Starlink-მა განაცხადი შეიტანა მოძრავი ობიექტების სატელიტური ინტერნეტით უზრუნველყოფისთვის

[Magdalena]

არც თუ ისე დიდი ხნის წინ ილონ მასკმა ერთ-ერთ გამომწერთან საუბრის დროს მოიწონა Starlink სატელიტური ინტერნეტის აღჭურვილობის პორტატული ვერსიის შექმნის იდეა. აშშ-ის კომუნიკაციების ფედერალურ კომისიაში (FCC) შეტანილი დოკუმენტების მიხედვით დაგეგმილია სახმელეთო ტრანსპორტის, აგრეთვე გემებისა და თვითმფრინავების ამგვარი მოწყობილობით აღჭურვა. 

FCC-ში შეტანილი განაცხადი, როგორც წყარო აღნიშნავს, Starlink-ს საშუალებას მისცემს მიიღოს ლიცენზია, რომლის თანახმად თანამგზავრული ქსელიდან ინტერნეტზე წვდომას მიიღებენ სახმელეთო, საზღვაო და საჰაერო სატრანსპორტო საშუალებები. დაფარვის არეალი, უმეტესად, უნდა მოიცავდეს მთელ პლანეტას, თუმცა სახმელეთო მანქანებისთვის ჯერჯერობით მხოლოდ შეერთებული შტატების ტერიტორიაა ნახსენები. გემებსა და თვითმფრინავებს შეეძლებათ ფუნქციონირება Starlink ქსელში შეერთებული შტატების საზღვრებს გარეთ, მათ შორის საერთაშორისო წყლებსა და სხვა ქვეყნების საჰაერო სივრცეში. 

Starlink-ის ჩანაფიქრის თანახმად ახალი სერვისი მომხმარებლებს საშუალებას მისცემს დაივიწყონ ისეთი ზონების არსებობა, სადაც გლობალური ქსელის რესურსებზე წვდომის შესაძლებლობა არ არსებობდა. როგორც კორპორაციულ, ასევე კერძო მომხმარებლებს შეეძლებათ ისარგებლონ სატელიტური კომუნიკაციებით. ეს სერვისი განსაკუთრებულ პერსპექტივას უქმნის Tesla-ს, რადგან მომავლის მანქანები სრულფასოვნად ვერ იმუშავებენ ინტერნეტზე წვდომის გარეშე. Tesla-ს ელექტრომობილების მფლობელები Starlink-თან დაკავშირების შემთხვევაში დაივიწყებენ როუმინგის პრობლემებსა და ღია სივრცეებში სიგნალის ცუდ დაფარვას. საჭიროა მხოლოდ პრობლემის გადაჭრა მჭიდრო ურბანული სივრცის  პირობებში ხარვეზების მოსაგვარებლად, კერძოდ მიწისქვეშა ავტოსადგომებსა და გვირაბებში ყოფნის დროს. სავარაუდოდ, ასეთ შემთხვევაში სატელიტური ინტერნეტი გამოყენებული იქნება სარეზერვო კავშირის სახით ფიჭურ საკომუნიკაციო არხთან ერთად. 

http://bit.ly/3qqPfHf