iPhone 16-ის პროცესორში Armv9 არქიტექტურა იქნება გამოყენებული

[Magdalena]

Financial Times-ის ინფორმაციით iPhone 16 სერიაში გამოყენებული A18 პროცესორი დამყარებული იქნება Armv9 არქიტექტურაზე, რომელიც პასუხისმგებელია გენერაციული ხელოვნური ინტელექტის ფუნქციების განხორციელებაზე. 

 

ფოტოს წყარო: Apple 

ბრიტანულ დეველოპერ Arm-ისთვის Apple-ის კიდევ ერთი ახალი არქიტექტურის პროცესორის გამოშვება ნიშნავს შემოსავლის შესამჩნევ ზრდას, ვინაიდან v9 არქიტექტურა გულისხმობს ორჯერ მეტ შემოსავალს v8 არქიტექტურასთან შედარებით. Apple არის Arm-ის მთავარი მომხმარებელი, მათ აქვთ გრძელვადიანი სალიცენზიო ხელშეკრულება და iPhone-იდან მიღებული შემოსავალი შეადგენს ამერიკული გიგანტის შემოსავლის დაახლოებით ნახევარს. 

Arm-ის მიერ 2021 წელს დანერგილი v9 არქიტექტურა უკვე გამოიყენება Apple M4 სერიის პროცესორებში, რომლებიც ამ ბრენდის კომპიუტერებსა და პლანშეტებშია წარმოდგენილი. iPhone 16 სმარტფონების სერიის პოპულარიზაციისას კომპანია ყურადღებას გაამახვილებს Apple Intelligence-ის ფუნქციების ერთობლიობაზე, რომლებიც დაკავშირებულია გენერაციულ ხელოვნურ ინტელექტთან. Apple-ის არსებული სმარტფონების ხაზიდან მხოლოდ iPhone 15 Pro-მა და iPhone 15 Pro Max-მა, რომლებიც აღჭურვილია Armv8 არქიტექტურის ყველაზე ძლიერი A17 Pro პროცესორით, მიიღეს ამ ფუნქციების მხარდაჭერა. პროგრამული უზრუნველყოფის სფეროში Apple Intelligence-ის მხარდაჭერას უზრუნველყოფს iOS 18.1 ოპერაციული სისტემის ბეტა-ვერსია, რომელიც ახლა ემზადება გამოსაშვებად. 

https://tinyurl.com/4dpper9k