Microsoft-მა დააანონსა Copilot for Gaming - პირადი კიბერსპორტ მწვრთნელი ნებისმიერისთვის

[Magdalena]

Microsoft ემზადება გამოუშვას ხელოვნური ინტელექტის მქონე Copilot for Gaming, რომელიც ასისტენტის როლს შეასრულებს თამაშების ჩატვირთვისა და გაშვებისას და ასევე უხელმძღვანელებს გეიმერებს თამაშის დროს. პირველ ეტაპზე AI-მწვრთნელი ხელმისაწვდომი იქნება Xbox-ის მობილური აპლიკაციის საშუალებით და იმოქმედებს, როგორც კომპანიონი ან ასისტენტი, რომელიც ცალკე ეკრანზე გამოჩნდება. 

 

ფოტოს წყარო: Microsoft 

Microsoft წარმოდგვიდგენს Copilot for Gaming-ს, როგორც ერთგვარ ასისტენტს, რომელიც თან ახლავს მოთამაშეებს, სთავაზობს რჩევებს თამაშის შესახებ, ასევე სასარგებლო ინფორმაციას გეიმინგ სამყაროს შესახებ. პრესკონფერენციაზე Microsoft-ის პროდუქტების მენეჯერმა გეიმინგ ხელოვნური ინტელექტის სფეროში, Sonali Yadav-მა მოახდინა Copilot for Gaming-ის გამოყენების რამდენიმე სცენარის დემონსტრირება. 

ერთ-ერთ მათგანზე ჩანდა, თუ როგორ ეხმარება Copilot Overwatch 2-ის მოთამაშეს იმ შეცდომების ანალიზით, რომლებიც მან დაუშვა თანაგუნდელების გარეშე წინსვლისას. Overwatch 2-ში AI მწვრთნელი მზადაა დაეხმაროს მოთამაშეს აირჩიოს გმირი, რომელიც საუკეთესოდ ავსებს გუნდს. Copilot-მა იცის პერსონაჟების ძლიერი და სუსტი მხარეები და შეუძლია მომხმარებელს ურჩიოს იდეალური უნარების მქონე წყვილები. 

Minecraft-ში, Copilot მოთამაშეებს კონსულტაციას უწევს ნივთების და მათთვის საჭირო ინგრედიენტების დამზადების პროცესში. Copilot კითხულობს ინფორმაციას მოთამაშის ეკრანიდან, რათა მოთამაშეს მიაწოდოს საჭირო მინიშნებები რეალურ დროში. გარდა ამისა, Copilot-მა დაამტკიცა, რომ იყო გამოცდილი თაღლითი, ე.წ ჩითერი და გეიმერებს მინიშნებებს აძლევდა, სად ეპოვათ საჭირო მასალები კრაფტისთვის. 

Copilot for Gaming-ის ასეთი ფუნქციები არ იქნება ხელმისაწვდომი მისი თავდაპირველი გაშვებისთანავე მომავალ თვეში. აპრილში Microsoft გეგმავს Copilot-ის ადრეული ვერსიების გამოცდას Xbox Insiders-ით Xbox-ის მობილური აპლიკაციის საშუალებით. 

 

ექსპერტებს უჭირთ შეაფასონ Copilot for Gaming პროექტის რეალისტურობა, რადგან ჯერ კიდევ ძნელია იმის გაგება, თუ რას მიაწვდის კომპანია ტესტერებს აპრილში. როგორც ჩანს, Microsoft-ს სურს ხელოვნური ინტელექტის დანერგვა ადამიანის ცხოვრების ყველა სფეროში - კოსმოსიდან და მოწინავე ტექნოლოგიებიდან დაწყებული - ოჯახის ფსიქოლოგიით და ბავშვებზე ზრუნვით დამთავრებული. 

https://tinyurl.com/yz8xmuk4