Windows 11 24H2-მა მკვეთრად გაზარდა Ryzen 9000-ის წარმადობა არა მხოლოდ თამაშებში

[Magdalena]

ცოტა ხნის წინ ცნობილი გახდა Windows 11-ში მომხმარებლის უფლებების ხარვეზის შესახებ, რამაც შეიძლება შეამციროს არა მხოლოდ Zen 5 არქიტექტურის Ryzen 9000 პროცესორების, არამედ წინა Zen 3 და Zen 4 თაობების ჩიპების წარმადობა. AMD-მ პირობა დადო, რომ პრობლემა გამოსწორდებოდა Windows 11 24H2 განახლების გამოშვებით. YouTube არხ Hardware Unboxed-მა გამოცადა ახალი ჩიპები OS-ის ახალი ვერსიის სატესტო კონსტრუქციაში - AMD-ის სიტყვები დადასტურდა. 

 

ფოტოს წყარო: Overclock3D 

Hardware Unboxed-მა ჩაატარა Ryzen 7 7700X და Ryzen 7 9700X პროცესორების გეიმინგ ტესტები აქტუალური Windows 11 23H2-ის და Windows 11 24H2-ის წინასწარი ვერსიის გამოყენებით, რომელიც ხელმისაწვდომია Windows Insider პროგრამის წევრებისთვის. 40-ზე მეტ თამაშზე ტესტირების საფუძველზე Windows 11 24H2 გარემოში მუშაობისას საშუალო წარმადობის ზრდა იყო 10% Ryzen 7 7700X-ის და 11% - Ryzen 7 9700X-ის შემთხვევაში. წარმადობის მაქსიმალური ზრდა ზოგიერთ შემთხვევაში 36%-მდე იყო. 

 

შეგახსენებთ, AMD-მ ადრე გამოაცხადა, რომ Windows 11 24H2 უზრუნველყოფდა წარმადობის რამდენიმე პროცენტით გაზრდას Ryzen 9000 და უფრო ძველი პროცესორების შემთხვევაში. შედეგადა ახალი Ryzen 9000 შესაძლოა უფრო მომგებიანად გამოიყურებოდეს მე-14 თაობის Intel Core ჩიპების (Raptor Lake Refresh) ფონზე. 

ადრე AMD-მ ასევე განმარტა, რომ Windows-ში არსებული ხარვეზი ხელს უშლის გადასვლებიბს პროგნოზირების მოდულის სწორად გამოყენებას, რომელიც მის ბოლო თაობის ჩიპებს აქვთ. Ryzen 9000 პროცესორებს აქვთ გადასვლის პროგნოზირების უფრო დიდი შესაძლებლობები წინა თაობის ჩიპებთან შედარებით. სწორედ ამიტომ AMD აცხადებდა, რომ Zen 5 ჩიპები ყველაზე მგრძნობიარეა ამ პრობლემის მიმართ. თუმცა, როგორც Hardware Unboxed ტესტები აჩვენებს, Windows 11 24H2 განახლება აუმჯობესებს Zen 4 პროცესორების წარმადობასაც. 

https://tinyurl.com/497acwjw