OpenAI-ის ფასიანი გამომწერების რაოდენობამ 1 მილიონს გადააჭარბა

[Magdalena]

 

AI-კომპანია OpenAI-მ გამოაცხადა, რომ გადააჭარბა 1 მილიონ მომხმარებელს, რომლებმაც შეიძინეს ფასიანი გამოწერა ChatGPT-ის კორპორატიულ ვერსიებზე, წერს Bloomberg. 

რიცხვი ასახავს Team-ის, Enterprise-ის და Edu სერვისების გამოსაყენებლად რეგისტრირებული ადამიანების საერთო რაოდენობას. 

მომხმარებელთა ნახევარზე ოდნავ ნაკლები, ვინც იყიდა გამოწერა, შეერთებულ შტატებში იმყოფება. შტატებს გარეთ ჩატ-ბოტი ყველაზე პოპულარულია გერმანიის, იაპონიის და დიდი ბრიტანეთის ბიზნეს გარემოში. 

2023 წლის აგვისტოში OpenAI-მ გამოუშვა ChatGPT Enterprise დამატებითი ფუნქციებითა და კონფიდენციალურობის გარანტიებით. 2024 წლის იანვარში სტარტაპმა გამოუშვა ChatGPT Team მცირე კომპანიებისთვის, ხოლო აპრილში ChatGPT Edu - უნივერსიტეტების სტუდენტებისთვის. 

იმავდროულად, The Information წყაროებზე დაყრდნობით წერს, რომ OpenAI-ის აღმასრულებლები განიხილავენ ძვირადღირებული ხელმოწერების შემოღების შესაძლებლობას, რომლის ფასმაც შეიძლება თვეში 2000 აშშ დოლარს მიაღწიოს. მათი გამოჩენა სამომავლო Strawberry ან Orion მოდელებში იგეგმება. 

ფასის ზრდა გამოწვეულია ხელოვნური ინტელექტის მომსახურების და ახალი, უფრო მოწინავე ნეიროქსელების მომზადების მაღალი ხარჯებით.  

მედიის შეფასებით OpenAI-ის პოტენციური ზარალი 2024 წელს იქნება 5 მლრდ აშშ დოლარი, სემ ოლტმენის სტარტაპი გეგმავს დახარჯოს დაახლოებით 7 მლრდ აშშ დოლარი ხელოვნური ინტელექტის მუშაობის მხარდაჭერისთვის, ხოლო კიდევ 1.5 მილიარდი დოლარი დაიხარჯება პერსონალზე. 

შეგახსენებთ, რომ აგვისტოში ცნობილი გახდა OpenAI-ის მოლაპარაკებების შესახებ ახალი ინვესტიციების მოზიდვის შესახებ, რომელიც შეფასებით 100 მლრდ აშშ დოლარზე მეტია. 

https://tinyurl.com/tfbr7cxa