OpenAI უშვებს დიდი ხნის სასურველ ფუნქციას - ChatGPT-ის ხმოვან ასისტენტს

[Magdalena]

OpenAI-მ დაიწყო გაფართოებული ხმოვანი რეჟიმის ფუნქციის გავრცელება ChatGPT Plus აბონენტებისა და ChatGPT Team-ის ბიზნეს-მომხმარებლებისთვის. Enterprise და Edu გეგმის მომხმარებლები ამ ფუნქციაზე წვდომას მომავალი კვირიდან მიიღებენ, აცხადებს Bloomberg. 

 

ფოტოს წყარო: Andrew Neel/Unsplash 

ფუნქცია, რომელსაც შეუძლია უპასუხოს მომხმარებლების წერილობით და ვიზუალურ მინიშნებებს ხმის გამოყენებით, პირველად მაისში იქნა წარმოდგენილი. თუმცა, კომპანიამ გადაწყვიტა გადაედო მისი გაშვება რამდენიმე თვით, რადგან გამოიკვეთა უსაფრთხოების ზოგიერთი პოტენციური პრობლემა. თუმცა, ივლისში ფუნქცია ხელმისაწვდომი გახდა ChatGPT Plus-ის შეზღუდული რაოდენობის მომხმარებლებისთვის. 

OpenAI-მ განაცხადა, რომ დაამატებს კიდევ ხუთ განსხვავებულ ხმას ახალი ფუნქციის გაფართოებული გავრცელების ნაწილის სახით, რაც ჯამში ცხრას მიაღწევს. ამავდროულად, ხმოვანი ასისტენტი ვერ შეძლებს სხვა ადამიანების მეტყველების მიბაძვას და, შესაბამისად, სიყალბის შექმნას. ასევე უსაფრთხოების მიზნით დაემატა ფილტრები, რომელიც გარანტიას იძლევა, რომ ალგორითმი შეძლებს ამოიცნოს და უარყოს ზოგიერთი მოთხოვნა მუსიკის ან საავტორო უფლებებით დაცული აუდიოს შექმნის შესახებ. 

Bloomberg აღნიშნავს, რომ ChatGPT-ის ხმოვან ასისტენტს, სამწუხაროდ, არ ექნება უამრავი ფუნქცია მათ შორის, რომლებიც OpenAI-მ თავდაპირველად გამოაცხადა. კერძოდ, ამ დროისთვის არ არსებობს წინასწარ გამოცხადებული კომპიუტერული ხედვის ფუნქცია, რომელიც მომხმარებელს საშუალებას აძლევს გამოიყენოს სმარტფონის კამერა ჩატ-ბოტთან ურთიერთობისთვის. 

https://tinyurl.com/4c44hckw