Bitcoin-ის ფასი 28 ათასს მიუახლოვდა - მაინინგის ახალმა ბუმმა შესაძლოა ვიდეო დაფებზე ფასის ზრდა განაპირობოს

[Magdalena]

პირველი კრიპტოვალუტის ფასი რეკორდების დამყარებას აგრძელებს. დღე-ღამის განმავლობაში მისი ღირებულება 11%-ზე მეტით გაიზარდა და მარტივად გადალახა 26 და 27 ათასი აშშ დოლარიანი დონეები. ზრდა შენელდა მხოლოდ 28 ათასი აშშ დოლარისკენ გზაზე. რეკორდული ფასი Binance-ის ბირჟაზე ვაჭრობის დროს 27 935 აშშ დოლარი დაფიქსირდა. 

 

ასევე მნიშვნელოვნად გაიზარდა კრიპტოვალუტების მთელი ბაზრის მთლიანი კაპიტალიზაცია და 2018 წლის რეკორდულ მაჩვენებლებს მიუახლოვდა. ამ დროისთვის ეს არის 721 მილიარდი აშშ დოლარი, ხოლო ისტორიული მაქსიმუმი დაფიქსირდა დაახლოებით 835 მილიარდი აშშ დოლარი. დანარჩენმა კრიპტოვალუტებმა ჯერჯერობით ვერ მოასწრეს რეაგირება ამ მოვლენაზე, თუმცა თუ Bitcoin-ის კურსი არ დაკორექტირდება, მის კვალად აუცილებლად გაიზრდება დანარჩენი Altcoin-ების უმეტესობის ღირებულება. 

ცალკე უნდა აღინიშნოს, რომ 2018 წლის აღმასვლის დროს მეორე ყველაზე პოპულარული კრიპტოვალუტის, Ethereum-ის ფასმა გადააჭარბა 1400 აშშ დოლარს და დადებითი გარემოების გათვალისწინებით, ის შეიძლება დაუბრუნდეს ამ ღირებულებას. მსგავსმა სცენარმა შეიძლება გააორმაგოს ფასები სამომხმარებლო ვიდეო დაფებზე, რადგან Ethereum-ის მოპოვება გახდება ბევრად უფრო მომგებიანი საქმიანობა. 

http://bit.ly/2WLG2gn 

[George]

გამორიცხული არაფერია, მაინინგის ბუმის გარეშეც საშინელი მოთხოვნაა მაგ ახალ ვიდეოკარტებზე ამ ეტაპზე, გეიმერებსაც უნდათ, ენტუზიასტებსაც, რენდერშიც,მაინინგშიც და ყველას აშკარათ არ ყოფნის ჯერ, VRAM დეფიციტი ყოფილა და მაგ ვიდეოკარტების 7-8 ნანომეტრიან ჩიპებზე, განსაკუთრებით AMD კარტებზე