Tesla-ს გერმანული ქარხანა საქმიანობის უფლებას აპრილში მიიღებს

[Magdalena]

Tesla-ს ახალი ქარხნის მშენებლობას ბერლინის მიდამოებში მუდმივად ხელს უშლიდა სხვადასხვა ფაქტორი: გარემოს დამცველები გამოხატავდნენ უკმაყოფილებას ხეების ჩეხვასა და ადგილობრივ ფაუნაზე მშენებლობის გავლენასთან, აგრეთვე წყლის რესურსების ნაკლებობასთან დაკავშირებით. ამჯერად საინფორმაციო საშუალებები აცხადებენ, რომ ხელისუფლებამ საწარმოს აღჭურვილობის მონტაჟის ნება დართო და ელექტრომობილების მწარმოებელი კომპანია უახლოეს თვეებში შეძლებს საქმიანობის დაწყებას. 

 

ფოტოს წყარო: Electrek 

გერმანული გამომცემლობა Handelsblatt მუნიციპალური ხელისუფლების ცნობებზე დაყრდნობით აცხადებს, რომ მარტში Tesla-მ შეძლო ნებართვის მიღება საწარმოს მშენებლობის გასაგრძელებლად, თუმცა ფაქტიურად ყველა ტიპის სამშენებლო-სამონტაჟო სამუშაოები ცალკე უნდა იყოს კოორდინირებული. საწარმოო საქმიანობის დამტკიცება გარემოს დაცვის მოთხოვნების გათვალისწინებით შეიძლება გაიცეს აპრილის დასაწყისში, კომპანიამ უკვე მიიღო ტექნოლოგიური მოწყობილობების დამონტაჟების უფლება. ივლისისთვის შესაძლოა ელექტრომობილების წარმოება დაიწყოს, როგორც დაგეგმილი იყო. 

ივლისამდე დარჩენილ დროში Tesla-ს შეეძლება შეამოწმოს საინჟინრო ქსელები და საწარმოო მოწყობილობები, ასევე განახორციელოს ელექტრომობილების საცდელი აწყობა. საბოლოო ნებართვის მოპოვების გარეშე საწარმო ვერ შეძლებს ბაზარზე პროდუქციის მიწოდებას. დროთა განმავლობაში წარმოება გაფართოვდება და წელიწადში გამოვა 500 ათასამდე ელექტრომობილი, 12 ათასი ადგილობრივი მაცხოვრებელი მიიღებს სამსახურს. ბერლინის მიდამოებში კომპანია ასევე აწარმოებს 4680 ტიპის ბატარეებს, რომლებითაც აღჭურვილი იქნება ადგილობრივად აწყობილი Model Y კროსოვერები. ევროპაში მხოლოდ ამ ობიექტზე აწყობილი Tesla Model Y ელექტრომობილების გაყიდვა მოხდება. ამერიკაში წარმოებული მანქანების პარალელურად ჩინეთში აწყობილი Tesla Model 3-ის მიწოდება უკვე დაიწყო. 

http://bit.ly/3l9cbtt