რობოტები საწარმოებს იკავებენ: სამხრეთ კორეის სამუშაო ძალის 10%-ზე მეტს ახლა მანქანები შეადგენს

[Magdalena]

რობოტექნიკის საერთაშორისო ფედერაციამ (IFR) გამოაქვეყნა კვლევა, რომელიც აჩვენებს, რომ ქარხნებში რობოტების გამოყენების მასშტაბი მთელ მსოფლიოში გაორმაგდა ბოლო შვიდი წლის განმავლობაში. სამხრეთ კორეა ლიდერობს იმ ქვეყნების სიაში, სადაც წარმოებაში რობოტების ყველაზე მაღალი სიმჭიდროვეა, ხოლო ჩინეთმა ამ მაჩვენებლით გერმანიასა და იაპონიას გაუსწრო 2023 წელს. 

 

ფოტოს წყარო: Tesla 

ანგარიშში ნათქვამია, რომ სამხრეთ კორეა ინდუსტრიული რობოტების ყველაზე დიდი მომხმარებელია (1012 რობოტი მოდის 10000 ადამიან თანამშრომელზე) და ეს მაჩვენებელი 2018 წლიდან ყოველწლიურად 5%-ით გაიზარდა. შემდეგი მოდის სინგაპური, სადაც 10000 თანამშრომელზე 770 რობოტია. პირველ სამეულს ჩინეთი ხურავს, 10 ათას თანამშრომელზე 470 რობოტით. 

IFR-ის ხელმძღვანელ Takayuki Ito-ს თქმით, რობოტების სიმჭიდროვე ასახავს ავტომატიზაციის მასშტაბებს გლობალურ წარმოებაში. ”ჩინეთის მასიურმა ინვესტიციებმა ავტომატიზაციის ტექნოლოგიაში მისცა მას რობოტების ასეთი მაღალი სიმჭიდროვის მიღწევის საშუალება, მიუხედავად უზარმაზარი საწარმოო მუშახელისა, რაც დაახლოებით 37 მილიონი ადამიანისგან შედგება”, - განაცხადა მან და ასევე დაამატა, რომ რობოტების სიხშირის ინდიკატორი მნიშვნელოვანი მახასიათებელია, რომელიც საშუალებას გვაძლევს შევადაროთ წარმოების ავტომატიზაციის დონეები სხვადასხვა ქვეყანაში. 

გერმანიამ და იაპონიამ, სადაც 10000 თანამშრომელზე 439 და 419 რობოტი მოდის, შესაბამისად, IFR-ის რეიტინგში მეოთხე და მეხუთე ადგილი დაიკავეს. აშშ-ში 10000 თანამშრომელზე 295 რობოტია და იგი IFR-ის სიაში მეათეა. მსოფლიოში რობოტების საშუალო სიმჭიდროვე 2023 წელს 162-მდე გაიზარდა, რაც ორჯერ მეტია შვიდი წლის წინანდელთან შედარებით, როდესაც 10000 თანამშრომელზე 74 რობოტი მოდიოდა. 

https://tinyurl.com/mrx3mbxu