტანდარტულ Pixel 10-თან შედარებით 100 მა/სთ-ით ნაკლებია. ეს ფაქტი, სავარაუდოდ, Pixel 9 Pro-სთან შედარებით უფრო დიდი გაგრილების სისტემის გამოყენებით არის განპირობებული. 

Pixel 10 Pro XL-ს სერიაში ყველაზე დიდი, 5200 მა/სთ მოცულობის ბატარეა ექნება. Pixel 10 Pro და Pixel 10 Pro XL წარმოდგენილი იქნება უფრო ეფექტური, 29- და 39-ვატიანი დამტენებით, შესაბამისად. ორივე მოწყობილობას გააჩნია 15 ვატამდე უსადენო დამუხტვის მხარდაჭერა Qi2 ტექნოლოგიის წყალობით. Android Headlines-ის თანახმად Google Pixel 10 სერიის გამოშვება 28 აგვისტოს არის მოსალოდნელი, ხოლო მოწყობილობების ოფიციალური ანონსი 20 აგვისტოს იგეგმება. 

https://tinyurl.com/yknbsdbw 

[Magdalena]

Google-მა Pixel 10 სერიის სმარტფონებისა და სხვა ახალი პროდუქტების ანონსის თარიღი გამოაცხადა 

Google-მა პრესისთვის მოსაწვევების გაგზავნა დაიწყო ღონისძიებისთვის, სადაც, სავარაუდოდ, ახალი Pixel 10 სმარტფონების, სმარტ საათების, უსადენო ყურსასმენების და სხვა ახალი პროდუქტების წარდგენა მოხდება. პრეზენტაცია 20 აგვისტოს გაიმართება. 

 

ფოტოს წყარო: OnLeaks / Android Headlines 

პრეზენტაციის დროს მოსალოდნელია Pixel 10 სმარტფონის საბაზისო ვერსიის დაანონსება, რომელსაც არაოფიციალური ცნობების თანახმად ორის ნაცვლად სამი მთავარი კამერა ექნება. გარდა ამისა, მოსალოდნელია Pixel 10 Pro-სა და Pixel 10 Pro XL-ის დაანონსება. კომპანიამ შესაძლოა ასევე წარმოადგინოს მტვრისგან სრულად დაცული დასაკეცი Pixel 10 Pro Fold. 

ასევე მოსალოდნელია Pixel Watch 4-ის ანონსი, რომელსაც წინამორბედთან შედარებით უფრო დიდი ბატარეა და სქელი პროფილი ექნება. Google-მა შესაძლოა ასევე უსადენო ყურსასმენები წარმოადგინოს, თუმცა მის შესახებ ინფორმაცია მცირეა. ზოგიერთი ცნობით, ეს შეიძლება იყოს დაბალბიუჯეტური Pixel Buds 2a. დიდი ალბათობით, ახალი მოწყობილობების პრეზენტაცია Google-ის YouTube არხზე გადაიცემა. 

https://tinyurl.com/5n6dyvj8 

[Magdalena]

Google-მა წარმოადგინა Pixel 10  სერიის სმარტფონების ფოტოები - სამი კამერა ყველა მათგანს ექნება 

მარკეტ Google Play-ში გამოჩნდა ახალი მე-10 სერიის ყველა Pixel სმარტფონის სურათი: Pixel 10, Pixel 10 Pro, Pixel 10 Pro XL და Pixel 10 Pro Fold. ზოგიერთი მომხმარებლისთვის სარეკლამო ბანერი პირდაპირ Play Market-ში, აპლიკაციების განყოფილებაში გამოჩნდა, რაზეც ყურადღება Android Authority-მ გაამახვილა. ახალი მოწყობილობების ოფიციალური გამოშვება 20 აგვისტოსთვისაა დაგეგმილი. 

 

რეკლამას თან ახლავს დიდი სათაური წარწერით „გაიცანით ახალი Pixel 10 სერია“, რომლის ქვემოთ მოცემულია 50 აშშ დოლარიანი ფასდაკლების შეთავაზება, თუ შეკვეთას 13 ოქტომბრამდე განათავსებთ. 

