Apple უფრო შესამჩნევს გახდის iPad Air-სა და iPad Pro-ს შორის განსხვავებას

[Magdalena]

მომავალ წელს Apple გამოუშვებს ახალ iPad Air და Pro ვერსიებს, რომლებიც მეტად განსხვავებული იქნებიან ერთმანეთისგან, რაც მყიდველებს შესაფერისი მოდელის არჩევას გაუადვილებს. ამ მოსაზრებას იზიარებს Bloomberg-ის ჟურნალისტი მარკ გურმანი, რომელიც თვლის, რომ iPad Air-ის შემდეგი ვერსია Apple M2 ჩიპით იქნება წარმოდგენილი, ხოლო ფლაგმანი iPad Pro მიიღებს უფრო მძლავრ და თანამედროვე M3 ჩიპს. 

 

ფოტოს წყარო: Apple 

გურმანის ბოლო მოხსენებაში ნათქვამია, რომ Apple მომავალი წლის მარტში გამოუშვებს iPad Air-ის 11- და 12.9-დუიმიან ვერსიებს M2 ჩიპით. მოწყობილობის უფროსი მოდელი თავსებადია Magic Keyboard-თან, რომელიც ამჟამად ხელმისაწვდომია iPad Pro-ს მომხმარებლებისთვის. რაც შეეხება ახალ iPad Pro-ს, ვრცელდება ინფორმაცია, რომ პლანშეტის ორივე ვერსიას ექნება OLED დისპლეი. ასევე სავარაუდოდ გამოჩნდება ალუმინის განახლებული Magic Keyboard. iPad Pro-ს პრეზენტაცია, ჟურნალისტის თქმით, ასევე მარტში შედგება. 

”ამრიგად, iPad Air აშკარად უფრო იაფი იქნება, მაგრამ ასევე - შესამჩნევად უკეთესი სტანდარტულ iPad-თან შედარებით. იგი გამოვა ორ ვერსიად სხვადასხვა ზომის ეკრანით და M2 პროცესორით, რაც მას მე-10 თაობის მოდელებზე მაღლა აყენებს - პროდუქტი, რომელიც კიდევ დიდხანს არ განახლდება, თვლის მარკ გურმანი. 

 

მოხსენებაში ასევე ნათქვამია, რომ Apple გეგმავს შეწყვიტოს მე-9 თაობის iPad-ის საბაზისო ვერსიის წარმოება. ეს ასევე საშუალებას მისცემს კომპანიას, უარი თქვას ზოგიერთი ძველი სტაილუსის მიწოდებაზე, რომელთაგან პირველი იქნება პირველი თაობის Apple Pencil, რომელიც ბაზარზე 2015 წელს გამოჩნდა. 

https://tinyurl.com/24cw3ew9