ევროკავშირი განიხილავს ახალ მოთხოვნებს Stablecoin-ების ლიკვიდობასთან მიმართებაში

[Magdalena]

 

ევროპის საბანკო ორგანომ (EBA) დაიწყო საჯარო კონსულტაცია კაპიტალისა და ლიკვიდურობის მოთხოვნების შესახებ stablecoin-ებისა და სხვა ციფრული ტოკენების ემიტენტისთვის - აცხადებს Reuters. 

EBA-ს წინადადების თანახმად ვალუტით მხარდაჭერილი stablecoin-ების ემიტენტებს უნდა ჰქონდეთ საკმარისი თანხები, რათა სრულად დაფარონ ინვესტორების მიმართ ვალდებულებები ნომინალური ღირებულებით. 

Stablecoin-ებისთვის, რომლებიც მხარდაჭერილია ისეთი აქტივით, როგორიცაა ოქრო, ეს გაანგარიშება ეფუძნება აქტივის საბაზრო ფასს ყიდვის მომენტში. 

ახალი წესები უზრუნველყოფს მონეტების სწრაფ გაყიდვას კრიზისის დროსაც კი. გარდა ამისა, ისინი ნებას არ მისცემენ არასაბანკო ინსტიტუტებს, რომლებიც Stablecoin-ებს გამოსცემენ - მოიპოვონ უსამართლო კაპიტალი ან ლიკვიდურობის უპირატესობა ბანკებთან შედარებით. 

„ზედამხედველ ორგანოს შეუძლია გააძლიეროს შესაბამისი ემიტენტის უზრუნველყოფის მოთხოვნები ამ რისკების დასაფარად ლიკვიდურობის სტრეს-ტესტის შედეგების საფუძველზე“, - ნათქვამია EBA-ს განცხადებაში. 

ზოგიერთ შემთხვევაში ბანკები შეიძლება გათავისუფლდნენ ასეთი მოთხოვნებისგან, თუ მათ უკვე აქვთ საკმარისი ლიკვიდური რეზერვები ევროკავშირის არსებული წესების შესაბამისად, აღნიშნა ზედამხედველობის ორგანომ. 

ყველა წინადადება კონსულტაციისთვის წარდგენილია სამი თვის ვადით, საჯარო განხილვები გაიმართება 2024 წლის 30 იანვარს. 

შეგახსენებთ, რომ აპრილში ევროპარლამენტმა მხარი დაუჭირა კანონპროექტ MiCA-ს კრიპტო ინდუსტრიის ყოვლისმომცველი რეგულირების შესახებ. ძირითადი დებულებები, მათ შორის Stablecoin-ებთან დაკავშირებული წესები, ამოქმედდება მიღებიდან ერთი წლის შემდეგ. 

ივლისში EBA-მ წამოაყენა შეთავაზება - გაზრდილიყო მოთხოვნები Stablecoin-ების ემიტენტებისთვის, რომელთა რეზერვები შედგება დერივატივებისგან ან დაფარული ობლიგაციებისგან. 

Moody's Analytics-ის თანახმად 2023 წელს მსხვილი კაპიტალის მქონე Stablecoin-ებმა 609-ჯერ დაკარგეს საბაზისო აქტივთან მიმაგრება. 

https://tinyurl.com/mtc9by6p