NVIDIA GeForce RTX 3080 Ti – ტექნიკური მახასიათებლები, ფასი და გამოშვების თარიღი - ყველაფერი, რაც ამ დროისთვისაა ცნობილი

[Magdalena]

როგორც ვიცით, NVIDIA-მ 15 მაისს არ დაანონსა ფლაგმანური GeForce RTX 3080 Ti. ცნობილია ის, რომ სამომხმარებლო და პროფესიონალური მოდელები დაფუძნებული იქნება არქიტექტურა Ampere-ზე. ანალიტიკოსებმა განაცხადეს, რომ ყველაფერში დამნაშავეა AMD, რომელმაც დიდხანს გააჭიანურა Big Navi-ს ანონსი, თუმცა ამით ვითარება არ იცვლება. Тomshardware-ის ექსპერტებმა გააანალიზეს ყველა არსებული ინფორმაცია და მზად არიან გეიმერებს გაუზიარონ, თუ რას უნდა ელოდონ NVIDIA-ს ფლაგმანური ვიდეო დაფისგან. 

 

პირველი, რაც უნდა ვიცოდეთ - ეს არის ტრანზისტორების დაუჯერებელი სიმჭიდროვე. 12-ნანომეტრიანი ტექნოპროცესიდან 7-ნანომეტრიან ტექნოლოგიაზე გადასვლა საშუალებას იძლევა გაორმაგდეს არა მხოლოდ GPU-ბირთვების რაოდენობა, არამედ ტენსორული ბირთვების რიცხვიც, რაც განაპირობებს fps-ის ვარდნის შემცირებას რეითრეისინგის რეჟიმში გადასვლისას. ქვემოთ წარმოდგენილია ახალი გრაფიკული პროცესორების წინასწარი მახასიათებლები, რომლებიც შედგენილია ცოტა ხნის წინ დაანონსებული უდიდესი GPU-ის - A100-ის საფუძველზე. 

 

ამჟამად ვრცელდება ცნობები, რომ NVIDIA-ს ბიუჯეტურ ვიდეო დაფასაც კი ექნება რეითრეისინგის მხარდაჭერა. გაურკვეველია, შენარჩუნდება თუ არა მასზე უკვე გამოცხადებული ფასი, რადგანაც ფასის კიდევ ერთხელ მატება მომხმარებლების უკმაყოფილებას გამოიწვევს.  

შეშფოთებას იწვევს მაღალი წარმადობის RTX 3080 Ti და RTX 3080 ვიდეო დაფების ფასებიც. ანალიტიკოსები მიუთითებენ, რომ ახალი 7-ნანომეტრიანი ტექნოპროცესი საწყის ეტაპზე 12-ნანომეტრიანზე ძვირი იქნება.  

ადრე ვრცელდებოდა ინფორმაცია, რომ  ვიდეო დაფების მწარმოებელი დიდი კომპანიები ემზადებოდნენ ფლაგმანურ RTX სერიაზე ფასების შემცირებისთვის. კითხვები კიდევ ბევრია. NVIDIA-ს ხელმძღვანელმა AMD-ს პირველი სვლის გაკეთების საშუალება მისცა. ახალი არქიტექტურა Ampere მეტად პერსპექტიულად გამოიყურება. უმნიშვნელოვანესი საკითხია - შეძლებს თუ ვერა კომპანია წარმადობასა და ფასს შორის ბალანსის პოვნას. 

https://bit.ly/2ZfX5tw