NVIDIA გეგმავს ვიდეო დაფების გამოშვებას ორი ახალი არქიტექტურა Ampere-სა და Hopper-ის ბაზაზე - 5-ნანომეტრიანი ტექნოპროცესი და მასობრივი წარმოება მიმდინარე წლის მესამე კვარტლიდან

[Magdalena]

ცნობილი გახდა, რომ 14 მაისს შედგება მომდევნო თაობის არქიტექტურის - NVIDIA Ampere-ს ანონსი. ბოლო ცნობებით მტკიცდება, რომ ახალი ფლაგმანი GeForce RTX 3080 Ti იქნება ორჯერ სწრაფი ბაზრის ამჟამინდელ ლიდერ RTX 2080 Ti-ზე. ახლახანს კი გავრცელდა ცნობები, რომლებიც დაბნეულობას ქმნის Nvidia-ს სამომავლო ვიდეო ბარათებთან დაკავშირებით. 

 

დავიწყოთ ყველაზე მარტივით: NVIDIA ნამდვილად გახდება TSMC-ის ერთ-ერთი უმსხვილესი კლიენტი მიმდინარე წელს. ტაივანური კომპანია „მწვანეებისთვის“ გამოუშვებს სილიკონს 7-ნანომეტრიანი ტექნოპროცესით. სწორედ ამ ტექნოლოგიის ბაზაზე გამოვა NVIDIA Ampere თაობის ვიდეო დაფები. ეს პროდუქტები 2020 წლის მესამე კვარტლიდან გაიყიდება.  

არსებობს სხვა ინფორმაციაც: ამა წლის მეორე კვარტალში Samsung დაიწყებს ჩიპების წარმოებას საკუთარი 5-ნანომეტრიანი EUV ტექნოლოგიით (5LPE). სამხრეთკორეული კომპანია ამტკიცებს, რომ მოხმარებლებს შორის უდიდესი ნაწილი უკავია სამომხმარებლო გადაწყვეტილებებს, რომელთა შორისაა ვიდეო დაფებიც. ექსპერტები მიიჩნევენ, რომ ამ შემთხვევაში საუბარი ეხება NVIDIA Hopper არქიტექტურას. რატომ ყიდულობს კომპანია ერთდროულად სხვადასხვა ტექნოპროცესით წარმოებულ ჩიპებს - ჯერჯერობით უცნობია. შესაძლოა ფლაგმანურ მოდელებს ჰქონდეს მოწინავე 5-ნანომეტრიანი ტექნოპროცესით წარმოებული ჩიპები და ისინი გამოყენებულ იქნას მანქანური სწავლების სისტემებში, ხელოვნურ ინტელექტსა და ქლაუდ-გამოთვლებში. ეს ყველაფერი დიდი ალბათობით 14 მაისს გაირკვევა, ექსპერტები სწორედ ამ დღეს ელიან კომპანიის სამომავლო სამოქმედო გეგმის გამოჩენას. 

https://bit.ly/3bZOT40