Micron-მა წარადგინა GDDR6X მეხსიერება 21 გბ/წმ სიჩქარით. იგი ახალ GeForce RTX დაფებში გამოიყენება

[Magdalena]

კომპანია Micron-მა წარადგინა მისი მტკიცებით ყველაზე სწრაფი GDDR6X მეხსიერება გრაფიკული ამაჩქარებლებისთვის. ეს მეხსიერება უზრუნველყოფს 1 ტბ/წმ-მდე სიჩქარეს. მისი დებიუტი შედგა NVIDIA-ს ახალ GeForce RTX 3080 და RTX 3090 ვიდეო დაფებში. 

 

Micron-ის GDDR6X მეხსიერებაში გამოყენებულია სიგნალების გადაცემის ინოვაციური ტექნოლოგია - ოთხდონიანი ამპლიტუდურ-იმპულსური მოდულაცია (PAM4), რომელიც უზრუნველყოფს უფრო მაღალ სიჩქარეს, ვიდრე წინა თაობის მეხსიერება.  

 

GDDR6X-ის ერთი კონტაქტის მონაცემთა გადაცემის სიჩქარე აღწევს 21 გბ/წმ-ს იმ დროს, როდესაც GDDR6-ის მაჩვენებელი მხოლოდ 16 გბ/წმ-ია. შედეგად, მეხსიერების მთლიანი ქვესისტემის სიჩქარე (GDDR6) ადრე აღწევდა მხოლოდ 700 გბ/წმ-ს, ამჯერად კი ამ მაჩვენებელმა თეორიულად შეიძლება მიაღწიოს 1 ტბ/წმ-ს. 

 

კომპანია ამტკიცებს, რომ ახალი სტანდარტი ყველაზე სწრაფია ვიდეო დაფებისთვის, რაც სამართლიანი ნაწილობრივაა. GDDR6X ნამდვილად არის ყველაზე სწრაფი კლასიკური ტიპის მეხსიერებაში, თუმცა HBM2 უზრუნველყოფდა რეალურ 1 ტბ/წმ სიჩქარეს Radeon VII ვიდეო დაფაში კერ კიდევ 2019 წელს. 

ასეა თუ ისე, ამით არ კნინდება ახალი GDDR6X მეხსიერების ღირსება. Micron-ის განცხადებით, მისი უზარმაზარი სიჩქარე მნიშვნელოვან უპირატესობას უზრუნველყოფს 3D-რენდერინგში, გეიმინგში, ხელოვნურ ინტელექტთან დაკავშირებულ ამოცანებში, სამეცნიერო, ინჟინრულ და საფინანსო გამოთვლებში. ყველა ამ შემთხვევაში ხდება უზარმაზარი მოცულობის მონაცემების დამუშავება და რაც მეტია მეხსიერების სიჩქარე, მით უფრო სწრაფად ხდება ამ მონაცემების დამუშავება. 

https://bit.ly/3jJGQeS 

[George]

ეგ და რაზრაბოტკები დაფის კიდე სამსუნგის ქონია 3000 სერიის კარტებზე, ძალზე სერიოზული ნახტომია რასაც ქვია, ძალიან მოუხდებაო მაინინგსაც ეგეთი გამტარობა იძახიან უკვე, თუმცა არ ამხელენ ჯერ რეალურ ჰეშრეიტებს