 

როგორც რენდერებიდან ხედავთ, Pixel 10 (ერთადერთი, რომელიც არ არის „Pro“) კაშკაშა ლურჯ ფერშია გადაწყვეტილი. სავარაუდოდ, ეს სერიაში ყველაზე შესამჩნევი და თვალისმომჭრელი მოდელი იქნება. ყველა Pro მოდელი უფრო ნეიტრალურ ვერცხლისფერ-ნაცრისფერ ფერებშია გადაწყვეტილი. რა თქმა უნდა, წარმოდგენილი იქნება დიზაინის სხვა ვარიანტებიც. სურათი ასევე ადასტურებს ხმებს, რომ ახალი სერიის ყველა სმარტფონს სამი უკანა კამერა ექნება, მათ შორის საბაზისო Pixel 10-საც - ამჟამინდელ Pixel 9-ს მხოლოდ ორი კამერა აქვს. 

20 აგვისტოს დაგეგმილია ღონისძიება Made by Google, სადაც Pixel 10 სერიის ოფიციალური წარდგენაა მოსალოდნელი. ასევე მოსალოდნელია Pixel Watch 4-ისა და Pixel Buds-ის ანონსი. მათი ოფიციალური ფოტოები ინტერნეტში ჯერ არ გამოჩენილა. 

https://tinyurl.com/wv4k6s78 

 

[Magdalena]

Google Pixel 10-ს ექნება ხელოვნური ინტელექტის მრჩეველი ფოტოგადაღებისთვის და ფოტორედაქტირების ხმოვანი ფუნქცია 

Google Pixel 10 სერიის სმარტფონების 20 აგვისტოსთვის დაანონსებამდე ინტერნეტში ახალი პროდუქტების შესახებ ახალი დეტალები გამოჩნდა. Android Headlines-ის ცნობით სმარტფონებს ექნება ფოტო რედაქტირების ფუნქცია Conversational Photo Editing ხმოვანი ბრძანებების გამოყენებით ფოტოების რედაქტირებისთვის, ასევე ხელოვნურ ინტელექტზე დაფუძნებული ფუნქცია Camera Coach - ფოტოგადაღების რეკომენდაციებისთვის. 

 

ფოტოს წყარო: Google 

Google-ის Gemini AI მოდელის საშუალებით მომხმარებლებს შეეძლებათ ფოტოების რედაქტირება, მაგალითად სურათის ფონის ან სიკაშკაშის შეცვლა ან ობიექტების წაშლა ხმოვანი ან ტექსტური მითითებების გამოყენებით. ეს გაამარტივებს ფოტოების რედაქტირების პროცესს, რაც მომხმარებლებს საშუალებას მისცემს მიიღონ მაღალი ხარისხის ფოტოები ამ სფეროში რაიმე უნარების გარეშეც. 

მოსალოდნელია, რომ ფუნქცია Camera Coach „აღიქვამს“ სცენას და მომხმარებელს Google Gemini AI-ის გამოყენებით უკეთესი ფოტოს გადასაღებად რეკომენდაციებს შესთავაზებს, როგორიცაა კუთხის რეგულირება უკეთესი კადრირებისთვის, განათების რეგულირება და სხვა. 

ხმოვანი მართვის ფუნქცია თავდაპირველად Google Pixel 10 სერიაში იქნება ხელმისაწვდომი, თუმცა საბოლოოდ, Pixel Feature Drop პროგრამის ფარგლებში, შესაძლოა, ის ძველ Pixel ტელეფონებზეც გავრცელდეს. Pixel 10-ის, Pixel 10 Pro-სა და Pixel 10 Pro XL-ის წინასწარი შეკვეთები 20 აგვისტოს, ანონსის დღეს დაიწყება, ხოლო მიწოდება - 28 აგვისტოს. ცოტა ხნის წინ გაირკვა, რომ Pixel 10 Pro Fold ხელმისაწვდომი მოგვიანებით, ოქტომბრის ბოლოს გახდება. 

https://tinyurl.com/ms8zmyxp