Bitstamp-მა განაცხადა აშშ-ის ბაზარზე ექსპანსიის შესახებ

[Magdalena]

 

უძველესმა კრიპტობირჟა Bitstamp-მა განაცხადა, რომ ემზადება შეერთებული შტატების ბაზარზე ექსპანსიისთვის. 

 

სავაჭრო პლატფორმის ინფორმაციის მიხედვით აშშ-ში მცხოვრებ მომხმარებელთა რიცხვი 570%-ით გაიზარდა მიმდინარე წლის პირველი ოთხი თვის განმავლობაში. ანგარიშის თანახმად, პირველ კვარტალში მართვის ქვეშ არსებული აქტივების ღირებულება გაიზარდა 281%-ით, ამერიკელი მომხმარებლების აქტივობამ კი იმატა 348%-ით. 

Bitstamp-ში აღნიშნეს, რომ ცდილობენ ითანამშრომლონ აშშ-ის ისეთ წამყვან ფინანსურ კომპანიებთან, როგორებიცაა Nasdaq და Silvergate Bank, რათა შეიქმნას „უკეთესი საბაზრო ინფრასტრუქტურა“ კასტოდიალური მომსახურებებითა და რეგულირებადი დერივატივებით. 

შეგახსენებთ, 2020 წლის დეკემბერში Bitstamp-მა ამერიკელი მომხმარებლებისთვის გააუქმა XRP ტოკენებით ვაჭრობის შესაძლებლობა Ripple-ის მიმართ SEC-ის პრეტენზიების ფონზე. 

https://bit.ly/2Rrw98g