Intel კონფერენცია Vision 2023-ს ხელმძღვანელთან ერთად 9 მაისს გამართავს

[Magdalena]

9 მაისს ღონისძიება Intel Vision აშშ-ში, ორლანდოში გაიმართება. იგი ტრადიციულად დაეთმობა კომპიუტერული ინფრასტრუქტურის თანამედროვე შესაძლებლობებს, ქლაუდ გამოთვლებს, ასევე კომერციულ კომპიუტერულ სისტემებს. Intel გეგმავს საზოგადოებას გაუზიაროს თავისი ხედვა ინდუსტრიის მომავლის შესახებ და გააცნოს უახლესი და მომავალი ტექნოლოგიები. 

 

ფოტოს წყარო: Intel 

სხვა დაგეგმილ ღონისძიებებთან ერთად 9 მაისს Intel-ის აღმასრულებელი დირექტორი Pat Gelsinger შესავალი სიტყვით გამოვა. ამჟამად გაურკვეველია, მოხდება თუ არა ამ გამოსვლის ტრანსლირება პირდაპირ ეთერში საზოგადოებისთვის, მაგრამ დიდი ალბათობით, კომპანია ჩანაწერს მაინც გააზიარებს. ამ ღონისძიებებზე კომპანიის აღმასრულებლების პრეზენტაციები ხშირად შეიცავს ახალი პროდუქტების ანონსებს, მაგრამ, როგორც წესი, ისინი არ უკავშირდება სამომხმარებლო ბაზარს. 

გასულ წელს Intel Vision 2022-ზე წარდგენილ იქნა კომპანიის გეგმების მიმოხილვა სტრატეგია IDM 2.0-თან (Integrated Device Manufacturing) დაკავშირებით. შედგა მონაცემთა დამუშავების ცენტრებისთვის განკუთვნილი Arctic Sound-M გრაფიკული ამაჩქარებლების ანონსი და წარდგენილ იქნა კომპანიის განახლებული პოლიტიკა პროგრამულ უზრუნველყოფასა და უსაფრთხოების მიმართულებით. 

 

შემდეგი Intel Vision კონფერენციები ტაივანში, შანხაისა და ევროპაში ამ წლის ბოლოს გაიმართება. თუმცა მაისში დაგეგმილი ღონისძიება განსაკუთრებულ ყურადღებას მიიპყრობს. 

https://tinyurl.com/23z3bamb