NVIDIA GeForce RTX 3060 Ti წარმადობით აღემატება RTX 2080 SUPER-ს 3DMark-ის ტესტებში

[Magdalena]

NVIDIA GeForce RTX 3060 Ti ვიდეო დაფის დებიუტის მოლოდინში, რომელიც ადგილს დაიკავებს საშუალო ფასის სეგმენტში, უფრო და უფრო მეტი ინფორმაცია ჩნდება ახალი პროდუქტის წარმადობის დონის შესახებ: რამდენიმე დღის წინ კომპიუტერულმა საზოგადოებამ შეაფასა ახალი მოდელის მიღწევები, შეისწავლა ოფიციალური სლაიდის მონაცემები, ამჯერად კი რესურს VideoCardz-ის წყალობით შესაძლებელი გახდა გრაფიკული ადაპტერის შედეგების შეფასება 3DMark ბენჩმარკის ტესტირების შედეგად. 

 

წარმოდგენილი ინფორმაციის თანახმად, Fire Strike და Time Spy ტესტებში GeForce RTX 3060 Ti ვიდეო დაფამ მოაგროვა 30706 და 12175 ქულა და გაუსწრო Turing-თაობის მოდელ GeForce RTX 2080 SUPER-ს 6 და 4%-ით, შესაბამისად. 

არანაკლებ საინტერესოა ის ფაქტი, რომ GeForce RTX 3060 Ti-სა და RTX 3070-ს შორის განსხვავება მხოლოდ 11-13% იყო, ამ უკანასკნელში შესამჩნევად დიდი რაოდენობით CUDA ბირთვია. 

 

უნდა აღინიშნოს, რომ ახალ დაფას ექნება გრაფიკული ჩიპი, რომელიც ფუნქციონირებს 1410/1665 სიხშირეებზე საბაზისო/Boost-რეჟიმში და აქვს 4864 აქტიური CUDA-ბირთვი, აგრეთვე 8 გბ GDDR6 ტიპის ვიდეო მეხსიერება ეფექტური 14 გჰც სიხშირით.  

არსებული ცნობებით, GeForce RTX 3060 Ti ოფიციალურად გამოვა 2 დეკემბერს, პროდუქტის მიმოხილვები კი ერთი დღით ადრე გამოჩნდება. მოსალოდნელია, რომ ახალი მოდელის სარეკომენდაციო ფასი არ აღემატება 400 აშშ დოლარს. 

https://bit.ly/2V5bjKo 

[მშვილდოსანი]

ოხ ესეც კაი რამე იქნება 1080p სთვის, ცოტათი თუ ჩამოუვარდება 3070 - ს შეიძლება ვაბშე ეს ავიღო, გააჩნია ძაან თუ არ გაიწელა ამაზე დეფიციტი.

[George]

რავი ლამის 2080სუპერზე ოდნავ სუსტი არისო და 1080Ti ძლიერი, კარგი რამეა ეგეც, თან იძახიან ლამის 3070-ის დონეზე უბერავსო ეთერეუმის ალგოზე ეგეთი მაინინგში, კარგი მატება აქვსო რამის რაზგონის შემდეგ, რეზინასავით რაზგონდებაო რამი