Amazon ამზადებს სახლის რობოტს მძლავრი ხელოვნური ინტელექტით

[Magdalena]

Amazon მუშაობს საიდუმლო პროექტზე, კოდური სახელწოდებით Burnham - ეს იქნება რობოტ Astro-ს გაუმჯობესებული ვერსია „ინტელექტუალური და სასაუბრო ხმოვანი ინტერფეისით“, წერს Business Insider საკუთარ წყაროებზე დაყრდნობით. 

 

ფოტოს წყარო: amazon.com 

Burnham-ის ბაზაზე გაუმჯობესებული Astro იმუშავებს დიდ ენის მოდელებსა და სხვა მოწინავე ხელოვნური ინტელექტის ალგორითმებთან - ეს რობოტს ხელს შეუწყობს შეეთვისოს ოჯახის კონტექსტს და შესაბამისად იმოქმედოს. პროგრამული პლატფორმა იმახსოვრებს რა ნახა და აითვისა და შედეგად შეძლებს მფლობელთან დიალოგში შესვლას. 

მაგალითად, რობოტი შეძლებს მიხვდეს, თუ გაზქურაზე რაიმე იწვის, ან ონკანია ღია, მოძებნოს სახლის მფლობელი და ამის შესახებ შეატყობინოს. რობოტი გაიგებს, თუ ადამიანი დაეცემა და აუცილებლობის შემთხვევაში ექსტრემალური დახმარების სამსახურს დაუკავშირდება. მოწყობილობა შეძლებს სახლში დაკარგული გასაღები იპოვოს, ასევე შეამოწმოს ღამით ღია ხომ არ დარჩა ფანჯარა, ან - ბავშვმა სკოლიდან მეგობრები თუ მოიყვანა სახლში. ყველა ამ ამოცანის გადაჭრა ამა თუ იმ ფორმით უკვევ შესაძლებელია სმარტ-სახლის მოწყობილობების მეშვეობით, თუმცა საჭიროა რამდენიმე მოწყობილობა და სცენარი, ხოლო Astro ამ ყველაფერს დამოუკიდებლად შეასრულებს. 

Amazon-მა რობოტის მეშვეობით უფრო რთული ამოცანების გადაჭრაც გაითვალისწინა. მაგალითად, თუ რობოტი იატაკზე მინის ნამსხვრევს იპოვის, რაც მფლობელისთვის საფრთხისშემცველია, იგი ადგილიდან მოაშორებს ნამსხვრევს, რათა ფეხი არავის მოუხვდეს - არსობრივად, Astro იპოვის პრობლემას და მოაგვარებს. ამ დროისთვის Burnham-ის ტექნოლოგია ჯერ არ არის მზად პროდუქტის ბაზარზე გასატანად და Amazon-ი აღიარებს, რომ ჯერ კიდევ ბევრი სამუშაოა ჩასატარებელი. 

https://tinyurl.com/25e6w66u