Changpeng Zhao-მ დაასახელა ყველაზე მნიშვნელოვანი მოთხოვნები კრიპტო ბირჟებისთვის

[Magdalena]

 

Binance-ის ხელმძღვანელმა Changpeng Zhao-მ დაასახელა მისი აზრით ექვსი ყველაზე მნიშვნელოვანი მოთხოვნა ცენტრალიზებული ბირჟებისთვის. 

ჩამონათვალში შედის: 

• არ დააყენონ რისკის ქვეშ მომხმარებლების ფული; 

• არასდროს გამოიყენონ native-ტოკენები უზრუნველყოფის (გირაოს) სახით; 

• გააზიარონ ინფორმაცია აქტივების შესახებ; 

• შეინარჩუნონ მნიშვნელოვანი მოცულობის რეზერვები; 

• თავი აარიდონ ზედმეტ leverage-ს; 

• გააძლიერონ და გამოიყენონ უსაფრთხოების პროტოკოლები. 

Zhao-ს თქმით, ზემოაღნიშნული პრინციპების დაცვა აუცილებელია თითოეული ბირჟის მიერ მისი სანდოობის უზრუნველსაყოფად, განსაკუთრებით FTX-ის კოლაფსის ფონზე. 

„ვერ დავუშვებთ, რომ რამდენიმე ცუდმა მოთამაშემ შელახოს ინდუსტრიის რეპუტაცია, როდესაც ის ჯერ კიდევ საწყის ეტაპზეა“, - წერს Binance-ის ხელმძღვანელი. "ჩვენი როლი უპირველეს ყოვლისა მომხმარებლების დაცვაში გამოიხატება." 

მანამდე Changpeng Zhao-მ გამოაცხადა, რომ აპირებს კრიპტო ინდუსტრიის უმსხვილესი მოთამაშეების გაერთიანებას, რათა ერთობლივად იმუშაონ პოლიტიკოსებთან და მარეგულირებელებთან. 

14 ნოემბერს Binance-მა გამოაცხადა ფონდის ამოქმედების შესახებ, რათა შემცირდეს FTX-ის კოლაფსის „კასკადური უარყოფითი გავლენა“ ინდუსტრიაზე. 

https://tinyurl.com/2p8bfhb5