Bitcoin-ის white paper-ის გამოქვეყნებიდან 16 წელი გავიდა

[Magdalena]

 

2008 წლის 31 ოქტომბერს სატოში ნაკამოტომ გამოაქვეყნა Bitcoin-ის white paper. მასში აღწერილი იყო, თუ როგორ მუშაობდა ერთრანგიანი გადახდის სისტემა, რომელიც რევოლუციას მოახდენდა ფინანსური ტექნოლოგიების სამყაროში. 

ჯერჯერობით უცნობია ვინ იმალება პირველი კრიპტოვალუტის შემქმნელის ფსევდონიმის უკან და არის ეს ერთი ადამიანი თუ ადამიანთა ჯგუფი. 

ოქტომბერში HBO-ს დოკუმენტურმა ფილმმა Money Electric: The Bitcoin Mystery – Bitcoin-ის შემქმნელად პიტერ ტოდი დაასახელა. პროგრამისტმა უარყო ეს. მოგვიანებით მან თქვა, რომ იძულებული გახდა მიმალულიყო უსაფრთხოების დაცვის მიზნით. 

white paper-ის წინასიტყვაობაში ნათქვამია: 

„ელექტრონული ფულის სრულად peer-to-peer ვერსია შესაძლებელს გახდის ონლაინ გადახდები გაიგზავნოს პირდაპირ ერთი მხარიდან მეორესთან ფინანსური ინსტიტუტების გვერდის ავლით. ციფრული ხელმოწერები უზრუნველყოფს გადაწყვეტილების ნაწილს, მაგრამ მთავარი სარგებელი უარყოფილია, თუ სანდო მესამე მხარე კვლავ საჭიროებს ორმაგ ხარჯვას. ჩვენ გთავაზობთ ამ პრობლემის გადაწყვეტას ერთრანგიანი ქსელის საფუძველზე. ის ასახავს ტრანზაქციებს დროის ნიშანს, აკავშირებს მათ ჰეშზე დაფუძნებული მუშაობის დამადასტურებელ ჯაჭვში.” 

Bitcoin-ის ქსელის გაშვება მოხდა 2009 წლის იანვარში. ორი წლის შემდეგ სატოში ნაკამოტო გაუჩინარდა და საზოგადოებამ ვერ გაარკვია, ვინ დაწერა დოკუმენტი, რომელიც საფუძვლად უდევს მრავალმილიარდდოლარიან ინდუსტრიას. 

16 წლის განმავლობაში პირველმა კრიპტოვალუტამ დიდი გზა გაიარა და ძლიერ ფინანსურ ინსტრუმენტად იქცა. მასში ინვესტირებას აკეთებენ საჯარო კომპანიები და სახელმწიფოები და მას მხარს უჭერენ მსოფლიოს წამყვანი პოლიტიკოსები. 

10 იანვარს აშშ-ის ფასიანი ქაღალდებისა და ბირჟების კომისიამ დაამტკიცა სპოტ ETF-ების გაშვება პირველი კრიპტოვალუტის საფუძველზე. მას შემდეგ ფონდებმა მიიღეს 70 მლრდ აშშ დოლარზე მეტი, 30 ოქტომბერს დაფიქსრდა ვაჭრობის დაწების მომენტიდან ყველაზე დიდი შემოდინება სავაჭრო ინსტრუმენტში - 893.21 მლნ აშშ დოლარი. 

 

Bitcoin სპოტ ETF-ებში თანხების შემოდინების გრაფიკი. წყარო: SosoValue. 

წერის მომენტისთვის მოპოვებულია ციფრული ოქროს მთლიანი მარაგის 97.14%, რაც შემოიფარგლება 21 მილიონი BTC-ით. 

https://tinyurl.com/f55tr5py