ASUS-მა წარადგინა ROG Swift PG259QN - მსოფლიოში ყველაზე სწრაფი მონიტორი კიბერსპორტისთვის 360 ჰც კადრის განახლების სიხშირით

[Magdalena]

კომპანია ASUS-მა დააანონსა მონიტორი პროფესიონალი გეიმერებისთვის - ROG Swift PG259QN - როგორც კომპანია ამტკიცებს, ეს გახლავთ მსოფლიოში ყველაზე სწრაფი პანელი კიბერსპორტისთვის: მისი კადრის განახლების სიხშირე აღწევს 360 ჰერცს. 

 

მოწყობილობას საფუძვლად უდევს Fast IPS მატრიცა, რომლის რეაქციის დრო 1 მილიწამია. ეკრანის გაფართოება შეადგენს 1920 × 1080 პიქსელს (Full HD ფორმატი), სიკაშკაშე - 400 კდ/მ2, კონტრასტულობა - 1000:1. ხედვის კუთხე ჰორიზონტალურად და ვერტიკალურად 178 გრადუსია. 

მონიტორს აქვს HDR10-ის მხარდაჭერა. NVIDIA G-Sync ტექნოლოგია პასუხისმგებელია გეიმინგ-პროცესის უწყვეტ, სინქრონულ მუშაობაზე, ULMB (Ultra-Low Motion Blur) სისტემა კი უზრუნველყოფს მოძრაობის დროს კადრის დამახინჯების შემცირებას. 

 

ASUS GamePlus კომპლექტი მოიცავს ხუთ მოსახერხებელ ინსტრუმენტს კიბერსპორტსმენებისთვის: წამმზომი, სამიზნის მონიშვნა, ტაიმერი, კადრების მრიცხველი და რამდენიმე დისპლეისგან შემდგარ კონფიგურაციაში გამოსახულების გათანაბრების საშუალება. 

უკანა მხარეს გათვალისწინებულია მრავალფერი სინქრონიზებადი განათება ASUS Aura Sync. სადგამი მრავალგვარი განთავსების საშუალებას იძლევა: შესაძლებელია დახრის კუთხის შეცვლა და ეკრანის მობრუნება, სიმაღლის რეგულირება, აგრეთვე პანელის გადაყვანა ალბომის რეჟიმიდან პორტრეტის ორიენტაციაში. 

 

ხელმისაწვდომია ინტერფეისები: HDMI 2.0 და DisplayPort 1.4, 3.5-მილიმეტრიანი აუდიოკონექტორი, ორი USB 3.0 პორტი. სისტემები Flicker-free და Low Blue Light ხელს უწყობს თვალებზე დატვირთვის შემცირებას და აღმოფხვრის ზოგად დაღლილობას. 

https://bit.ly/3jicHTI 

 

[George]

ეგ 3080ti-3090 გამოუშვეს უფრო მგონი, რახან 200ფპს+ მარტო მაგ კარტებს შეეძლებათ გაანვითარონ 1080p ყველა იგრებში თუ არა ზოგიერთებში მაინც, თუმცა რაღაც ეფექტი ისედაც აქვს მითუმეტეს 144-ან 360-ზე როცა გადადიხარ ეგრევე, 80-100ფპს გეიმინგს ვგულისხმობ, მანდ მატრიცის სისწრაფეც ძალზე მაღალი ექნება GTG რესპონსზე შეიძლება რეალური 1-2მს ქონდეს, ვნახოთ აბა მიმოხილებში გამოჩნდება ეგ