Intel-მა მოულოდნელად შეწყვიტა ეტალონურ ვიდეო ბარათ Arc A770 Limited Edition 16 გბ-ს მიწოდება

[Magdalena]

კომპანია Intel-მა მოულოდნელად გამოაცხადა, რომ შეწყვეტს Arc A770 Limited Edition დესკტოპ გრაფიკული ბარათის მიწოდებას 16 გბ მეხსიერებით. ეს ეხება მხოლოდ ამ გრაფიკული ამაჩქარებლის ეტალონურ ვერსიას. სხვა სიტყვებით რომ ვთქვათ, კომპანიის პარტნიორებს კვლავ შეეძლებათ Intel Arc A770-ის თავიანთი ვერსიების დამზადება და მიწოდება 16 გბ მეხსიერებით. 

 

ფოტოს წყარო: VideoCardz 

Intel-თან ერთად 16 გბ მეხსიერების მქონე Arc A770 მოდელს აწარმოებს მხოლოდ ორი კომპანია: Acer უშვებს Arc A770 Predator BiFrost-ს, ხოლო Gunnir უშვებს შავ და თეთრ Arc A770 Photon ვიდეო ბარათს. 

 

ფოტოს წყარო: Intel 

Intel-მა პარტნიორებს Arc A770 Limited Edition 16 გბ-ის მიწოდების შეწყვეტის შესახებ შეატყობინა მაშინ, როდესაც გადაწყვეტილება უკვე ძალაში იყო შესული - 20 ივნისიდან მიწოდება შეწყვეტილია. ეს ძალზე უჩვეულოა, რადგან Intel, როგორც წესი, თავისი პროდუქციის წარმოებისა და მიწოდების დასრულების შესახებ აცხადებს ამ გადაწყვეტილების ძალაში შესვლამდე რამდენიმე თვით ადრე. 

 

აღსანიშნავია, რომ მიწოდების შეწყვეტის გადაწყვეტილება ეხება მხოლოდ ეტალონურ Arc A770 მოდელებს და არა - ეტალონურ Arc A750 Limited Edition ვერსიას, რომელიც კვლავ რჩება ბაზარზე აქტუალური თაობის ერთ-ერთ ყველაზე ხელმისაწვდომ ვიდეო ბარათად. 

https://tinyurl.com/24z92uau