Apple-მა ერთი წლით გაახანგრძლივა უფასო თანამგზავრული კავშირის სერვისი iPhone 14-ისთვის

[Magdalena]

როდესაც თანამგზავრული გადაუდებელი ტექსტური შეტყობინებების ფუნქციის დებიუტი iPhone 14-ის ანონსისას გამოჩნდა, Apple აპირებდა, რომ მასზე წვდომა უფასო იქნებოდა მოწყობილობის გააქტიურებიდან პირველი ორი წლის განმავლობაში, შემდეგ კი გეგმავდა რაიმე სახის სააბონენტო გადასახადის შემოღებას. ამჟამად კომპანიამ თანამგზავრული კომუნიკაციებით უფასო სარგებლობის ვადა კიდევ ერთი წლით გაახანგრძლივა. 

 

ფოტოს წყარო: Apple 

როგორც 9to5Mac აღნიშნავს, მსგავსი შეღავათი არ არის გათვალისწინებული iPhone 15-ის მყიდველებისთვის და სავარაუდოდ, მათ მოუწევთ სააბონენტო გადასახადზე გადასვლა სმარტფონის გააქტიურებიდან ორი წლის შემდეგ. სხვა სიტყვებით რომ ვთქვათ, iPhone 15-ის ადრეულ მყიდველებს მოუწევთ გადაიხადონ თანამგზავრული გადაუდებელი შეტყობინებების ფუნქციის საფასური 2025 წლის სექტემბრიდან. iPhone 14 სერიის სმარტფონების მფლობელებსაც მოუწევთ გადახდა 2025 წლის შემოდგომაზე, დაახლოებით ამავე დროს. 

როგორც ჩანს, ხსენებული დროისთვის Apple განსაზღვრავს თავის სატარიფო პოლიტიკას, რადგან აბონენტთა ბაზის მომსახურების ყველა ხარჯი პარტნიორების თანამგზავრულ ქსელებში ახლა მას ეკისრება. iPhone 14-ისა და iPhone 15-ის მფლობელებს შეუძლიათ გაგზავნონ საგანგებო ტექსტური შეტყობინებები მსოფლიოს იმ ადგილებში, სადაც არ არის ფიჭური ქსელის სიგნალი, რომ აღარაფერი ვთქვათ Wi-Fi-ზე. მთავარია ამ შემთხვევაში მომხმარებელს ჰქონდეს წვდომა ღია ზონაზე, სადაც თანამგზავრული სიგნალი არ დაიბლოკება ხელოვნური ან ბუნებრივი დაბრკოლებებით. iPhone 15-ის მფლობელებს ასევე აქვთ წვდომა გზებზე მანქანით მგზავრობისას თანამგზავრული ქსელის საშუალებით ტექნიკური დახმარების გამოძახებაზე. 

https://tinyurl.com/pfmt2ynd