დიზაინერული ხედვა, თუ როგორ იქცევა პიკაპი Tesla Cybertruck მთვარემავლად

[Magdalena]

ილონ მასკის კომპანიები - Tesla და SpaceX  სულ უფრო მჭიდროდ თანამშრომლობენ ერთმანეთთან. არავის გაუკვირდება, რომ მათ სამომავლოდ ძალისხმევა გააერთიანონ და შექმნან მთვარემავალი, რომელსაც ასტრონავტები გამოიყენებენ. როგორც ჩანს, ასეთივე აზრისაა ერთ-ერთი დიზაინერი, რომელმაც შექმნა და გამოაქვეყნა რამდენიმე ვიზუალიზაცია, თუ როგორი შეიძლება იყოს Tesla-ს მთვარემავალი. 

 

Tesla-ს მთვარემავალის რენდერების ავტორია Instagram-ის რიგითი მომხმარებელი Charlie Automotive. სავსებით ლოგიკურია, რომ პროექტს საფუძვლად დაედო პიკაპი Tesla Cybertruck, რადგანაც მისი უჩვეულო გარეგნული იერსახე შესანიშნავად გამოდგება მთვარემავალისთვის. 

პიკაპი გამოიყურება ისე, თითქოს სამეცნიერო ფანტასტიკის ჟანრის ნაწარმოებიდანაა წარმოდგენილი. გარდა ამისა, Tesla იყენებს მტკიცე კორპუსსა და ტყვიაგაუმტარ მინას Cybertruck-ის კონსტრუქციაში, რაც სასარგებლო იქნება იმ შემთხვევაში, თუკი ილონ მასკი მოისურვებს პიკაპის ბაზაზე ნამდვილი მთვარემავლის აწყობას. 

 

ფართო საზოგადოების წინაშე ელექტრო პიკაპ Tesla Cybertruck-ის წარდგენა შედგა გასული წლის ნოემბერში. მიუხედავად იმისა, რომ პიკაპის სერიული წარმოება ჯერ არ დაწყებულა, კომპანიამ მის შეძენაზე წინასწარი შეკვეთების დიდი რაოდენობა მიიღო. კომპლექტაციის შესაბამისად ელექტრომობილს შეუძლია გაიაროს 400-დან 800 კილომეტრამდე მანძილი ერთ დამუხტვაზე. საბაზისო კომპლექტაციის Cybertruck-ის შეძენა შესაძლებელია დაახლოებით 40 ათას აშშ დოლარად. 

https://bit.ly/3eYrQYk