Binance ახდენს Lightning Network-ის ინტეგრაციას Bitcoin-ის გატანის შეჩერების შემდეგ

[Magdalena]

 

7 მაისს კრიპტო ბირჟა Binance-მა დროებით შეაჩერა Bitcoin-ის გატანა ქსელის გადატვირთულობის გამო. 

ფუნქცია ამოქმედდა საათნახევრის შემდეგ, მაგრამ 8 მაისის ღამეს პლატფორმამ კვლავ შეაჩერა პირველი კრიპტოვალუტის გატანა „დაუსრულებელი ტრანზაქციების დიდი მოცულობის“ გამო. 

კომპანიის წარმომადგენლებმა განაცხადეს, რომ მეორედ მუშაობის აღდგენის მიზნით მათ მოუწიათ საკომისიოს გაზრდა ყველა მომლოდინე მოთხოვნაზე. 

„მსგავსი რამ რომ აღარ მოხდეს მომავალში, ჩვენი ტარიფები დაკორექტირდა. ჩვენ გავაგრძელებთ ქსელის აქტივობის მონიტორინგს და საჭიროების შემთხვევაში კორექტირებას. ჩვენი გუნდი ასევე მუშაობს Bitcoin-ის გატანის უზრუნველყოფაზე Lightning Network-ის საშუალებით, რაც ასეთ სიტუაციებში ხელს შეგვიწყობს“, - განმარტა Binance-მა. 

რამდენიმე საათის შემდეგ ბირჟამ განაახლა პირველი კრიპტოვალუტის გატანა და განაცხადა, რომ ყველა მომლოდინე გადარიცხვა შესრულდა. 

mempool.space-ის ცნობით სტატიის წერის მომენტისთვის Bitcoin-ის ქსელში დაუდასტურებელი ტრანზაქციების რაოდენობა 422 729-ს შეადგენს. გადარიცხვის საშუალო საკომისიო მერყეობს 8.9-დან 9.7 აშშ დოლარამდე. 

1 მაისს Bitcoin-ის ქსელში ტრანზაქციების დღიურმა რაოდენობამ მიაღწია 685711 ATH-ს Bitcoin NFT Ordinals-თან დაკავშირებული აქტივობის ზრდის ფონზე. პროექტის ირგვლივ მღელვარება მნიშვნელოვნად მოქმედებს პირველი კრიპტოვალუტის სხვადასხვა onchain-მეტრიკებზე, მათ შორის საკომისიოს მოცულობაზე. 

CryptoQuant-ის თანახმად Binance-იდან Bitcoin-ის მნიშვნელოვანი გადინება მოხდა 7 მაისიდან. დღის განმავლობაში მომხმარებლებმა ბირჟიდან გაიტანეს დაახლოებით 195438 BTC (~5.62 მლრდ აშშ დოლარი). 

 

Binance-იდან Bitcoin-ის გატანის მოცულობა. წყარო: CryptoQuant.   
 

2022 წლის ბოლოს Binance-მა შეაჩერა რამდენიმე აქტივის გატანა და შეზღუდა ზოგიერთი მომხმარებლის ანგარიშები „გარკვეულ სავაჭრო წყვილებში ფასების ანომალიური მოძრაობის გამო“. ჩამონათვალში იყო SUN, ARDR, OSMO, FUN და GLM. 

ადრე პლატფორმას მოუწია დაებლოკა Solana-ს ქსელში გამოშვებული USDT და USDC Stablecoin-ებით დეპოზიტების შეტანის ფუნქცია. 

შეგახსენებთ, რომ 2023 წლის მარტში, Binance-იმა გამოაცხადა სპოტ ვაჭრობის შეჩერების შესახებ trailing stop order მექნიზმში „უცნაური“ შეცდომის გამო. 

https://tinyurl.com/3xv9689c