SpaceX-მა გიგანტური რაკეტა Starship შესაძლოა პარასკევს გაუშვას - თარიღი ერთ-ერთმა მარეგულირებელმა დაამტკიცა

[Magdalena]

აშშ-ის ფედერალური საავიაციო ადმინისტრაციის (FAA) ვებ-გვერდზე განთავსებული ინფორმაციის თანახმად გიგანტურ რაკეტა SpaceX Starship-ის ახალი სატესტო გაშვება შესაძლოა მიმდინარე პარასკევს მოხდეს. თითქმის შვიდი თვის წინ შედგა პირველი რაკეტის გაშვების მცდელობა, რომელიც მისი თვითგანადგურებით დასრულდა. 

 

ფოტოს წყარო: spacex.com 

FAA-მ დაადგინა 17 ნოემბერი Starship-ის მორიგი გაშვების პირველად თარიღად, ხოლო სარეზერვო თარიღებად 18 და 19 ნოემბერია მითითებული. ეს თარიღები აღნიშნულია ყოველდღიური საჰაერო მოძრაობის კონტროლის გეგმაში, დოკუმენტში, რომელსაც სააგენტო წერს, რათა აცნობოს ავიაკომპანიებს და სხვებს ფრენების შესაძლო შეყოვნების შესახებ. 

ამ ვადებს არ აქვს მინიჭებული ოფიციალური სტატუსი და SpaceX-ს ჯერ კიდევ არ მიუღია თანხმობა ყველა მარეგულირებელი ორგანოსგან. აშშ-ის თევზებისა და ველური ბუნების დაცვის სამსახური (FWS) აწარმოებს კონსულტაციებს FAA-სთან „გადაშენების პირას მყოფი სახეობების აქტის“ მიხედვით: აპრილში გიგანტური რაკეტის გაშვებამ მნიშვნელოვანი ეკოლოგიური ზიანი მიაყენა მიმდებარე ადგილს. გაშვებისას რაკეტამ გაანადგურა გამშვები პლატფორმა და ბეტონის ნამსხვრევები მიმდებარე ტერიტორიაზე მიმოიფანტა. 

თუმცა SpaceX-ის აღმასრულებელმა დირექტორმა დაადასტურა კომპანიის მიერ ადრე მოწოდებული ინფორმაცია, რომ ახალი რაკეტების ტესტები პარასკევს გასაშვებად დამტკიცდება. 

https://tinyurl.com/3dcap2ww