Intel-ი გამოუშვებს დაბალბიუჯეტურ ოთხბირთვიან Core i3-10100F პროცესორს - AMD Ryzen 3 3300X Zen 2-ის კონკურენტი

[Magdalena]

Intel-მა თავის ვებ-გვერდზე განათავსა პროცესორი Core i3-10100F, რომელიც არ შედიოდა მეათე თაობის Comet Lake-S პროცესორების ჩამონათვალში. Intel i3-10100F მზადაა გახდეს ბიუჯეტური გეიმინგის ახალი ჩემპიონი, მას აქვს 14-ნანომეტრიანი ჩიპი Comet Lake, 4 ბირთვი და 8 ნაკადი, 3.6 გჰც საბაზისო სიხშირე და მაქსიმალური - 4.3 გჰც. TDP-ის დონე 65 ვატია და მცირე მოთხოვნა აქვს გაგრილებისადმი, რაც კარგ სიახლეს წარმოადგენს ბიუჯეტური სისტემებისთვის. 

 

i3-10100F-ს არ აქვს ინტეგრირებული გრაფიკა, თუმცა შესაძლებელია დისკრეტულ გეიმინგ ვიდეო დაფასთან წყვილში გამოყენება. Intel Core i3-10100F-ის ფასი იქნება 80-98 აშშ დოლარი, იგი კონკურენციას გაუწევს დაბალბიუჯეტურ AMD Ryzen 3 3300X-ს, რომელიც დამყარებულია Zen 2 არქიტექტურაზე, დამზადებულია 7-ნანომეტრიანი ტექნოპროცესით, აქვს 4 ბირთვი და 8 ნაკადი. Core i3-10100F-თან შედარებით Ryzen 3 3300X-ის საბაზისო სიხშირე 200 მეგაჰერცით მაღალია, ასევე მესამე დონის ქეშ-მეხსიერება Intel-ის ჩიპთან შედარებით 10 მბ-ით მეტია. 

 

AMD Ryzen 3 3300X-ს Core i3-10100F-ის მსგავსად არ აქვს ინტეგრირებული გრაფიკა, მისი TDP-ის დონეს 65 ვატია და Core i3-10100F-ის იდეალური კონკურენტია. AMD Ryzen 3 3300X-ის კომპლექტაციაში შედის ქულერი Wraith Stealth, Intel Core i3-10100F-ს კი დიდი ალბათობით ექნება იგივე ქულერი, რომელსაც Intel-ი მთელი ეს წლები იყენებდა. ჯერჯერობით უცნობია შეძლებს თუ ვერა Core i3-10100F, რომ გეიმინგ წარმადობით კონკურენცია გაუწიოს Ryzen 3 3300X-ს, თუმცა Intel i3-10100F აშკარა გამარჯვებული გამოვა, თუკი კომპანია შეძლებს ბაზარი უზრუნველყოს საკმარისი რაოდენობის მოდელებით.  

https://bit.ly/2Fnopym 

[Gogla1990]

კარგია კონკურენცია, ვინ იფიქრებდა 5 წლის წინ, რომ ინტელი 4/8-ზე ი3-ს გამოუშვებდა და 80 დოლარად გაყიდიდა, მადლობა ამდ-ს  

[George]

i7-7700 non-k ოდნავ სუსტი იქნება ეგეთი, ინტეგრირებულის გარეშეა, ანუ ჩემს კი აჯობებს საკმაოთ ფპს-ით