Aptera Motors-მა წარადგინა მზის ელემენტებზე მომუშავე ელექტრომობილის სერიული ვერსია

[Magdalena]

კალიფორნიულმა კომპანია Aptera Motors-მა CES 2025-ზე წარმოადგინა მზის ენერგიაზე მომუშავე ელექტრომობილის (sEV) მზა ვერსია. როგორც ამბობენ, ელექტრომობილს აქვს 643 კმ-ის გავლის მარაგი ერთი დამუხტვით და შეუძლია დღეში 64 კმ-მდე მანძილზე გადაადგილება მზის ენერგიით. 

 

მომხმარებლებს, რომლებიც ცხოვრობენ სამხრეთის ქვეყნებში, სადაც ბევრი მზიანი დღეა, შეუძლიათ წელიწადში 10 ათას მილზე მეტი (16.100 კმ) იმგზავრონ მზის ენერგიით, რაც ამცირებს მათ დამოკიდებულებას ქსელიდან დამუხტვაზე. 

 

 

ელექტრომობილის მზის ბატარეა შედგება ოთხი პანელისგან, რომლებიც განლაგებულია კაპოტზე, ინსტრუმენტების პანელზე, სახურავსა და ლუქზე, ასევე ძარის გვერდებზე. მანქანა მსუბუქი წონისაა ნახშირბადის ბოჭკოვანი ფურცლისგან ჩამოსხმული ნაერთის (CF-SMC) გამოყენების წყალობით. ელექტრომობილის დამზადებას ტრადიციულ მანქანებში გამოყენებული ნაწილების მეათედზე ნაკლები სჭირდება, აღნიშნა Aptera Motors-მა. 

 

CES 2025-ზე კომპანიამ ხელი მოაწერა პარტნიორობის ხელშეკრულებას LG Energy Solution-თან, რომელიც მას მიაწოდებს ბატარეის უჯრედებს მზის ელექტრომობილებისთვის, ასევე CTNS-თან, რომელიც აწარმოებს ბატარეის მოდულებს საკუთარი პროექტის მიხედვით. 

 

Aptera აცხადებს, რომ უკვე მიღებული აქვს ელექტრომობილის დაახლოებით 50 ათასი წინასწარი შეკვეთა, რომლის ღირებულება 1.7 მლრდ აშშ დოლარზე მეტია, ასევე ცნობილია, რომ Aptera Motors-მა 135 მლნ აშშ დოლარი შეაგროვა crowdfunding პლატფორმის საშუალებით. თუმცა, არ არსებობს ინფორმაცია იმის შესახებ, თუ როდის გახდება შესაძლებელი მისი ელექტრომობილების ხილვა ქუჩებში ან სადილერო ცენტრებში, აღნიშნა რესურს autoevolution.com-მა. 

https://tinyurl.com/4ucd8knb