ბირჟებზე Bitcoin-ის მარაგებმა ხუთწლიან მინიმუმს მიაღწია

[Magdalena]

 

 ანალიტიკურ სერვის CryptoQuant-ის მონაცემებით Bitcoin-ის მარაგები კრიპტოვალუტების ცენტრალიზებულ ბირჟებზე ამჟამად შეადგენს 2.76 მილიონ BTC-ს, რაც ბოლო ხუთი წლის განმავლობაში ყველაზე დაბალი მაჩვენებელია. 

როგორც წესი, წამყვანი კრიპტოვალუტის გაცვლითი ბალანსის ვარდნა განიხილება ზრდის სიგნალად, რომელიც მიუთითებს, რომ ინვესტორები მზად არიან შეინარჩუნონ აქტივი. თუმცა, ეს შემთხვევა წინა შემთხვევებისგან განსხვავდება, რადგან მარაგების კლება მოხდა გასულ კვირაში 600 მლნ აშშ დოლარის ღირებულების 10 ათასი BTC-ის მასიური გაყიდვის შემდეგ. 

მეორე მხრივ, გაყიდვის მიუხედავად, ბევრი ექსპერტი, განსაკუთრებით Glassnode-ის ანალიტიკოსები, დარწმუნებულნი არიან, რომ გამყიდველების მხრიდან ზეწოლამ გადაიარა და ინვესტორები დაუბრუნდნენ დაგროვების ფაზას. 

მიუხედავად რთული და არასტაბილური ბაზრის პირობებისა, Bitcoin-ის გრძელვადიანი მფლობელები რჩებიან საოცრად მტკიცედ თავიანთ რწმენაში და არსებობს მტკიცებულება, რომ აძლიერებენ დაგროვებით აქტივობას, აცხადებენ Glassnode-ის ექსპერტები. 

ამის ერთ-ერთი ნიშანია Bitcoin-ის დაგროვების ტენდენციის მაჩვენებელი (ATS), რომელიც აფიქსირებს ცვლილებებს ბაზარზე. ინდიკატორი ახლა ყველაზე მაღალ შესაძლო, 1.0 მაჩვენებელზეა, რადგან 374000-ზე მეტი Bitcoin გადავიდა გრძელვადიან მფლობელებში ბოლო სამი თვის განმავლობაში. 

Stablecoin-ების კოეფიციენტი, რომელიც ზომავს ცენტრალიზებულ კრიპტო ბირჟებზე  შენახული Bitcoin-ების რაოდენობას Stablecoin-ებთან შედარებით, მცირდება 2024 წლის ივლისიდან და ახლა შეადგენს 0.000115-ს. 

თუმცა, ექსპერტებს ჯერ კიდევ აქვთ შეშფოთების საფუძველი, რომ გამყიდველების მხრიდან ზეწოლა შეიძლება მალე დაბრუნდეს, განსაკუთრებით BTC-ის ბოლო მოძრაობის გამო. კერძოდ, რამდენიმე დღის წინ ამოძრავდა 18 536 BTC, რომელიც დაახლოებით 2-3 წელი უმოქმედოდ იმყოფებოდა. 

https://tinyurl.com/588c8vyw