Apple M4 პროცესორის პირველმა ტესტებმა აჩვენა წარმადობის 25%-მდე ზრდა M3-თან შედარებით

[Magdalena]

ცოტა ხნის წინ Apple-მა წარმოადგინა ახალი მობილური პროცესორი M4 ძლიერი AI ძრავით. ჩიპის დებიუტი შედგა ახალ ფლაგმანურ iPad Pro პლანშეტებში, რომლებიც OLED ეკრანითაა წარმოდგენილი. პროცესორი უკვე გამოჩნდა წარმადობის ტესტ Geekbench v6-ის ბაზაში. 

 

ფოტოს წყარო: Apple 

შეგახსენებთ, რომ Apple M4-ს 28 მილიარდზე მეტი ტრანზისტორი აქვს და იწარმოება TSMC-ის მეორე თაობის 3-ნანომეტრიანი ტექნოპროცესის გამოყენებით. მასში შედის 10 CPU დამუშავების ბირთვი (4 მაღალი წარმადობის და 6 ენერგოეფექტური) და ახალი არქიტექტურის 10 GPU გრაფიკული ბირთვი დინამიური ქეშ-მეხსიერების მხარდაჭერით, ასევე მხარდაჭერილია ბადისებრი დაჩრდილვის ტექნოლოგიები და რეითრეისინგის აჩქარება. Apple M4-ს აქვს ახალი 16-ბირთვიანი AI ძრავი (NPU) 38 TOPS (ტრილიონი ოპერაცია წამში) წარმადობის მაჩვენებლით. 

 

M4 პროცესორის წარმადობის ტესტირების პირველი შედეგები პერსპექტიულად გამოიყურება. მან დააგროვა 3767 ქულა ერთბირთვიან ტესტში და 14677 ქულა - მრავალბირთვიანი წარმადობის ტესტში. Apple M3 პროცესორთან შედარებით, რომელმაც ანალოგიურ ტესტებში 3087 და 11702 ქულა დააგროვა, ახალი ჩიპი დაახლოებით 22% და 25%-ით უფრო სწრაფია. 

რა თქმა უნდა, სინთეტიკური ტესტის შედეგები არ ასახავს მთლიან სურათს, მაგრამ ისინი მიანიშნებენ იმაზე, თუ რა პროგრესს მიაღწიეს Apple-ის ინჟინრებმა ახალი პროცესორის შემუშავებაში. ახალი ჩიპის წარმადობის შესახებ საბოლოო დასკვნების გამოტანა შესაძლებელი გახდება მასზე დამყარებული მოწყობილობების პირველი დამოუკიდებელი მიმოხილვის შემდეგ. 

https://tinyurl.com/m9wactpz