Canoo-მ NASA-ს წარუდგინა სამი ელექტრო მინივენი, რომლებიც ასტრონავტებს გადაიყვანენ მთვარის მისია Artemis II-ის ფარგლებში

[Magdalena]

კალიფორნიული სტარტაპი Canoo, რომელიც აწარმოებს და უშვებს ელექტრო მინივენებსა და პიკაპებს, გახდება „ელექტრომობილების გრძელვადიანი მწარმოებელი“. მნიშვნელოვანი საიმიჯო ნაბიჯის სახით კომპანიამ ახლახანს მიაწოდა NASA-ს სამი სპეციალურად დამზადებული ელექტრო მინივენი, რომლებიც გადაიყვანენ მთვარის სამომავლო ექსპედიციის მონაწილეებს. 

 

ფოტოს წყარო: NASA 

Canoo-ს NASA-სთან თანამშრომლობის შესახებ ცნობილი გახდა თავად აეროკოსმოსური სააგენტოს განცხადების შედეგად. გასულ სამშაბათს სპეციალური გაფორმების მქონე სამი ელექტრომობილი მივიდა კენედის კოსმოსური ცენტრის პლატფორმაზე, საიდანაც მომავალ წელს უნდა გაფრინდეს რაკეტა მისია Artemis II-ის მონაწილეებთან ერთად. მისია მოიაზრებს მოგზაურობას მთვარისკენ, მისი ორბიტას გარშემო ფრენას და უკან დედამიწაზე დაბრუნებას. ეს იქნება დედამიწის ახლო ორბიტას ფარგლებს გარეთ პირველი ექსპედიცია ადამიანებთან ერთად 1972 წლის შემდეგ. 2025 წელს უნდა შედგეს მისია Artemis III, რომელიც ასტრონავტებს მთვარის ზედაპირამდე მიიყვანს. 

მიიჩნევა, რომ Canoo-ს სამი სპეციალური მინივენი გადაიყვანს ოთხ ასტრონავტს, შესაბამის აღჭურვილობასა და ტვირთს, აგრეთვე მომსახურე პერსონალს მიიყვანს უშუალოდ კეიპ კანავერალის საფრენ პლატფორმამდე. როგორც ცნობილია, მინივენების გაფორმებასა და საბურავების დისკების დიზაინის შემუშავებაზე NASA-ს სპეციალისტებმა მიიღეს მონაწილეობა. კომპანია Canoo-მ ამ ავტომობილების დამზადების შეკვეთა მიიღო 2022 წლის აპრილში, ელექტრომანქანების გამოყენებაზე გადასვლა ძალიან მნიშვნელოვანია NASA-სთვის ეკოლოგიური მოთხოვნების დაკმაყოფილების თვალსაზრისით. მისია Artemis II-სთვის მზადებისას ეს მინივენები გამოყენებული იქნება პერსონალისა და მთვარის მისიის მონაწილეების მომზადებისთვის. 

1984 წლიდან კეიპ კანავერალის საფრენ პლატფორმამდე ასტრონავტების მიყვანისთვის გამოიყენებოდა მოდიფიცირებული „ავტოსახლი“ Airstream, რომელმაც ბოლო 27 წლის მანძილზე გაიარა 42400 კმ, რადგან ერთი და იგივე გასავლელი მარშრუტის სიგრძე 15 კმ-ს არ აღემატებოდა. ამ ტრანსპორტის მოვალეობები მოიცავდა ასტრონავტების მიყვანას გაშვების დღეს, გაფრენისწინა ვარჯიშის დროს და უკან ჩამოფრენის შემდეგ. 

https://tinyurl.com/3v8dmhma