Magdalena Posted May 16, 2023 Posted May 16, 2023 კომპანია ASUS-მა წარადგინა ვიდეო ბარათი GeForce RTX 4090 ROG Strix LC, რომელსაც აქვს ტექნიკური უზრუნველყოფის არმქონე თხევადი გაგრილების სისტემა. ახალ ბარათში გამოყენებულია ისეთივე გაგრილების სისტემა, როგორიც წინა თაობის GeForce RTX 3090 Ti ROG Strix LC მოდელში. როგორც ჩანს, მისი წარმადობა სავსებით საკმარისია Ada Lovelace არქიტექტურაზე აგებული ფლაგმანური ამაჩქარებლის გასაგრილებლად. ფოტოს წყარო: ASUS თავად GeForce RTX 4090 ROG Strix LC-ს აქვს სრული დაფარვის წყლის ბლოკი, რომელიც აგრილებს AD102 GPU-სა და GDDR6X მეხსიერების ჩიპებს. გაგრილების სისტემაში არსებულ ქულერს ცხელი ჰაერი გრაფიკული ამაჩქარებლის VRM კვების ქვესისტემის კომპონენტებიდან გააქვს. ბარათი იკავებს გაფართოების 2.6 სლოტს კომპიუტერში. ROG STRIX LC-ის გაგრილების სისტემის წყლის ბლოკი გარე 240-მილიმეტრიან რადიატორთან დაკავშირებულია 560 მმ სიგრძის ორი დრეკადი მილით. რადიატორი დამატებით გრილდება RGB განათების მქონე ორი 120-მილიმეტრიანი ქულერით, რომლებიც უზრუნველყოფს ჰაერის ძლიერ ნაკადს და სტატიკურ წნევას, ამასთან ნარჩუნდება ხმაურის დაბალი დონე. GeForce RTX 4090 ROG Strix LC ხელმისაწვდომი იქნება ქარხნული აჩქარებით და მის გარეშე. ორივეს აქვს ორმაგი BIOS სისტემა ჩუმი და მაღალი წარმადობის სამუშაო რეჟიმებით. აჩქარების არმქონე ვერსიის GPU-ის სტანდარტული სიხშირეა 2520 მჰც, Boost სიხშირე - 2550 მჰც. აჩქარებულ ვერსიას აქვს სტანდარტული გრაფიკული ჩიპის სიხშირე 2610 მჰც და Boost სიხშირე - 2640 მჰც. კომპანიას არ გამოუცხადებია, როდის გამოვა გაყიდვაში და რა ეღირება GeForce RTX 4090 ROG Strix LC მოდელი. თუმცა იმის გათვალისწინებით, რომ საჰაერო გაგრილების სისტემის მქონე RTX 4090 ROG Strix OC ვარიანტი ამჟამად შეფასებულია 2 ათას აშშ დოლარად, თხევადი გაგრილების სისტემის მქონე ვერსიის ფასი მასთან შედარებით მნიშნელოვნად მაღალი იქნება. https://tinyurl.com/5xvyb4pt
Recommended Posts
Create an account or sign in to comment
You need to be a member in order to leave a comment
Create an account
Sign up for a new account in our community. It's easy!
Register a new accountSign in
Already have an account? Sign in here.
Sign In Now