დამყარდა მსოფლიო რეკორდი ვერტიკალური აფრენის ფუნქციის მქონე ელექტრო აეროტაქსის ფრენის მანძილში

[Magdalena]

კომპანია Autoflight-ის ელექტრომფრენმა Gen-4 Prosperity I-მ აკუმულატორის ერთ დამუხტვაზე იფრინა ყველაზე მეტი მანძილი ვერტიკალური აფრენა-დაშვების შესაძლებლობების მქონე სხვა აეროტაქსებთან შედარებით. წინა რეკორდი დაამყარა კომპანია Joby Aviation-მა, რომლის მოწყობილობამ ჰაერში 240 კმ გადალახა. Autoflight -ის აეროტაქსის პროტოტიპმა იფრინა 250.64 კმ, რის შედეგად იგი პირველ ადგილას აღმოჩნდა მოცემულ კატეგორიაში. 

 

ფოტოს წყარო: Autoflight 

აღსანიშნავია, რომ Prosperity I-ის (Gen-4) პროტოტიპის ახალი მოდიფიკაცია შესამჩნევად განსხვავდება მოდელისგან, რომელიც გასულ წელს წარადგინეს. ახალი ვერსია გამოიყურება უფრო ელეგანტურად, აქვს უფრო მსხვილი სამაგრი ძელი და ათი ძრავი, წინა მოდელს რვა ჰქონდა. 

 

Autoflight-ის ელექტრომფრენი დამზადებულია უფრო მარტივი სქემით, ვიდრე აეროტაქსი Joby Aviation.  Joby Aviation-ის აპარატს მბრუნავი ძრავები აქვს, რომლის პროპელერები უზრუნველყოფენ აეროტაქსის არა მარტო ვერტიკალურ აფრენას, არამედ მონაწილეობენ ჰორიზონტალურ ფრენაში ფრთების შესაბამისი შებრუნების შემდეგ. Autoflight-ის აეროტაქსის პროპელერები ყოველთვის რჩება ჰორიზონტალურად ორიენტირებული და, სხვა დანარჩენთან ერთად, აუარესებენ აეროტაქსის აეროდინამიკას ჰორიზონტალური ფრენის პროცესში, როდესაც ბრუნავენ. პოტენციურად, ეს აძლევს Joby Aviation-ის მფრინავ მანქანას ყველაზე გრძელი ფრენის უფრო მეტ შანსს, რასაც კომპანია ალბათ მალე გვაჩვენებს. 

ორივე კომპანია იმედოვნებს, რომ 2024 ან 2025 წლიდან დაიწყებენ ელექტრო საჰაერო ტაქსების კომერციულ ექსპლუატაციას. ამ პირობებით ხელმძღვანელობენ სხვა კომპანიებიც, მაგრამ ჯერჯერობით წარმოუდგენელი სხვაობით ყველას უსწრებს ჩინური კომპანია EHang, რომელსაც წარმოდგენილი აქვს არა მხოლოდ უპილოტო ფრენები, არამედ სადემონსტრაციო ფრენებიც ბორტზე მყოფი ადამიანებით. 

https://tinyurl.com/3ykn943z