არაოფიციალურად: Apple ამზადებს ულტრა თხელ iPhone 17-ს, რომელიც 2025 წელს გამოვა და უფრო ძვირი იქნება iPhone 17 Pro Max-თან შედარებით

[Magdalena]

Apple ქმნის iPhone 17 სმარტფონის ულტრა თხელ ვერსიას, რომლის გამოშვება იგეგმება 2025 წელს - აცხადებს Reuters სანდო წყაროებზე დაყრდნობით. ვარაუდობენ, რომ გაჯეტი აღჭურვილი იქნება A19 პროცესორით და ეღირება iPhone 17 Pro Max-ზე მეტი. 

 

ფოტოს წყარო: Paolo Giubilato/Unsplash 

ინსაიდერები ადასტურებენ კუპერტინოში ულტრა კომპაქტური სმარტფონის შემუშავებას, რომელიც ამჟამად ცნობილია კოდური სახელწოდებით D23. ულტრა თხელ iPhone-ში წარმოდგენილი იქნება მძლავრი A19 პროცესორი, ასევე Apple-ის უამრავი ინოვაციური ტექნოლოგია. ამავდროულად, კომპანია აგრძელებს სხვადასხვა პროტოტიპის ტესტირებას, რომლებიც განსაზღვრავს გაჯეტის ოპტიმალურ დიზაინს. 

მოსალოდნელია, რომ ახალი პროდუქტი იქნება პრემიუმ მოწყობილობა და ფასით გადააჭარბებს iPhone Pro Max-ს, რაც ლოგიკური ნაბიჯია, რადგან თხელი კორპუსი უნიკალური ვარიანტია, რომელსაც შეუძლია ყველაზე მომთხოვნი მომხმარებლების დაინტერესებაც კი. არსებული ინფორმაციით მოწყობილობა გაყიდვაში iPhone 17-თან ერთად, ანუ 2025 წლის სექტემბერში უნდა გამოვიდეს. 

ულტრა კომპაქტური iPhone მოდელის გამოჩენა ნაწილობრივ ნაკარნახევია სმარტფონების ბაზარზე მზარდი კონკურენციით. საერთაშორისო ანალიტიკური კომპანია IDC-ის მონაცემებით 2024 წლის პირველ კვარტალში Samsung გახდა ინდუსტრიის ლიდერი 20.8%-იანი წილით, Apple-ს კი მხოლოდ 17.3% ერგო. ჩინეთში Apple-ის პოზიცია ასევე მცირდება ტექნოლოგიური გიგანტების, Honor-ისა და Huawei-ს ზეწოლის გამო. 

iPhone-ის ხაზისადმი აუდიტორიის ინტერესის გასაზრდელად Apple, ულტრა თხელი მოდელის გარდა, უფრო ხელმისაწვდომ შეთავაზებასაც ამზადებს. 2025 წლის გაზაფხულზე იაფი iPhone SE-ის შემდეგი ვერსიის პრემიერა უნდა შედგეს. ამასთან მწარმოებელმა გადაწყვიტა უარი თქვას iPhone Plus მოდელის გამოშვებაზე. 

https://tinyurl.com/5n9xtwra