TSMC ორ წელიწადში დაიწყებს 1.6-ნმ ჩიპების წარმოებას

[Magdalena]

TSMC-ის გეგმები მომდევნო ორი წლის განმავლობაში ძირითადად უცვლელი რჩება - 2025 წლის ბოლოსთვის კომპანია ემზადება ჩიპების მასობრივი წარმოების დასაწყებად 2-ნანომეტრიანი ტექნოლოგიის გამოყენებით, ხოლო 2026 წლის ბოლოს მზად იქნება A16 ტექნოლოგია (1.6-ნმ კლასი) - განაცხადა მწარმოებელმა კონფერენცია Open Innovation Platform (OIP) 2024-ზე ამსტერდამში. 

 

ფოტოს წყარო: TSMC 
TSMC-მა ღონისძიებაზე წარადგინა სამოქმედო რუკა, რომელიც ნათლად აჩვენებს მის გეგმებს ახალი გადაწყვეტილებების დანერგვის შესახებ. N2 ტექნოლოგიის დანერგვა 2025 წლის ბოლოს იგეგმება - ის პირველი იქნება 2-ნანომეტრიანი ტექნოლოგიი კლასში; ერთი წლის შემდეგ მას მოჰყვება გაუმჯობესებული ვერსიები N2P და N2X, რის შემდეგაც გამოვა A16. ბოლო სამი ტექნოლოგიის გამოჩენა მოსალოდნელია 2026 წლის ბოლომდე, აკონკრეტებენ კომპანიაში. სხვა დეტალები არ არის მოწოდებული, რადგან საკონტრაქტო მწარმოებელს არ შეუძლია წინასწარ დააანონსოს თავისი უმსხვილესი მომხმარებლებისთვის განკუთვნილი პროდუქტები. 

ტექნიკურად, N2, N2P, N2X და A16 ტექნოლოგიებს ბევრი რამ აქვთ საერთო - ყველა მათგანი დაფუძნებულია gate-all-around (GAA) ტრანზისტორებზე. N2 სერია იყენებს სუპერ-მაღალი წარმადობის “ლითონი-იზოლატორი-ლითონი” კონდენსატორებს  (Super-High-Performance Metal-Insulator-Metal, SHPMIM),  ტრანზისტორის წინააღმდეგობის შესამცირებლად და ამით წარმადობის გასაზრდელად. ხოლო A16-ში ელექტროენერგიის მიწოდება ხდება უკანა მხრიდან (Backside Power Delivery Network, BSPDN), რაც უზრუნველყოფს კიდევ უფრო მაღალ წარმადობას. თუმცა ამ უკანასკნელ გამოსავალს ასევე აქვს ნაკლი - დამატებითი სითბოს გამომუშავება, რომელიც გასათვალისწინებელია. 

ამრიგად, A16 ტექნოლოგიაზე დაფუძნებული ჩიპები BSPDN-ით ყველაზე შესაფერისია ხელოვნური ინტელექტის ამაჩქარებლებისთვის, რომლებიც გამოყენებული იქნება მონაცემთა ცენტრებში. N2P უზრუნველყოფს წარმადობის გაუმჯობესებას N2-ის ბაზაზე დამატებითი სირთულის გარეშე - ტექნოლოგია, რომელიც საუკეთესოა მობილური პროცესორების და საბაზისო დონის კომპიუტერის ჩიპებისთვის. დაბოლოს, N2X ნიშნავს გაზრდილ წარმადობას და მაღალ ძაბვას - ეს გამოსავალი ოპტიმალურია მაღალი წარმადობის ცენტრალური პროცესორებისთვის. 

https://tinyurl.com/yyw47pzx