Microsoft ქმნის შერეული რეალობის ჰედსეტს Samsung-თან ერთად

[Magdalena]

Microsoft მუშაობს სამომხმარებლო შერეული რეალობის (MR) ჰედსეტზე, რომელიც ორიენტირებულია მედია კონტენტსა და გეიმინგთან ინტერაქციაზე. ამ პროექტის ფარგლებში პროგრამული გიგანტი თანამშრომლობს Samsung Display-სთან, რომელიც შეიმუშავებს და მიაწვდის OLEDoS (OLED სილიკონზე) დისპლეებს ჰედსეტისთვის. Microsoft-ის MR ჰედსეტი ბაზარზე 2026 წელს გამოვა. 

 

ფოტოს წყარო: tweaktown.com 

წყაროს ცნობით, Samsung მიაწვდის Microsoft-ს ასობით ათას OLEDoS დისპლეის შერეული რეალობის ჰედსეტების მასობრივი წარმოებისთვის. Microsoft-ის მოწყობილობა, სავარაუდოდ, მასიურ წარმოებაში მხოლოდ ახალი OLEDoS დისპლეის მახასიათებლების განსაზღვრის შემდეგ გამოვა. აღნიშნულია, რომ მოწყობილობის კომერციული გამოშვება „ყველაზე ადრე“ 2026 წელს მოხდება. 

გასულ წელს Samsung-მა შექმნა ახალი განყოფილება, სახელწოდებით M Project, რომელიც OLEDOS პანელების შექმნაზე მუშაობს. განყოფილებას ხელმძღვანელობს Samsung Display-ს ვიცე-პრეზიდენტი Jaebeom Choi, რომელიც ასევე ხელმძღვანელობს Micro Display-ს გუნდს Samsung Display-ში. ასევე ცნობილია, რომ კომპონენტები OLEDoS დისპლეებისთვის მზადდება განყოფილება Samsung System LSI-ს მიერ. 

საინტერესოა, რომ Samsung-ის მობილურმა განყოფილება MX Business-მა უკვე მიიღო OLEDOS პანელების ნიმუშები Samsung Display-ისგან საკუთარი შერეული რეალობის მოწყობილობისთვის, მაგრამ უპირატესობა მიანიჭა Sony-ს, როგორც ამგვარი დისპლეების მომწოდებელს. წყაროს ცნობით, ამან სერიოზული ზეწოლა მოახდინა Samsung Display განყოფილებაზე, რომელიც ცდილობს წარმატების მიღწევას Microsoft-თან პარტნიორობაში და მოელის, რომ Samsung MX Business კვლავ დაინტერესდება მისი OLEDOS პანელებით. 

https://tinyurl.com/3hpm4fe3