AMD გამოუშვებს პროფესიონალურ ვიდეო ბარათ Radeon PRO W7700-ს

[Magdalena]

უახლესი დესკტოპ HEDT-პროცესორების - Ryzen Threadripper 7000-ისა და სამუშაო სადგურებისთვის განკუთვნილი Ryzen Threadripper 7000 PRO მოდელების პრეზენტაციის ფარგლებში AMD-მ განაცხადა, რომ გამოუშვებს კიდევ ერთ პროფესიონალურ ვიდეო ბარათს Radeon PRO W7000 სერიაში - მოდელ Radeon PRO W7700-ს. 

 

ფოტოს  წყარო: AMD 

ახალმა მოდელმა უნდა შეავსოს თვალშისაცემი უფსკრული Radeon PRO W7800-ის და Radeon PRO W7600-ის წარმადობას შორის. ცნობილია, რომ ახალ ვიდეო ბარათს ექნება 16 გბ მეხსიერება. ეს მონაცემი დაადასტურა კომპანია Dell-მა, რომელმაც Radeon PRO W7700 მიუთითა, როგორც მომავალი ვარიანტი მისი Precision 7875 სამუშაო სადგურებისთვის. 

სავარაუდოდ, Radeon PRO W7700-ს საფუძვლად დაედება გრაფიკული პროცესორი Navi 32, რომლის დებიუტი გასულ თვეში შედგა Radeon RX 7800 XT და RX 7700 XT გეიმინგ ვიდეო ბარათებში. Radeon PRO W7700 ჩიპის კონფიგურაცია ჯერჯერობით უცნობია. დიდი ალბათობით, ეს იქნება Navi 32-ის სრულფასოვანი ვერსია თუ გავითვალისწინებთ იმას, რომ Radeon PRO W7800-ის შემადგენლობაში გამოყენებულია უფრო მაღალი წარმადობის GPU Navi 31. 

 

Radeon PRO W7700-ის გაგრილების სისტემაში გამოყენებული იქნება ტანგენციალური ქულერი ამ სერიის პროფესიონალური გრაფიკული ამაჩქარებლების სხვა მოდელების მსგავსად. 

 

ფოტოს წყარო: VideoCardz 

AMD-ს არ გამოუცხადებია Radeon PRO W7700-ის გამოშვების ზუსტი თარიღი, მაგრამ ვინაიდან ახალი პროდუქტი ნახსენები იყო Threadripper-ის უახლესი ჩიპების პრეს-რელიზში, დიდი ალბათობით იგი ოფიციალურად იქნება წარმოდგენილი 21 ნოემბერს, ახალი პროცესორების გაყიდვების დაწყების დღეს. 

https://tinyurl.com/56jjue6k