HP გამოუშვებს მსოფლიოში ყველაზე მსუბუქ 14-დუიმიან გეიმინგ ლეპტოპს - Core Ultra 9 185H-ით და GeForce RTX 4070-ით

[Magdalena]

კომპანია HP ემზადება გამოუშვას კომპაქტური 14-დუიმიანი გეიმინგ ლეპტოპი Omen Transcend 14. მასში წარმოდგენილი იქნება Intel Core Ultra 100H სერიის პროცესორები, ასევე NVIDIA GeForce RTX 40 სერიის დისკრეტული ვიდეო ბარათები. თავად HP ახალ პროდუქტს უწოდებს „ყველაზე მსუბუქ 14-დუიმიან გეიმინგ ლეპტოპს მსოფლიოში“. 

 

ფოტოს წყარო: Windows Report / HP 

Windows Report-ის თანახმად ლეპტოპი Omen Transcend 14 გამოვა CES 2024-ზე მომავალი წლის დასაწყისში. ახალ ლეპტოპს საფუძვლად დაედება 16-ბირთვიანი და 22-ნაკადიანი Core Ultra 7 155H სიხშირით 4.8 გჰც-მდე ან ფლაგმანური 16-ბირთვიანი და 22-ნაკადიანი Core Ultra 9 185H სიხშირით 5.1 გჰც-მდე. პირველი ჩიპის ნომინალური TDP-ის დონეა 28 ვატი. მეორე პროცესორის ნომინალური ენერგომოხმარებაა 45 ვატი, ხოლო მაქსიმალური - 115 ვატი. 

 

მოწყობილობაში წარმოდგენილი იქნება 16 ან 32 გბ ოპერატიული მეხსიერება LPDDR5x-7467, 512 გბ, 1 ან 2 ტბ მოცულობის SSD M.2 PCIe 4.0. აგრეთვე სამი დისკრეტული ვიდეო ბარათის არჩევანი: GeForce RTX 4050, RTX 4060 ან RTX 4070. ყველა მათგანს ექნება 8 გბ GDDR6 მეხსიერება. 

 

HP Omen Transcend 14-ს ექნება 14-დუიმიანი OLED დისპლეი 2.8K (2880 × 1800 პიქსელი) გაფართოებით. ეკრანზე მხარდაჭერილია კადრის დინამიური განახლების სიხშირე (VRR) 48-დან 120 ჰერცამდე, მატრიცის რეაგირების დრო კი 0.2 მილიწამს შეადგენს. SDR-სიკაშკაშის მაჩვენებლია 400 კდ/მ2 და HDR-სიკაშკაშე - 500 კდ/მ2, აგრეთვე მხარდაჭერილია 100%-იანი DCI-P3 ფერთა გამა. 

 

ლეპტოპს აქვს 71 ვტ/სთ მოცულობის ბატარეა, რომელიც უზრუნველყოფს მოწყობილობის 11.5-საათიან ავტონომიურ მუშაობას. კომპლექტში შედის 140-ვატიანი USB-C დამტენი. HP Omen Transcend 14-ის ზომაა 313 × 233.5 × 17.99 მმ, წონა - 1637 გრამი, რაც მართლაც მცირეა ლეპტოპის კომპონენტების გათვალისწინებით. 

 

ლეპტოპის დანარჩენი მახასიათებლებია ვებ-კამერა 1080p გაფართოებით, ორი დინამიკი DTS:X Ultra-სა და HP Audio Boost 2.0-ის მხარდაჭერით, უსადენო კონტროლერი Intel BE200 Wi-Fi 7-ისა და Bluetooth 5.4-ის მხადაჭერით, რამდენიმე USB-კონექტორი Thunderbolt 4 ინტერფეისის ჩათვლით, HDMI პორტი და კომბინირებული 3.5-მილიმეტრიანი აუდიოკონექტორი. 

 

HP Omen Transcend 14 ხელმისაწვდომი იქნება შავი და თეთრი კორპუსის მქონე ვარიანტებად. მისი გაყიდვის დაწყებისა დროისა და ფასის შესახებ CES 2024-ზე გახდება ცნობილი. 

https://tinyurl.com/2p9enjpc 

 

[George]

ისე ეგ ახალი მობილური RTX 4070 8gb VRAM-ზე დაახლოებით ძველი RTX3070Ti ვიდეოკარტის წარმადობით ყოფილა დესკტოპზე რაც გამოუშვეს მანამდე, მთავარი მინუსი ისევ 8გბ VRAM, რომელიც აღარაა უკვე საკმარისი, მინიმუმ 11-12გბ VRAM მაინც უნდა უკვე თამაშებს