მიმდინარე წელს საფონდო ბაზრებზე ფავორიტი იქნება ქლაუდ-სერვისებში მოქმედი და ჩიპების მომწოდებელი კომპანიების აქციები

[Magdalena]

Wedbush Securities-ის ანალიტიკოსების აზრით დასრულდა იმ კომპანიების აქციების ფასის ხელსაყრელი დინამიკის პერიოდი, რომელთა საქმიანობა დაკავშირებულია დისტანციური მუშაობის ორგანიზებასთან. მეორე მხრივ, ახალი წელი ხელსაყრელი პერიოდი იქნება ქლაუდ-ინფრასტრუქტურასთან, კიბერუსაფრთხოებასა და ნახევრადგამტარი კომპონენტების მიწოდებასთან დაკავშირებული კომპანიებისთვის. 

 

ფოტოს წყარო: NVIDIA 

ბოლოს ნახსენებ შემთხვევაში Wedbush-ის სპეციალისტები გამოარჩევენ NVIDIA-სა და Marvell-ის აქციებს. უნდა აღინიშნოს, რომ NVIDIA-მ მოახერხა ბიზნესის საკმარისად დივერსიფიცირება, რათა ისარგებლოს ბაზრის პოზიტიური დინამიკით სერვერების სეგმენტში. ამავე მიზეზით მისი აქციები კარგ მდგომარეობაში იქნება იმ შემთხვევაშიც კი, თუ გეიმინგ კომპონენტებზე მოთხოვნა მიმდინარე წელს ოდნავ შემცირდება. თუმცა Wedbush-ის პროგნოზში ასეთი სცენარი ნახსენები არ არის. მოსალოდნელია, რომ Microsoft-ისა და Amazon-ის აქციების ფასი კიდევ გაიზრდება ქლაუდ-ინფრასტრუქტურაზე არსებული სტაბილური მოთხოვნის ფონზე - თვლიან ანალიტიკური ჩანაწერის ავტორები. 

https://tinyurl.com/24jmuc7d