ახალი დესკტოპ ვიდეო დაფების გამოსვლის სავარაუდო თარიღები და მახასიათებლები ერთ ცხრილში

[Magdalena]

 

მიმდინარე თვიდან AMD, Intel და NVIDIA იწყებენ ახალი და განახლებული ვიდეო დაფების გამოშვებას. დესკტოპ მოდელების გამოსვლის თარიღებისა და მოსალოდნელი მახასიათებლების შესახებ ძირითადი ინფორმაცია შეაგროვა რესურს 3DCenter-მა. Intel-ის შემთხვევაში გამოშვების დრო ოფიციალურად გაჟღერდა, პროდუქტების ბაზარზე გამოსვლა დაიწყება პირველი კვარტლის ბოლოს. ჯერ გამოვა მობილური ვიდეო დაფები, მეორე კვარტალში - დესკტოპ მოდელები, წლის ბოლოს კი - პროფესიონალური ვიდეო დაფები. პროდუქტების დეტალური მახასიათებლები კომპანიას არ გაუხმაურებია. 

 

NVIDIA-მ ასევე ოფიციალურად გამოაცხადა GeForce RTX 3090 Ti-ს გამოშვება, მაგრამ ვიდეო დაფა ჯერ არ გამოჩენილა გაყიდვაში და კომპანია არ განმარტავს ამის მიზეზებს. არაოფიციალური ცნობების თანახმად ამაჩქარებელი მარტის ბოლოს გამოჩნდება. 

AMD არ საუბრობს ახალ მოდელებზე, ინფორმაცია მთლიანად ეფუძნება ინსაიდერების მოსაზრებებს. როგორც ამბობენ, Radeon RX 6000 სერიები განახლდება სამი მოდელით - 6950XT, 6750XT და 6650XT, ყველა მათგანს უნდა ჰქონდეს 18Gbps GDDR6 მეხსიერება. ასევე მოსალოდნელია RX 6500-ის გამოჩენაც. ვარაუდობენ, რომ მახასიათებლებით იგი 6400-ის მსგავსი იქნება, მაგრამ მისგან განსხვავებით საცალო ვაჭრობაში გამოვა. 

https://tinyurl.com/yc69ba94