CME-მ Binance-ს Bitcoin-ის ფიუჩერსების რეიტინგში გაუსწრო

[Magdalena]

 

Coinglass-ის თანახმად CME-მ Bitcoin-ფიუჩერსების მიმართ ღია ინტერესის მაჩვენებლით უმსხვილესი პლატფორმების სიის პირველ ადგილზე მყოფი Binance ჩაანაცვლა. 

 

წყარო: Coinglass. 

ბოლო 24 საათის განმავლობაში ჩიკაგოს სასაქონლო ბირჟაზე ღია ინტერესი გაიზარდა 4%-ით 4.06 მლრდ დოლარამდე, რამაც საშუალება მისცა პლატფორმას დაეკავებინა ბაზრის 24.7%. Binance-ზე ეს მაჩვენებელი 7.8%-ით - 3.8 მლრდ აშშ დოლარამდე შემცირდა. 

ქვემოთ მოცემულია Bitcoin-ფიუჩერსების ღია ინტერესის საბაზრო წილის ცვლილებების დინამიკა FalconX Research-ისგან: 

 

წყარო: CoinDesk, FalconX. 

CoinDesk-მა მომხდარი ცვლილება ახსნა ინსტიტუციონალების მხრიდან მზარდი მოთხოვნით. ინსტიტუციური ინვესტორები უპირატესობას ანიჭებენ ჩიკაგოს სასაქონლო ბირჟაზე წარმოდგენილ რეგულირებად პროდუქტებს. 

კრიპტომედიის ცნობით Binance-მა ლიდერობა ორი წლის განმავლობაში პირველად დაკარგა. 

”CME ბაზრის წილს თითქმის მთელი 2023 წლის განმავლობაში იპყრობდა. ზრდა დაჩქარდა ბოლო რამდენიმე კვირის განმავლობაში, რადგან მკვეთრად გაიზარდა ბაზრის მღელვარება Spot ETF-ებთან დაკავშირებით,” - განაცხადა FalconX-ის კვლევის ხელმძღვანელმა დევიდ ლოუანტმა. 

ცვლილებებს ასევე შესაძლოა ხელი შეუწყო კონტრაქტების ლიკვიდაციებმა. 

ადრე გამოქვეყნებული ანგარიშის თანახმად Binance-ის მომხმარებლები იკავებდნენ მოკლე პოზიციებს. ჟურნალისტების განმარტებით პლატფორმაზე რისკ-მოთხოვნების გამო პოზიციების იძულებითი დახურვის მასშტაბები შეიძლება იყოს უფრო მაღალი მის კონკურენტებთან შედარებით. 

შეგახსენებთ, რომ CME-ს კრიპტოვალუტების დეპარტამენტის ხელმძღვანელმა ჯიო ვიჩიოზომ გამოაცხადა რეკორდული ინტერესის არსებობა Bitcoin- და Ethereum-დერივატივების მიმართ მესამე კვარტალში. 

ოქტომბერში ბირჟაზე ციფრულ ოქროს ფიუჩერსებზე ღია ინტერესის მოცულობამ პირველად გადააჭარბა 100000 BTC-ს. 

https://tinyurl.com/yad6mpds