OpenAI-ს ხელმძღვანელი Samsung-სა და SK hynix-თან მოლაპარაკებებს გამართავს საკუთარი AI-ამაჩქარებლების გამოშვებასთან დაკავშირებით

[Magdalena]

OpenAI-ის გენერალური დირექტორი სემ ოლტმენი მოლაპარაკებებს აწარმოებს ახლო აღმოსავლეთში ინვესტორებთან, რათა დააფინანსოს პროექტი საკუთარი ხელოვნური ინტელექტის ამაჩქარებლების წარმოებისთვის. როგორც ცნობილია, გასულ კვირაში იგი სამხრეთ კორეაში გაემგზავრა SK hynix-სა და Samsung-თან მოლაპარაკებებისთვის. 

 

ფოტოს წყარო: OpenAI 

ამის შესახებ წერს Reuters საკუთარ წყაროებზე დაყრდნობით. SK hynix მეხსიერების მწარმოებელია, რომელიც დიდი ხანია თანამშრომლობს NVIDIA-სთან უახლესი პოპულარული HBM3 მეხსიერების ჩიპების მიწოდების სფეროში, ხოლო Samsung Electronics-ს შეუძლია თავისი მომხმარებლებისთვის მესამე მხარის ჩიპების წარმოება. ამ კონტექსტში ბოლომდე არ არის ნათელი, თუ რა როლს ანიჭებს OpenAI Samsung-ს შესაძლო პარტნიორობის ფარგლებში. 

ნებისმიერ შემთხვევაში, ახლა HBM3 ტიპის მეხსიერების მქონე ჩიპებზე არსებული მოთხოვნა მწარმოებლებს საშუალებას აძლევს თავი კარგად იგრძნონ; გასულ კვარტალში SK hynix-მა ასეთი ჩიპების წარმოების მოცულობა ხუთჯერ გაზარდა, ხოლო Samsung Electronics აპირებს გაზარდოს ინვესტიციების მოცულობა ასეთი ჩიპების წარმოებაში უახლოეს მომავალში. თანამედროვე გამოთვლითი ამაჩქარებლების შექმნა, რომელიც შეიძლება გახდეს NVIDIA-ს გადაწყვეტილებების ალტერნატივა, რა თქმა უნდა შეუძლებელი იქნება SK hynix-ის, Samsung-ის ან Micron-ის მონაწილეობის გარეშე და OpenAI-ს ხელმძღვანელობას ეს კარგად ესმის. 

http://tinyurl.com/47pn57rw