MSI ატარებს Ethereum-ის მოპოვების ექსპერიმენტს GeForce RTX 3080 ვიდეო დაფის მქონე გეიმინგ ლეპტოპით

[Magdalena]

უკვე რამდენიმე თვეა გრაფიკული ადაპტერების ბაზარზე არა მხოლოდ ამჟამინდელი, არამედ ძველი თაობების მოდელების მწვავე უკმარისობაა და ის იშვიათი ვიდეო დაფები, რომლებიც ჯერ კიდევ მოიპოვება მაღაზიების ასორტიმენტში, წარმოდგენილია მნიშვნელოვნად გაბერილი ფასებით. რამდენიმე მიზეზი არსებობს, რამაც გავლენა მოახდინა ამ სიტუაციის გაჩენაზე - ეს არის გადამყიდველების ქმედებები,  კომპონენტების ნაკლებობა წარმოებისთვის და კრიპტოვალუტის მომპოვებელთა მზარდი ინტერესი რიგი გრაფიკული ადაპტერების მიმართ, რაც მათ საშუალებას აძლევს მოიპოვონ სანუკვარი „მონეტები“. 

ამავე დროს, ვიდეო დაფების დესკტოპ მოდელების დეფიციტის გამო მაინერები ეძებენ მაინინგის ორგანიზების ახალ შესაძლებლობებს და ზოგიერთმა კომპანიამ გადაწყვიტა მათთვის მიენიშნებინა შესაძლო ალტერნატიულ გადაწყვეტილებებზე: MSI-ს ოფიციალურ ბლოგზე რესურს VideoCardz-ის სპეციალისტებმა აღმოაჩინეს GE76 Raider სერიის გეიმინგ ლეპტოპის მეშვეობით Ethereum-ის მოპოვების ჩანაწერი და ილუსტრირებული მეთოდი. 

 

წყაროს მიერ წარმოდგენილი დემონსტრაციის მიხედვით, Ethereum-ის მოპოვებისას NVIDIA GeForce RTX 3080 ვიდეო დაფის მქონე ლეპტოპის ჰეშრეითის სიჩქარე შეადგენს დაახლოებით 52-53 MH/s-ს ალგორითმ DaggerHashimoto-ს გამოყენებისას, რაც შეესაბამება დესკტოპ GeForce RTX 3070 დაფის მიერ მიღწეულ შედეგს. 

 

 
 

ფოტოს წყარო: MSI 

ავტორი აცხადებს, რომ ექსპერიმენტი გაგრძელდება ერთი თვის განმავლობაში, რის შემდეგაც იგი შედეგებს გაუზიარებს ფართო საზოგადოებას. 

რამდენიმე კვირის წინ მაინინგის პოპულარიზაცია შეინიშნა ZOTAC-ში, თუმცა მალევე კომპანიამ გადაიფიქრა და თავისი მაინინგ-ფერმის რეკლამა წაშალა. 

http://bit.ly/2OmClNl 

[George]

ეგ თუ მაქსიმუმია და მეტი დატვიკვა არ შეიძლება დაახლოებით 5700XT დონე გამოდის, 3060Ti 60mh/sec მუშაობს როგორც 3070, 1080Ti კი ჯობია ჩემს, მაგაზე მარტო 43მჰ/სეკ აქვს TDP 70%-ზე, 3080 კიდე თერმობალიშებს თუ შეუცვლი და უფრო კარგს დაუყენებ 100მჰ/სეკ უბერავს სტაბილურათ უკვე უფრო დაბალი ტემპებით VRAM-ზე, მაგიტომაა ზეცაში ავარდნილი მაგ კარტის ფასი, გეიმინგი მანდ მეორე პლანზეა ამ ეტაპზე ჯერ, მაგაზე ბევრათ მეტს ვერც 2080Ti დაგიდებს, ეგ უფრო 56-58მჰ/სეკ უბერავს ძალზე თუ არ გაუზრდი TDP